Eseċiel 37 - An Bíobla Naoṁṫa 1817 (Bedell)

Caibidil XXXVII. Fioġair aiṫ‐ḃeóġaḋ Israel, agus eiseirġe na marḃa: 15 le áonḋaċt Israel agus Iudah.

¹ Do ḃí láṁ an TIĠEARNA orumsa, agus ṫug sé amaċ mé a spíoraid an TIĠEARNA, agus do ṡuiġiḋ sé síos mé a lár an ġleanna noċ do ḃí lán do ċnáṁuiḃ,

² Agus ṫug sé orum gaḃáil re na ttáoḃ timċioll fa ccuáirt: agus féuċ, do ḃí ro ṁórán annsa ṁaċaire lom; agus féuċ, do ḃádar ro ṫirim.

³ Agus a duḃairt sé riom, A ṁic an duine, an ḃféaduid na cnáṁaso ḃeiṫ béo? Agus do ḟreagair misi, A Ṫiġearna DIA, is agadsa atá a ḟios.

⁴ A duḃairt sé riom a rís, Tairrġirsi air na cnáṁaiḃsi, agus abair riú, Siḃsi a ċnáṁa tiorma, éistiġ bríaṫar an TIĠEARNA.

⁵ Is marso a deir an Tiġearna DIA ris na cnáṁuiḃsi: Féuċ, cuirfe mé anál ionnuiḃ, agus mairfiḋe:

⁶ Agus cuirfe mé féiṫeaċ oruiḃ, agus do ḃéara mé feóil súas oruiḃ, agus foileoċa mé siḃ lé croicionn, agus cúirfe mé anál ionnuiḃ, agus beiṫí béo; agus biáiḋ a ḟios aguiḃ gur misi an TIĠEARNA.

⁷ Marsin do ṫairrġir misi mar do háiṫniġeaḋ ḋíom: agus mar do ṫairrġir mé, do ḃí tormán ann, agus féuċ crioṫ, agus ṫangadar na cnáṁa ċum a ċéile, cnáiṁ ċum a ċnáṁa.

⁸ Agus an tan daṁarc mé, féuċ, ṫangadar na féiṫeaċ agus a nfeóil súas orra: agus dfoluiġ an croicionn íad ós a ccionn: aċt ní raiḃ anál ionta.

⁹ Ann sin a dúḃairt seision riomsa, Tairrġir ċum na gáoiṫe, tairrġir, a ṁic an duine, agus abair ris an ngaóiṫ, Is marso a deir an Tiġearna DIA; Tárr ó na ceiṫre gáoṫaiḃ, a anál, agus séid ar na marḃuiḃsi, ċor go mbéid beó.

¹⁰ Marsin do ṫairrġir mé mar do aiṫin sé ḋíom, agus ṫáinic a nanál ionta, agus do ḃádar béo, agus do ṡeasadar ar a ccosaiḃ, slúaġ ró aḋḃulṁór.

¹¹ Annsin a dúḃairt sé riomsa, A ṁic an duine, isíad na cnáṁaso tiġ Israel go hiomlán: féuċ, a deirid síad, Do tiormuiġeaḋ ar ccnáṁa, agus do cailleaḋ ar ndóṫċus: air ar soinne do gearraḋ amaċ sinn.

¹² Uimesin tairrġir agus abair ríu, Is marso a deir an Tiġearna DIA; Féuċ, mo ṗobal, foisceola misi ḃur nuáiġe, agus do ḃéara mé oruiḃ teaċt a níos as ḃur nuáiġiḃ, agus do ḃéara mé siḃ go tír Israel.

¹³ Agus aiṫeontaói gur misi an TIĠEARNA, an tan ḟoisceolus mé ḃur nuáiġe, mo ṗobal, agus ḃéarus mé a níos as ḃur nuáiġiḃ siḃ,

¹⁴ Agus ċúirfios mé mo spiorad ionnuiḃ, agus ḃeiṫi beó, agus ṡuiġḋeoċas mé ion ḃur ndúṫaiġ féin siḃ: ann sin aiṫeontaói gur misi an TIĠEARNA do laḃair é, agus do ċoiṁlíon é, a deir an TIĠEARNA.

