Esra 4 - An Bíobla Naoṁṫa 1817 (Bedell)

Caibidil IV. Do ċuireadar cosc ar ṫogḃala an teampuill.

¹ Anois a núair do ċúaladar easccáirde Iúdah agus Ḃeniamin go raḃadar clann na ndaóirsineaċ ag cur teampuill súas don TIĠEARNA Día Israel;

² Annsin ṫangadar go Serubbabel, agus go toġa na naiṫreaḋ, agus a duḃradar ríu, Léigiḋ ḋúinne congnaṁ riḃ: óir íarramaoid ḃur Ndía, mar íarrṫaóise; agus do nímid ioḋbuirt dó ó aimsir Esarhaddon ríġ Assur, noċ ṫug annso a níos sinn.

³ Aċt a duḃairt Serubbabel, agus Iessua, agus an ċuid oile do ṫoġa aiṫreaḋ Israel ríu, Ní ḃfuil buáin aguiḃ rinne as a ndéanaḋ siḃ tiġ dar Ndía; aċt sinn féin le ċéile do ḋéanam é don TIĠEARNA Día Israel, mar do ḟuagair Círus ríġ na Persia ḋuinn,

⁴ Annsin do laguiġeadar muinntir na tíre láṁa ṗobail Iúdah, agus do ṫoirmiosgadar íad iona nobair,

⁵ Agus do ḟostóiġeadar coṁairliġ na naġaiḋ, do ḃacaḋ a ttionnscanta, ar feaḋ ṡáoġail Ċirus ríġ na Persia, nó go ttáinic Dárius ríġ na Persia a ríġe.

⁶ Agus a ríġe Ahasuerus, a ttosaċ a ríġe, do scríoḃadar casaóid ċuige a naġaiḋ ṁuinntire Iúdah agus Ierusalem.

⁷ ¶ Agus a naimsir Artacsercses do scríoḃ Bíslam, Mitridat, Tabeel, agus an ċuid oile dá ccumpánaċaiḃ, go Hartacsercses ríġ na Persia; agus annsa teanguiḋ Ṡírianuiġ do ḃí scríḃinn na litre scríoḃṫa, agus do míniuġaḋ annsa teanguiḋ Ṡírianuiġ í.

⁸ Do scríoḃ Rehum an Saiṁseler agus Simsai an scriḃneóir litir a naġaiḋ Ierusalem go Hartacsercses an ríġ ar an moḋsa:

⁹ Annsin do scríoḃ Rehum an saiṁseler, agus Simsai an scriḃneóir, agus an ċuid oile dá ccompanaċaiḃ; na Dinaitiġ, agus na Haṗarsatċitiġ, na Tarpelitiġ, na Haṗarsitiġ, na Harċeḃitiġ, na Babilónianuiġ, na Susanċitiġ, na Dehaḃitiġ, agus na Helamitiġ,

¹⁰ Agus an ċuid oile do na cineaḋaċaiḃ noċ ṫug Asnappar mór úasal a nall, agus do ṡuiġiḋ a ccaiṫreaċaiḃ Ṡamária, agus an ċuid oile atá don taóiḃsi do naḃuinn, agus iona leiṫeidso daimsir.

¹¹ ¶ Sí so cóib na litreaċ do ċuireadar ċuige, eaḋon go Hartácsercses an ríġ; Do ṡerḃisiġ don taóiḃ so don naḃuinn, agus iona leiṫeidso daimsir.

¹² Bíoḋ a ḟios ag an ríġ, na Iúduiġe ṫáinic uáitsi a níos ċuguinne go ttangadar go Hierusalem, ag cur súas na droċċaiṫreaċ eassurrumaiġ, agus gur ċuireadar a ballaḋa súas, agus gur ċeangladar ḋá ċéile a bunáite.

¹³ Bíoḋ a ḟios a nois ag an ríġ, má cuirṫear an ċaṫairsi súas, agus na ballaḋa do ċur súas a rís, annsin naċ díolfuid siád cáin, cíos, nó custum, marsin laiġdeoċus tusa cíos na ríoġ.

¹⁴ Anois do ḃríġ go ḃfuil túarusdal aguinne as palás an ríġ, agus nar ḃiomċuḃuiḋ ḋúinn easonóir an ríġ dfaícsin, uimesin do ċuireamar uáinn agus do ḋeiṁniġeamar so don ríġ;

¹⁵ Ionnus go ndéantaoi cúartuġaḋ a leaḃar cuiṁniġṫeaċ haiṫreaḋ: marsin do ġeaḃa tú a leaḃar na cuiṁne, agus aiṫeonus tú gur caṫair ceannairceaċ an ċaṫairsi, agus dioġḃalaċ do ríġṫiḃ agus do ṫíorṫuiḃ, agus gur ṫógḃadar ceannairc a stiġ innte san tseanaimsir: arson na cúise sin do scriosaḋ an ċaṫairsi.

¹⁶ Dearḃamaoid don ríġ, má cuirṫear an ċaṫairsi súas a ris, agus a ballaḋa do ċur súas, dá ḃríġ so naċ biáiḋ cuid agad don taoiḃsi do naḃuinn.

¹⁷ ¶ Do ċuir an ríġ freagra go Rehum an Saiṁselér, agus go Simsai an scriḃneóir, agus gus an ccuid oile dá ccompanaċaiḃ áitreaḃus a Samária, agus ċum na coda oile táoḃ ṫall do naḃuinn, Síoṫċáin, agus iona leiṫeid sin daimsir.

¹⁸ An litir do ċuireaḃair ċuguinn do léiġeaḋ go soilléir am laṫair í.

¹⁹ Agus dfúagair misi, agus do rinneaḋ spíonaḋ, agus do friṫ go ndéarnuiḋ an ċaṫairsi imreasan a naġaiḋ ríoġ annsa tseanaimsir, agus go ndéarnaḋ cogaḋ agus buaiḋreaḋ ínnte.

²⁰ Do ḃádar riġṫe cuṁaċtaċa mar an ccéadna ós cionn Ierusalem, noċ do ríaġluiḋ ós cionn a niomláin táoḃ ṫall daḃuinn; agus do híocaḋ cíos, cáin, agus cusṫum ríu.

²¹ Tugaiḋsi a nois fúagra uáiḃ dá ṫaḃairt ar an muinntirsi cosc, agus gan an ċaṫairsi do ċur súas, nó go ttugṫar aiṫne uaimsi.

²² Tugaiḋ dá ḃur naire a nois gan failliġe ris so do ḋéanaṁ: cred as a ḃfásfaḋ díoġḃail do ḋeanaṁ doċair do na ríġṫiḃ?

²³ ¶ A nois an tan do léiġeaḋ cóib litreaċ Artacsercses a ḃfiaġnuise Rehum, agus Ṡimsai an scriḃneóir, agus a ccompánaċ, do ċúadar súas go deifreaċ go Hierusalem ċum na Iúduiġeaḋ, agus ṫugadar orra scúr le neart agus lé coṁaċduiḃ.

²⁴ Annsin do ċoisc obair ṫiġe Dé noċ atá ann Ierusalem. Marsin do scuir gus an dara blíaḋuin do ríġe Darius ríġ na Persia.