Eseċiel 42 - An Bíobla Naoṁṫa 1817 (Bedell)

Caibidil XLII. Cumadóireaċt ṡaóiṫeaṁuil an teampuill, ar na crioċ nuġaḋ.

¹ Annsin ṫug sé amaċ mé gus an ccúirt amuiġ, an sliġe leaṫ ris an ttuáisceart: agus ṫug sé a steaċ do na seomraḋuiḃ mé do ḃí ṫall ás ccoinne na háite ar leiṫ, agus do ḃí ós coinne an tiġe leaṫ ris an leiṫ ṫuáiġ.

² As coinne ḟad ċéad cuḃad, do ḃí an dorus a ttuáiġ, agas a leiṫead cáogad cuḃad.

³ Ṫall as coinne na ḃfiṫċiod ċuḃad noċ do ḃí don ċúirt a stiġ, agus ṫall as coinne na páḃála do ḃí don ċúirt amuiġ, do ḃí áit spaisdéoraċda ar aġaiḋ áite spaisdéoraċda a ttrí teaġaisiḃ.

⁴ Agus do ḃí as coinne na seomraḋiḃ áit spaisdeóireaċta deiċ ccuḃaid ar leiṫead táoḃ a stiġ, sliġe áon ċuḃad; agus a ndoirsi leaṫ ris an ttuáisceart.

⁵ Anois do buḋ giorra na seomraḋa úaċdair: óir dob áirde na hionaid spaisteóireaċda ná iadso, náid na híoċtaruiġ, agus ná lár an tiġe.

⁶ Oir do ḃádar a ttrí staiġriġiḃ, aċt ní raḃadar piléir aca aṁuil pileir na ccúirteann: uimesin do cuṁgaiḋeaḋ a nobair ní is mó ná an tíoċtar agus na an meaḋon ón ttalaṁ.

⁷ Agus do ḃí cáogad cuḃad a ḃfad an ḃalla do ḃí amuiġ, ṫall as coinne na seomraḋ, leaṫ ris an ccúirt amuiġ air aġaiḋ ṫosuiġ na seomraḋ.

⁸ Oír do bé fad na seomraḋa noċ do ḃí annsa ċúirt amuiġ cáogad cuḃad: agus, féuċ, as coinne an teampuill do ḃádar céad cuḃad.

⁹ Agus faoí na seomraḋuiḃsi do ḃí dul a steaċ don taóiḃ ṡoir, mar ṫéid áon ċuca ón ċúirt amuiġ.

¹⁰ Do ḃádar na seomraḋa a ttiuiġeadas ḃalla na cúirte leaṫ ris a noirṫear, ṫall as coinne na háite ar leiṫ, agus ṫall as coinne na hoibre.

¹¹ Agus do ḃí an tsliġe as ccoinne a ccosaṁlaċd ṫaisbéanta na seomraḋa noċ do ḃí leaṫ ris an ttuáisceart, ccomḟad ríu, agus coiṁleaṫan ríu: agus do ḃí a nimṫeaċta amaċ uile aráon do réir a nimḋéanta, agus do réir a ndoruis.

¹² Agus do réir ḋoruis na seomraḋ do ḃí leaṫ ris an ndeisceart do ḃí dorus a ccionn na sliġeaḋ, an tsliġe go díreaċ as coinne an ḃalla leaṫ ris a noirṫear, mar ṫéid aon a steaċ ionta.

¹³ ¶ Annsin a duḃairt seision riomsa, Na seomraḋa buḋ ṫuáiġ agus na seomraḋa buḋ ḋeas, atá as coinne na háite ar leiṫ, is seomraḋa náoṁṫa íad, mar a níosuid na sagairt ṫig a ngar don TIĠEARNA na neiṫe ro náoṁṫa: annsin cuirfid siad na neiṫe ro náoṁṫa, agus a nofráil bíḋ, agus a nofráil ṗeacaiḋ, agus a nofráil ṡáruiġṫe; oír is náoṁṫa a náit.

¹⁴ An tan raċaid na sagairt ionta a steaċ, annsin ní raċaid síad amaċ as a náit náoṁṫa don ċúirt amuiġ, aċt leagfuid a néaduiġe annsin iona miniostraluid; óir atáid náomṫa; agus cuirfiḋ a néaduiġe eile orra, agus tiucfaid a ngar do na neiṫiḃsi noċ ḃeanas ris an bpobal.

¹⁵ ¶ Anois an tan do ċríoċnuiġ sé toṁas an tiġe a stiġ, ṫug sé amaċ mé léaṫ ris an ngeata a ḃfuil a raḋarc leaṫ soir, agus do ṫoṁais fa ccuáirt é.

¹⁶ Do ṫoṁais sé an táoḃ ṡoir leis an tslat ṫoṁais cúig ċéad slat, leis an tslait ṫoṁais timċioll fa ccúairt.

¹⁷ Do ṫoṁais sé an taóiḃ ṫnáiġ cúig ċéad slat, leis an tslait ṫoṁais timċioll fa ccúairt.

¹⁸ Do ṫoṁais sé an taóiḃ ṫeas, cúig ċéad slat, leis an tslait ṫoṁais.

¹⁹ Dfill sé fa ccuáirt gus an ttaóiḃ ṡíar, agus do ṫoṁais sé cúig ċéad slat leis an tslait ṫoṁais.

²⁰ Do ṫóṁais sé é air na ceiṫre táoḃuiḃ: do ḃi balla aige timċioll fa ccuáirt, cúig ċead slat air fad, agus cúig ċéad ar leiṫead, do ḋéanaṁ dealuiġṫe eidir an tsanctóir agus a náit neaṁnáoṁṫa.