¹⁵ ¶ Ṫáinic focal an TIĠEARNA ċugam a rís, ag ráḋ,

¹⁶ Tuilleaṁ fós, ṫusa a ṁic an duine, glac ċugad aonṁaide, agus scríoḃ air, Ar son Iúdah, agus ar son ċloinne Israel a ċompánaċa: annsin glac maide oile, agus scríoḃ air, Ar son Ióseṗ, maide Eṗraim, agus ar son uile ṫiġe Israel a ċompánaċa:

¹⁷ Agus ceangail dá ċéile íad a náonṁaide; agus biáiḋ na náon ṁaide ann do láiṁ.

¹⁸ Agus an tan laḃeoruid clann do ḋaóine leaċd, ag ráḋ, Naċ ttaisbéanfa tú ḋúinn cred ís cíall duit annso?

¹⁹ Abairsi ríu, Is marso a deir an Tiġearna DIA; Féuċ, glacfa mé maide Ióseṗ, noċ atá a láiṁ Eṗraim, agus tréaḃṫa Israel a ċompánaċa, agus cuirfiḋ mé íadsan maille ris, eaḋon lé maide Iúdah, agus do ḋéana mé áonṁaide ḋíoḃ, agus béid na náon ann mo láiṁ.

²⁰ Agus biáiḋ na maideaḋa air a scríoḃann tú ann do láiṁ as coinne a súl.

²¹ ¶ Agus abair ríu, Is marso a deir an Tiġearna DIA: Féuċ, do ḃéara mé clann Israel ó ḃeiṫ a measc na ngeinteaḋ, mar a ndeaċadar, agus cruinneoċa mé air gaċ áontaóiḃ íad, agus do ḃéara mé dá ttír féin íad:

²² Agus do ḋéana mé áoinċineaḋ aṁáin díoḃ annsa dúṫaiġ ar ṡleiḃtiḃ Israel; agus buḋ aóinríġ aṁáin ḃus ríġ orra uile: agus ní ḃiáid na ndá ċineaḋ ní is mó, ní mó rannfuiġear an ndá rioġaċd íad ní is mó air aónċor:

²³ Ní mó ṡaileoċuid íad féin le na nioḋaluiḃ ní sa ṁó, nó lé na neiṫiḃ gráineaṁla, nó lé coir ar bioṫ dá ccoirṫiḃ: aċt táirṫeoċa misi íad as a nuile áitiḃ coṁnuiḋe, ann ar ṗeacuiġeadar, agus glanfa mé íad: marsin buḋ íadsan mo ṗobalsa, agus misi a Ndíasan.

²⁴ Agus biáiḋ Dáiḃi mo ṡeirḃíseaċ na ríġ ós a ccionn; agus biáiḋ aontréaduiġe aca uile: siuḃolúid fós ann mo ḃreiṫeaṁnusaiḃse, agus coiṁéadfuid mo státúide, agus do ḋéanuid íad.

²⁵ Agus áitreoḃuid annsa ḃfearann noċ ṫug mé do Iácob mo ṡeirḃíseaċ, mar ar ċoṁnuiġeadar ḃur naiṫre, agus áiteoċuid annsin, íad féin, agus a cclann, agus clann a ccloinne go bráṫ: agus buḋ é mo ṡeirḃíseaċ Dáiḃi a bprionnsa go bráṫ.

²⁶ Tuilleaṁ oile do ḋéana mé cunnraḋ síoṫċána ríu; biáiḋ sé na ċunnraḋ ṡíorruiḋe aca: agus áiteoċa mé íad, agus foirlíonfa mé íad, agus suiġeoċa mé mo ṡanctóir iona lár go bráṫ.

²⁷ Biáiḋ fós mó ṫabernacuil maille ríu: fós, buḋ misi a Ndía, agus buḋ íadsan mo ṗobalsa.

²⁸ Agus biáiḋ a ḟios aig na geintiḃ gur misi an TIĠEARNA náoṁas Israel, an tan ḃías mo ṡanctóir iona lár go bráṫ.