Eseċiel 28 - An Bíobla Naoṁṫa 1817 (Bedell)

Caibidil XXVIII. An smaċt ṫiucfas ar ṗrionnsa Ṫíruis arson a anúaḃar, 20 agus breiṫeaṁnus Ṡidon.

¹ Ṫainic bríaṫar an TIĠEARNA ċugam a rís, ag ráḋ,

² A ṁic an duine, abair re prionnsa Ṫírus, Is marso a deir an Tiġearna DIA; Do ḃríġ gur tógḃaḋ súas do ċroiḋe, agus go nduḃairt tú, Is Día misi, suiġim a nionad Dé, a lár na ḃfairgeaḋ; giḋeaḋ is duine ṫú, agus ní Día, gioḋ go suiġionn tú do ċroiḋe aṁuil croiḋe Dé.

³ Féuċ, is glioca ṫú ná Daniel; ní ḃfuil secréid ḟéaduid do ċeilt ort.

⁴ Led ġliocus agus led ṫuicsin fuáir tú do ṡaiḋḃrios, agus fuáir tú ór agus airgiod ann hionnṁusaiḃ:

⁵ Led eagna ṁóir agus led ċeannuiġeaċt do ṁéaduiġ tú do ṡaiḋḃrios, agus atá do ċroiḋe ar na ṫógḃáil súas do ḃríġ do ṡaiḋḃriosa:

⁶ Uimesin is marso a deir an Tiġearna DIA; Do ḃríġ gur ṡuiġiḋ tú do ċroiḋe mar ċroiḋe Dé;

⁷ Féuċ, ar a naḋḃarsin do ḃéara misi coiṁṫiġiḋ ort, an drong is úaṫḃásuiḋe do na cineaḋaċaiḃ: agús tairreonguid an cloiḋeaṁ a naġaiḋ sgéiṁe do ġliocuis, agus saileoċuid síad do ḋealraḋ.

⁸ Do ḃéaruid síad síos ċum na huáiġe ṫú, agus éugfa tú bás na druinge atá marḃ a lár na ḃfairgeaḋ.

⁹ A naibéora tú fós a laṫair an té ṁarḃus ṫú, Is mé Dia; aċt biáiḋ tú ad ḋuine, agus ní Día ar bíṫ ṫú, a láiṁ an té ṁarḃus ṫú.

¹⁰ Eugfa tú bás na neiṁṫimċillġeárrṫa lé láiṁ an ċoiṁṫiġiḋ: oir do laḃair misi é, a déir an Tiġearna DIA.

¹¹ ¶ Tuilleaṁ fós ṫáinic bríaṫar an TIĠEARNA ċugamsa, ag ráḋ,

¹² A ṁic an duine, tóig súas golġáir air ríġ Tirus, agus abair ris, Is marso a deir an Tiġearna DIA; Séaluiġ tú súas an tiomlán, lán do ġliocus, agus iomlán a sgéiṁ.

¹³ Do ḃí tú ann Eden gáirdín Dé, buḋ é ṫfolaċ gaċ uile ċloċ ṁórluáiġ, an sardius, an topas, agus an diamond, an ḃeril, an tónics, agus an iasper, an saṗir, a nemerald, agus an carbuccail, agus an tór: do gléasaḋ ccardaċt do ṫiompán agus do ṗíob ionnad annsa lá ar cruṫuiġeaḋ ṫú.

¹⁴ Is tú an ċerub ungṫa ḟolċas; agus do ṡuiġiḋ misi marsin ṫú: do ḃi tú air ṡliaḃ náoṁṫa Dé, do ṡiuḃail tú a meaḋon na leac tteineaḋ.

¹⁵ Do ḃí tú iomlán ann do ṡliġṫiḃ, ón ló far crúṫúiġeaḋ ṫú, nó gur fríṫ éigceart ionnad.

¹⁶ Maille lehiomad do ċeannuiġeaċta do líonadar do lár lé foiréigion, agus do ṗeacuiḋ tú: uimesin teilgfiḋ misi ṫú aṁuil neiṁḋíaḋa amaċ as slíaḃ Dé: agus scriosfa mé ṫú, a ċerub ḟoluiġ, ó lár na leac tteineaḋ.

¹⁷ Do tógḃaḋ súas do ċroiḋe do ḃríġ do sgéiṁe, do ṫruailliġ tú heagna do ḃríġ do ḋéalruiġṫe: teilgfiḋ misi ċum talṁan ṫú, a ḃfíaḋnuise ríoġ, ċor go ḃféuċfuid ort.

¹⁸ Do ṡaluiġ tú do ṡanctóir lé híomadaṁlaċt héigceart, lé éigceart do ċeannuiġeaċta; uimesin do ḃéara misi teine amaċ as do lár, loisgfiḋ sí ṫú, agus do ḃéara mé ad lúaiṫreaḋ ṫú ċum na talṁan a raḋarc a nuile ḋuine do ċí ṫú.

¹⁹ Biáiḋ úaṫḃas aig a nuile ḋuine dá naiṫniġionn ṫú a measc na ndaóine ionnad: biáiḋ tú ad úaṁan, ní mó ḃías tú ann go braṫ ní sa ṁó.

²⁰ ¶ A rís ṫáinic bríaṫar an TIĠEARNA ċugam, ag ráḋ,

²¹ A ṁic an duine, cuir haġuiḋ a naġaiḋ Sídon, agus tairrġir na haġaiḋ,

²² Agus abair, Is marso an deir an Tiġearna DIA; Féuċ, a táimse ad aġáiḋsi, a Ṡídon; agus biáiḋ mé ar mo ġlóruġaḋ ann do lár: agus aiṫeonuid gur mé an TIĠEARNA, an tan ḃéarus mé breaṫa innte, agus ḃías mé ar mo náoṁuġaḋ innte.

²³ Oír cuirfe mé pláiġ innte, agus fuil iona sráidiḃ; agus béarṫar breíṫeaṁnus air an ccréaċtaċ iona lár leis an ccloiḋeaṁ uirre air gaċ aontaóiḃ; agus aiṫeonuid gur misi an TIĠEARNA.

²⁴ ¶ Agus ní ḃíaiḋ dreas deilgne ann ní sa ṁó do ṫiġ Israel, nó dosán ar biṫ gortuiġṫeaċ do na huile ahaóinibá ná ttimċioll, ṫarcuisniġios iad; agus biáiḋ a ḟios aca gur misi an Tiġearna DIA.

²⁵ Is marso a deir an Tiġearna DIA; An tan ċruinneoċus mé tiġ Israel as na daóiniḃ a measc a ḃfuilid sreaṫnuiġṫe, agus ḃías mé ar mo náoṁaḋ ionta a raḋarc na ngeinteaḋ, annsin áitreoḃuid síad iona ndúṫaiġ ṫug mé dom ṡeirḃíseaċ Iácob.

²⁶ Agus do ḋéanuid síad coṁnuiḋe ḋaingion innte, agus do ḋéanuid tiġṫe, agus plainndeoċuid gárraḋa fíneaṁna; aseaḋ fós, áiteoċuid maille ré dánaċt, an tan ḃéarus misi breiṫeaṁnus orrasan ṫarcuisniġios íad fa ccuáirt na ttimċioll; agus aiṫeonuid gur misi an TIĠEARNA a Ndía.