Eseċiel 6 - An Bíobla Naoṁṫa 1817 (Bedell)

Caibidil VI. Tairrġir ar smaċt Israel arson aḋraḋ na nioḋal.

¹ Agus ṫáinic bríaṫar an TIĠEARNA ċugamsa, ag ráḋ,

² A ṁic an duine, suiġiḋ haġaiḋ leaṫ ré sléiḃṫiḃ Israel, agus tairrġir na naġaiḋ,

³ Agus abair, Siḃsi a ṡléiḃte Israel, éistiġ bríaṫar an Tiġearna DIA, Is marso a deir an Tiġearna DIA ris na sléiḃtiḃ, agus ris na cnocaiḃ, ris na sroṫaiḃ, agus ris na gleantuiḃ; Féuċ, do ḃéara Misi, Misi fein, cloiḋeaṁ oruiḃ, agus millfiḋ mé ḃur náite árda.

⁴ Agus béid ḃur naltóra áonranaċ, agus béid ḃur níoṁáiġṫe briste: agus teilgfiḋ me síos ḃur mairḃ as coinne ḃur nioḋal.

⁵ Agus leagfuiḋ mé cuirp ṁarḃa ċloinne Israel a ḃfíaḋnuise a nioḋal; agus díosgaóilfe mé ḃur ccnáṁa ó ċéile timċioll ḃur naltóraċ.

⁶ Ann ḃur nuile áitíḃ coṁnuiḋe do ḋéantar na caiṫreaċa na ḃfásaċ, agus béid na háite árda uáigneaċ; iondus go mbéid ḃur naltóraċa na ḃfásaċ agus uáigneaċ, agus go mbrisfiġear ḃur nioḋail agus go scuirfid, agus go ngearrfuiġear síos ḃur níoṁáiġṫe, agus go ccuirfiġear ar ccúl ḃur noibreaċa.

⁷ Agus tuitfid na mairḃ ann ḃur lár, agus biáiḋ a ḟios agaiḃ gur misi an TIĠEARNA.

⁸ ¶ Ṫairis sin fúigfiḋ mé fuiġioll, ċor go mbiáiḋ cuid agaiḃ raċus ón ccloiḋeaṁ a measg na ccineaḋaċ, an tan ḋíoscaoilfiġear siḃ a measg na ttíorṫann.

⁹ Agus cuiṁneoċuid an ṁéid raċus as díḃ misi a measc na ccineaḋaċ mar a mbéarṫar a láiṁ íad, do ḃríġ gur briseaḋ mé le na ccroiḋe stríopaṁuil, noċ do ḋealuiġ riomsa, agus lé na súiliḃ, noċ ṫéid do stríopaċus a ndíaiġ a nioḋal: agus gráinfid íad féin do ḃríġ na nolc do rinneadar iona nuile ġráineaṁlaċdaiḃ.

¹⁰ Agus aiṫeonuid gur misi an TIĠEARNA, agus naċ go dioṁaóin a duḃairt mé go ndéanuinn an tolcso ḋóiḃ.

¹¹ ¶ Is marso a déir an Tiġearna DIA; Buáil lé do láiṁ, agus preab led ċois, agus abair, Mo ṫruáiġe ar son uile ḋroiċġráineaṁlaċta ṫiġe Israel! óir tuitfid ris an ccloiḋeaṁ, leis an gorta, agus leis an bpláiġ.

¹² An té atá a nimċéin éugfuiḋ sé don ṗláiġ; agus an té atá a bfogus tuitfiḋ sé leis an ccloiḋeaṁ; agus na té ṁairfios agus ionnsuiġeoċṫar éugfa sé leis an ngorta: marso ċoiṁlíonfus mé mo ḋíḃḟearg orra.

¹³ Annsin aiṫeontaói gur misi an TIĠEARNA, an tán ḃéid a ndaoine marḃa a measc a nioḋal timċioll fa ccuáirt a naltóraċ, air gaċ aon ċnoc árd, a mulluiġiḃ na slíaḃ uile, agus faói gaċ crann glas, agus faói gaċ daruiġ ḋuilleaḃairiġ, agus a náit ar ofráladar bolaḋ cuṁra dá nioḋaluiḃ uile.

¹⁴ Marsin ṡínfios misi mo láṁ amaċ orra, agus do ḋéana mé an fearann na ḟásaċ, aseaḋ, ní is uáigniḋe ná fásaċ Ḋiblat, iona náitreaḃṫaċaiḃ uile: agus aiṫeonuid síad gur misi an TIĠEARNA.