Ester 3 - An Bíobla Naoṁṫa 1817 (Bedell)

Caibidil III. Háman, na scaṫan ar an Ċúirteóir ainméineaċ, ḟuilteaċ.

¹ Tareis na neiṫeánn so do ṁéuduíġ an ríġ Ahasuerus Háman mac Ammedata an Tagagiteaċ, agus dárduiġ é, agus do ċuir sé a ionad suiḋe ós cionn na huile ṗrionnsaḋ da raiḃ aige.

² Agus do ċlaóindís, agus duṁluiġedís serḃísiġ an ríġ uile, do ḃí san ġeata, do Háman: óir daiṫin an ríġ mairsin dá ṫáoḃ. Aċt ní ċromaḋ Mordecai, agus ní ḋéanaḋ sé uṁla ḋó.

³ Annsin a duḃradar serḃísiġ an ríġ, do ḃí a ngeata an ríġ, re Mordecai, Cred fá sáruiġionn tú aiṫne an ríġ?

⁴ Anois tárla, a nuáir do laḃrádar go láeṫeaṁuil ris, agus naċ ttug sé toraḋ orra, gur innisiodar sin do Háman, dféuċuin an seasfaidis bríaṫra Ṁordecai: óir dinnis sé ḋóiḃ gur Iúduiġ é.

⁵ Agus an tan do ċonnairc Haman naċ uṁluiġeaḋ Mordecai, agus naċ déanaḋ sé onóir ḋó, annsin dó ḃí Háman lán dfeirg.

⁶ Agus bá tarcuisneaċ leis laṁ do ċur ann Mordecai na áonar; óir do ṫaisbeanadar muinntir Ṁordecai ḋó: uime sin díarr Háman na Iúduiġe uile do scrios do ḃí ar feaḋ rioġaċda Ahasuerus uile, eaḋon muinntir Ṁordecai.

⁷ ¶ Annsa ċéad ṁí, (do bí sin mí Nisan), annsa dara blíaḋuin déug don ríġ Ahasuerus, do ṫeilgiodor Pur, eaḋon, crannċar, róiṁe Háman ó ló go ló, agus o ṁí go mí, gus an dara mí déag, mar etá, mí Adar.

⁸ ¶ Agus a duḃairt Háman ris an ríġ Ahasuerus, Atá pobal áiriġ sgaóilte amuiġ agus ar na spréaġaḋ idir na daóiniḃ an anuile ṗroiḃinnsiḃ do rioġaċta; agus atáid a ndliġṫe éacsaṁuil ó nuile ṗobal, agus ní ċoṁéaduid diiġṫe an ríġ: uime sin ní tarḃa don ríġ a ḃfulang.

⁹ Mas toil leis an ríġ, scríoḃṫar a ccur ċum báis: agus díolfuiḋ misi deiċ míle tallann airgid a láṁuiḃ na druinge air a ḃfuil cúram na cúise, re na ṫaḃairt a ttiġṫiḃ ionnṁuis an ríġ.

¹⁰ Agus do ḃean an ríġ a ḟáinne ḋá láiṁ, agus ṫug sé é do Háman ṁac Ammedata an Tagagiteaċ, naṁuid na Niúduiġeaḋ.

¹¹ Agus a duḃairt an ríġ ré Háman, Tugaḋ an tairgiod, agus fós na daoine ḋuitsi, do ḋéanaṁ ríu mar is áil leaċd féin.

¹² Annsin do goireaḋ ar scriḃneóiriḃ an ríġ an treas lá déag don ċéidṁí, agus do scríoḃaḋ annsin do réir a nuile neiṫe dar aiṫin Háman dfearuiḃ ionuid an ríġ, agus do na húaċtaránuiḃ do ḃí os cionn gaċ aon ṗroiḃinnsi, agus do riaġlóiriḃ a nuile ṗobuil gaċ áon ṗroiḃinnsi, do réir a scríḃinn sin, agus ċum gaċ aon ṗobail do réir a tteangṫa; a nainm an ríġ Ahasuerus do scríoḃaḋ é, agus do séuluiġeaḋ é le fáinne an ríġ.

¹³ Agus do cuireaḋ na litreaċa ar siuḃal le teaċdairiġiḃ ċum gaċ uile ṗroiḃinnse an ríġ, do scrios, de ṁarḃaḋ, agus do ḋíoṫlaiṫriuġáḋ, a nuile Iúduiġe, edir óg agus arsuiġ, ċlainn ḃig agus ṁná, a náon ló, eaḋon air an treas lá déag don dara ṁí déag, (noċ ar bí mí Adar), agus a néadáil dó ṫógḃail súas mar ċreiċ.

¹⁴ Cóip na scríḃinne do ṫaḃairt mar aiṫne ann gaċ aon ṗroiḃinnsi do foillsiuġaḋ do nuile ḋuine é, lé a mbéidís réiġ a ccoinne an láe sin.

¹⁵ Do ċúadar na postaḋa amaċ, ar na mbrostuġaḋ le haiṫne an ríġ, agus tugaḋ a nfógra ann Súsan an pálás. Agus do ṡúiġ an ríġ agus Háman síos ċum óil; aċt do ḃí an ċaṫair Súsan buáiḋearṫa.