Eseċiel 26 - An Bíobla Naoṁṫa 1817 (Bedell)

Caibidil XXVI. Tairrġir ar ḋiṁillte Ṫíoruis, arson a glór agus a ráiṫe anaġaiḋ Ierusalem.

¹ Agus tárla annsa naoṁaḋ blíaḋain déag, an ċéad lá don ṁí, go ttáinic bríaṫar an TIĠEARNA ċugamsa, ag ráḋ,

² A ṁic an duine, do ḃríġ go nduḃairt Tírus a naġaiḋ Ierusalem. Aha, atá geata na ndáoine briste: dfill sí ċugamsa: líonfuiġear misi anois, ó fágḃaḋ áonránaċ ise:

³ Uimesin is marso a deir an Tiġearna DIA; Féuċ, atáimsi ad aġaiḋsi, a Ṫírus, agus do ḃéara mé air ṁórán cineaḋaċ teaċt súas ad aġaiḋsi, mar do ḃeir a nfairge air a tonnaiḃ teaċt súas.

⁴ Agus scriosfuid síad ballaḋa Ṫírus agus brisfid síos a tuir: taireonga mé fós a luáiṫreaḋ uáiṫe, agus do ḋéana mé cosṁuil ré mullaċ cairge í.

⁵ Biáiḋ sí na leaṫnuġaḋ líon a meaḋon na fairge: óir a duḃairt misi é, a deir an Tiġearna DIA: agus biáiḋ sí na héadáil ag na cineaḋaċaiḃ.

⁶ Agus muirfiġear a hinġeana atá annsa maċaire leis an ccloiḋeaṁ; agus aiṫeonuid gur misi an TIĠEARNA.

⁷ ¶ Oir is marso a deir an Tiġearna DIA; Féuċ, do ḃéara mé air Ṫírus Nebuċadressar ríġ na Babilóine, ríġ na ríoġ, ón tuaisceart, maille re heaċaiḃ, agus re carbaduiḃ, agus re marcṡlúaġ, agus le coiṁṫionól, agus le mórán daóine.

⁸ Muirfiḋ sé hinġiona leis an ccloiḋeaṁ san ṁáiġ: agus do ḋéana sé pórt ad aġaiḋ, agus teilgfiḋ sé móta ad aḋaiġ, agus tóigfe sé súas an buicléir ad aḋaiġ.

⁹ Suiġeoċuiḋ sé brataċa cogaiḋ a naġaiḋ do ḃallaḋ, agus le na ṫúaġaiḃ brisfiḋ sé síos do ṫuir.

¹⁰ Do ḃríġ iomad a eaċ foileoċuiḋ a luáiṫreaḋ ṫusa: crioṫnoċuid do ḃallaḋa lé tormán an ṁarcṡluáiġ agus na roṫaḋ, agus na ccarbad, an tan ṫíucfas sé a steaċ ann do ġeatuiġiḃ, mar ṫíaġuid daóine a ccaṫruiġ air a ndéantar briseaḋ.

¹¹ Lé hingníḃ a eaċ sailteoruiḋ sé síos do ṡráide uile: muirfiḋ sé do ḋaóine leis an ccloiḋioṁ, agus raċuid do ġarisuin láidre síos go talaṁ.

¹² Agus do ḋéanuid éadáil dot ṡaiḋḃrios, agus do ḋéanuid creaċ dot ċeannuiġeaċt: agus brisfid síad síos do ḃallaḋa, agus sgriosfuid síad do ṫiġṫe breáġḋa: agus leagfuid síad do ċloċa agus haḋmad agus do luáiṫreaḋ a lár a nuisce.

¹³ Agus do ḃéara misi ar ḟuáim haḃrán cosg; agus ní cluinfiġear fuáim do ċláirseaċ ní sa ṁó.

¹⁴ Agus do ḋéana mé ṫú cosṁuil re mullaċ cairge: biáiḋ tú ad áit líon do leaṫnuġaḋ air; ní cuirfiġear súas ní sa ṁó ṫú: óir is misi an TIĠEARNA do laḃair é, a deir an Tiġearna DIA.

¹⁵ ¶ Is marso a deir an Tiġearna DIA ré Tírus; Naċ ccrioṫnoċuid na hoileáin lé tormán do ṫuitme, an tan éigfid na créaċtuiḋ, a nuáir do ḋéantar an tár ann do lár?

¹⁶ Annsin tiucfuid uile ṗrionnsaḋa na fairge a núas as a ccaṫaóiriḃ; agus cuirfid a róbaḋa díoḃ, agus cuirfid díoḃ a cculaḋa bróidnealta: éideoċúid síad íad féin lé creaṫaiḃ; suiḋfid air an ttalaṁ, agus béid air crioṫ lé gaċ áon ṁóment, agus biáiḋ úaṫḃás orra dot ṫáoḃsa.

¹⁷ Agus tóigfid súas golġáir ar do ṡonsa, agus a déaruid riot, Ciondus ata tú sgriosta, do ḃí áitreaḃṫa lé luċt na fairge, an ċaṫair iomráiḋteaċ, do ḃí láidir san ḃfairge, í féin agus a háitreaḃṫuiġ, noċ do ċuir a neagla air a nuile ḋuine dár ṫaṫuiġ í!

¹⁸ Annois crioṫnoċuid na hoileáin a ló do leagṫasa; aseaḋ, na hoileáin atá air an ḃfairge béid buáiḋearṫa fad imṫeaċtsa.

¹⁹ Oír is marso a deir an Tiġearna DIA; An tan do ḋéana misi caṫair úaigneaċ ḋíotsa, cosṁuil ris na caiṫreaċaiḃ ann naċ ḃfuil áitreaḃaḋ; an tan do ḃéara mé an taigéun súa sort, agus ḟoileoċuid uisgeaḋa móra ṫú;

²⁰ An tan do ḃéara mé síos ṫú maille ris an ndroing ṫéid san log, lé daóiniḃ na seanaímsire, agus ṡuiḋeoċas mé ṫú a náitiḃ íoċtaraċa na talṁan, a náitiḃ uáigneaċa ó a nallod, maille ris an ndruing ṫéid síos san ṗoll, iondus naċ biáiḋ tú áitreaḃṫa; agus ṡuiḋeoċas mé glóir a ttír na mbeó;

²¹ Do ḋéana mé úaṫḃás díot, agus ní ḃiáiḋ tú ann ní sa ṁó: bíoḋ go níarrfuiġear ṫú, giḋeaḋ ní ḃfuiġṫear a rís ċoiḋċe ṫú, a deir an Tiġearna DIA.