Ester 2 - An Bíobla Naoṁṫa 1817 (Bedell)

Caibidil II. Ester, eisiomlar na deaġ‐ṁná uirisle, ṫáinic go honóir.

¹ Andiaiġ na naiṫeannsa, a nuáir do laġduiġ fearg ríġ Ahasuerus, do ċuiṁniġ sé ar Ḃasti, agus cred do rinne sí, agus cred do hórduiġeaḋ na haġaiḋ.

² Annsin a dúḃradar serbísiġ an ríġ do níoḋ miniostralaċt dó, Iarṫar maiġdeana scíaṁaċa óga don ríġ:

³ Agus órduiġeaḋ an ríġ oifigiḋ a bproiḃinnsiḃ a rioġaċt uile, ċor go ccruinniġedís a ccionn a ċéile na huile ṁaiġdeana scíaṁaċa óga go Súsan an pálás, go tiġ na mban, fá ċuṁdaċ Hege seomradóir an ríġ, coiṁéuduiġ na mban; agus tugṫar fá deara neiṫe ċum a nglanta do ṫaḃairt dóiḃ:

⁴ Agus bíoḋ an ṁaiġdean ṫaitneaṁas ris an ríġ na bainrioġain a náit Ḃasti. Agus do ṫaitin an ní sin ris an ríġ; agus do rinne sé mar sin.

⁵ ¶ Anois do ḃí annsa ṗálás Súsan Iúduiġ áiriġ, dar ḃainm Mordecai, ṁac Iair, ṁic Simei, ṁic Cis, Beniamíteaċ;

⁶ Noċ rugaḋ ar siuḃal as Ierusalem annsa daóirsine noċ rugaḋ air siuḃal a néinḟeaċt re Ieconiah ríġ Iúdah, noċ rug Nebuċadnessar ríġ na Babiloine leis.

⁷ Agus ṫug leis súas Hadassah, (noċ dar ḃainm, Ester,) inġean dearḃraṫar aṫar ḋó: óir ní raiḃ aṫair nó maṫair aice, agus do ḃí an ṁaiġdion breaġḋa sgíaṁaċ; noċ do ġaḃ Mordecai, (a nuáir déug a haṫair agus a maṫair), ċuige mar inġin dó féin.

⁸ ¶ Marsin tárla, an tan do ċlos aiṫne agus órduġaḋ an ríġ, agus a nuáir do cruinniġeaḋ mórán maiġdean go Súsan an pálás, fá ċuṁdaċ Hegai, gur tugaḋ Ester ann mar an ccéadna go tiġ an ríġ, fá ċuṁdaċ Hegai, coiṁéaduiġ na mban.

⁹ Agus do ṫaitin an cailín ris, agus fuáir sí cinéul úaḋ; agus ṫug sé ḋi go lúaṫ na neiṫe dfóir ċum a hainiċṫe, maille ris gaċ ní dár ḃéan ría, agus móirṡeisior cailiniġ, dob iomċuḃuiḋ ḋi dfaġáil, as tiġ an ríġ: agus do ċuir sé í féin agus a cailíniġ annsa náit do bfeárr do ṫiġ na mban.

¹⁰ Níor ḟoillsiġ Ester a daoine nó a cineaḋ: óir daiṫin Mordecai ḋi gan a ninnsin.

¹¹ Agus do ḃí Mordecai gaċ laói ag siúḃal as coinne ċúirte ṫiġe na mban, dféuċuin ciondus do ḃíaḋ Ester, agus an ċríoċ déireoċaḋ ḋi.

¹² ¶ Agus a núair ṫáinic úair gaċ éanṁaiġdine, do ḋul a ccionn an ríġ Ahasuerus, tar éis í ḃeiṫ blíaḋuin, do réir ġnáṫa na mban, (óir is mar sin do coiṁlíontaoi láeṫe a nainicṫe, mar atá, sé ṁí le hola ṁirra, agus sé ṁí le neiṫiḃ deaġḃoluiġ, agus le neiṫiḃ oile do ġlanaḋ na mban;)

¹³ Marso a nuáirsin do ṫigeaḋ gaċ éanṁiġdion ċum an ríġ; giḋ bé ar biṫ ní díarraḋ sí do ḃerṫi ḋi é do ḋul lé amaċ as tiġ na mban go tiġ an ríġ.

¹⁴ Traṫ nóna, dimṫiġeaḋ sí ann, agus ar na ṁáraċ dfilleaḋ sí go dara tiġ na mban, fa ċuṁdaċ Ṡaasgas, séomradóir an ríġ, noċ do ċoiṁéud na leannáin: ni ṫigeaḋ sí a steaċ ní sa ṁó ċum an ríġ, aċt muna ḃeiṫ dúil ag an ríġ innte, agus go ccuireaḋ fíos uirre as a hainm.

¹⁵ ¶ Anois a nuáir do ṫainig seal Ester, inġean Abihail dearḃraṫair aṫar Ṁordecai, (noċ do ġaḃ lé mar inġin,) do ḋul a steaċ ċum an ríġ, ni íarraḋ sí éinni aċt an ní do órduiġeaḋ, Hegai séomradóir an ríġ, coiṁeaduiġ na mban. Agus fuáir Ester gean a raḋare gaċ uile ḋuine dá ḃféuċaḋ uirre.

¹⁶ Mar sin rugaḋ Ester gus an ríġ Ahasuerus don tiġ rioġa annsa deaċṁaḋ mí, (noċ isi sin mí Tebet), annsa seaċdṁaḋ blíaḋain dá ríġe.

¹⁷ Agus do ġráḋuiġ an ríġ Ester ós cionn na mban uile, agus fuáir sí gean agus grása iona raḋarc tar na maiġdeanuiḃ uile; iondus gur ċuir sé an ċoróin ríoġa ar a ceann, agus go ndéarna sé bainríoġan di a náit Ḃasti.

¹⁸ Annsin do rinne an ríġ féusta mór dá ṗrionnsaḋuiḃ agus dá ṡerḃíseaċaiḃ uile, eaḋon féusta Ester; agus do ṫug sé saóirse do na proiḃinnsiḃ, agus ṫug sé tioḋlaicṫe ḋóiḃ, do réir ċumuis an ríġ.

¹⁹ Agus a nuáir do ċruinniġeadar na maiġdiona a ḃfoċair a ċéile an dara huáir, do ḃí Mordecai na ṡuiḋe a ngeata an ríġ.

²⁰ Nior ḟoillsiġ Ester fós a cineaḋ nó a daóine; mar do ċuir Mordecai dúalaċ uirre: óir do rinne Ester aiṫne Ṁordecai, aṁuil agus do rinne a nuáir do ḃí dá taḃairt súas aige.

²¹ ¶ Annsna láeṫiḃsin, (an feaḋ do ḃí Mordecai na ṡuiḋe a ngeata an ríġ), do ḃí fearg ar ḋís do ṡeomradóiriġiḃ an ríġ, Bigtan agus Teres, do luċd coiṁéad an doruis, agus do ṫríalladar láṁ do leagaḋ air an ríġ Ahasuerus.

²² Agus fuair Mordecai fios na cúise, noċ dinnis sé do Ester an ḃainríoġain; agus dfoillsiġ an ḃainríoġan sin don ríġ a nainm Ṁordecai.

²³ Agus a nuáir do leanaḋ an ċúis, do fríṫ a ḋeiṁin; uimesin do croċaḋ íadsan araon ar crann: agus do scríoḃaḋ sin a leaḃar croiniceaḋ a laṫair an ríġ.