Eseċiel 29 - An Bíobla Naoṁṫa 1817 (Bedell)

Caibidil XXIX. Biaiḋ an Egipte fós folaṁ; fa ċáis beiṫ mealltaċ do ṫiġ Israel.

¹ Annsa deaċṁaḋ blíaḋain, annsa deaċṁaḋ mí, an dara lá, déug don ṁí, ṫáinic bríaṫar an TIĠEARNA ċugamsa, ag ráḋ,

² A ṁic an duine, suiġiḋ haġaiḋ a naḋuiġ Ṗárao ríġ na Hégipte, agus tairrġir na aġaiḋsion, agus a naġaiḋ na Hégipte uile:

³ Laḃair, agus abair, Is marso a deir an Tiġearna DIA; Féuċ, atáimsi ad aġaiḋ, a Ṗarao a ríġ na Hégipte, an dragún mór luiġios a lár a aiḃneaḋ, noċ a duḃairt, Is liom féin mo ṡruṫ, agus do rinne mé ḋaṁ féin é.

⁴ Aċt cuirfe misi duḃáin ann do ġíalluiḃ, agus do ḃéara mé air íasc haiḃneaḋ seasaṁ air do lannuiḃ, agus do ḃéara mé a níos ṫú as lár haiḃneaḋ, agus greamoċuid uile íasc haiḃneaḋ dot lannuiḃ.

⁵ Agus fúigfe mé ṫú ann sa ḃfásaċ, ṫú féin agus uile íasc haiḃneaḋ: tuitfiḋ tú air na maċairiġiḃ loma; ní ṫiuḃarṫar a ccionn a ċéile, agus ní ċruinneoċṫar ṫú: ṫug mé ṫú mar ḃíaḋ do ḃeaṫaċaiḃ an ṁaċaire agus déunlaiṫ neiṁe.

⁶ Agus aiṫeonuid uile áitreaḃṫuiġ na Hégipte gur misi an TIĠEARNA, do ḃríġ go raḃadar na maide giolcuiḋe do ṫiġ Israel.

⁷ A nuáir rugadar greim ortsa ar láiṁ, do ḃris tú, agus do réub tú a ngúala uile: agus an tan do luiġeadar ort, do ḃris tú, agus ṫug tú ar a leasraċuiḃ uile seasaṁ.

⁸ ¶ Uimesin is marso a deir an Tiġearna DIA; Féuċ, do ḃéara misi cloiḋioṁ ort, agus gearrfa mé amaċ idir dbuine agus ḃeaṫaċ asad.

⁹ Agus biáiḋ críoċ na Hégipte áonránaċ agus bán; agus aiṫeonuid gur misi an TIĠEARNA: do ḃríġ go nduḃairt sé, Is liomsa a naḃuinn, agus is mé do rinne é.

¹⁰ Féuċ, uimesin atáimsi ad aġaiḋsi, agus a naġaiḋ do ṡroṫa, agus do ḋéana mé talaṁ na Hégipte ṫríd amaċ na ḟásaċ agus úaigneaċ ó ṫor Siene go himiol na Hetiópia.

¹¹ Ní géaḃa cos duine ar biṫ ṫríd, ní mó raċus cos ḃeaṫuiḋ ṫríd, ní mó ḃías áitreaḃṫa go ceann ċeaṫraċad blíaḋan.

¹² Agus do ḋéana mé talaṁ na Hégipte uaigneaċ a lár na ttíorṫann atá fásḟolaṁ, agus a ccaiṫreaċa a measc na ccaiṫreaċ atá na ḃfásaċ béid áonránaċ ceaṫraċad ḃlíaḋan: agus cráoḃsgaólfiḋ mé na Hégiptiġ a measc na ccineaḋaċ, agus scabfa mé íad ṫríd na tíorṫaiḃ.

¹³ Ṫairis sin is marso a deir an Tiġearna DIA; A ccionn ċeaṫraċad bliaḋan cruinneoċa mé na Hégiptiġ ón bpobal ann ar ṡreaṫnuiḋ mé íad:

¹⁴ Agus do ḃéara mé liom a rís braiġdionas na Hégipte, agus do ḃéara mé orra filleaḋ go fearann Patros, go dúṫaiġ a náitreiḃe; agus biáid ann sin na ríoġaċt uirisil.

¹⁵ A sí ḃus uirísle do na rioġaċtaiḃ; ní mó áirdeoċus sí í féin ní sa ṁó ós cionn na ccineaḋaċ: óir laiġdeoċa misi íad, iondus naċ ríaġloċuid ní sa ṁó ós cionn na gcineaḋaċ.

¹⁶ Agus ní ḃíaiḋ ní sa ṁóna dóṫċus ag tiġ Israel, noċ do ḃeir a néigceart ċum cúiṁne, an tan ḟéuċfuid iona ndiaiġ: aċt aiṫeonuid gur misi an Tiġearna DIA.

¹⁷ ¶ Agus tárla annsa seaċtṁaḋ bliaḋain ḟiṫċiod, annsa ċéidṁí, an ċéad lá don ṁí, go ttáinic bríaṫar an TIĠEARNA ċugamsa, ag ráḋ,

¹⁸ A ṁic an duine, ṫug Nebuċadressar ríġ na Babilóine air a ṡlúaġ seirḃís ṁór do ḋéanaṁ a náġaiḋ Tírus: do rinneaḋ a nuile ċeann máol, agus do lomaḋ gaċ uile ġúala: giḋeaḋ ní ḃfuáir sé túarustal ar biṫ, nó a ṡluáġ, ar son Ṫírus, ar son na seirḃíse do rinne sé na haġaiḋ:

¹⁹ Uimesin is marso a deir an Tiġearna DIA; Féuċ, do ḃéara misi críoċ na Hégipte do Nebuċadressar ríġ na Babilóine; agus géaḃuiḋ sé a hiómaid, agus géaḃuiḋ sé a héadáil, agus glacfa sé a creaċ; agus biáiḋ sin na ṫúarasdtal agá ṡlúaġ.

²⁰ Ṫug mé ḋó críoċ na Hégipte ar son a ṡáoṫair ler oibriġ sé na haġaiḋ, do ḃríġ gur oibriġeadar ar mo ṡonsa, a deir an Tiġearna DIA.

²¹ ¶ Annsa ló sin do ḃéara mé air aḋairc ṫiġe Israel scinneaḋ amaċ, agus do ḃeara mé ḋuitsi oscla an ḃéil ann a lár; agus aiṫeonuid gur misi an TIĠEARNA.