Eseċiel 25 - An Bíobla Naoṁṫa 1817 (Bedell)

Caibidil XXV. Tairrġir air inneaċaḋ ṫeaċt ar iomḋa cineaḋ, ċionn preabaḋ anaġaiḋ na Nisraeliteaċ éttreóireaċ.

¹ Ṫainic bríaṫar an TIĠEARNA ċugamsa, ag ráḋ,

² A ṁic an duine, suiġiḋ haġaiḋ air na Hammonítiḃ, agus tairrġir na naġaiḋ;

³ Agus abair ris na Hammoníteaċaiḃ, Eistiġ bríaṫar an Tiġearna DIA; Is marso a deir an Tiġearna DIA; Do ḃríġ go nduḃairt tú, Aha, a naġaiḋ mo ṡanctora, an tan do ṫruáilleaḋ í; agus a naġaiḋ ṫíre Israel, a nuáir do ḃí sí aonránaċ; agus a naġaiḋ ṫiġe Iúdah, an tan do ċúadar a ndoirsine;

⁴ Féuċ, air a naḋḃarsin seaċoduiġ mé ṫú do ċlannaiḃ a noirṫir mar ṡeilḃ, agus suiġeoċuid a bpáláis ionnad, agus do ḋéanuid a náitreaḃa ionnad: íosuid síad do ṫoraḋ, agus ioḃuid síad do ḃainne.

⁵ Agus do ḋéana mé stábla cáṁall do Rabbah, agus do na Hammonitiḃ áite luiḋe do ṫréaduiḃ: agus aiṫeontaói gur misi an TIĠEARNA.

⁶ Oír is marso a deir an Tiġearna DIA; Do ḃríġ gur ḃúáil tú do láṁa, agus gur ṗreab tú led ċosaiḃ, agus gur ġáirdiġ tú a ccroiḋe maille re haingiḋeaċt a naġaiḋ ṫíre Israel;

⁷ Féuċ, uimesin sínfiḋ misi mo láṁ amaċ ort, agus seaċoduiġ mé mar éadáil do na geintiḃ ṫú; agus géarrfa mé amaċ as an bpobal ṫú, agus do ḃéara mé ort dioġḃaḋ amaċ as na tíorṫaiḃ: agus scriosfuiḋ mé ṫú; agus aiṫeona tú gur misi an TIĠEARNA.

⁸ ¶ Is marso a deir an Tiġearna DIA; Do ḃríġ go nabair Moab agus Seir, Féuċ, atá tiġ Iúdah cosṁuil ris na geintiḃ uile;

⁹ Uimesin, féuċ, foisceola mé táoḃ Ṁóab ó na caiṫreaċaiḃ, ó na ċaiṫreaċaiḃ atá ar a imeal, glóir ṫíre, Ḃet‐Iesimot, Ḃaal‐meon, agus Ċíriataim,

¹⁰ Dfearuiḃ a noirṫir a naġaiḋ ċloinne Ammon, agus do ḃéara mé a seilḃ íad, ċor naċ ccuiṁneoċṫar na Hammonítiġ a measc na ccineaḋaċ.

¹¹ Agus do ḃéara mé breaṫ air Ṁóab; agus aiṫeonuid gur misi an TIĠEARNA.

¹² ¶ Is marso a deir an Tiġearna DIA; Do ḃríġ go ndéarnuiḋ Edom a naḋuiġ ṫiġe Iúdah do ġlacaḋ dioġaltais, agus gur ċiontuiġ go mór, agus gur ḋioġail é féin orra;

¹³ Ar a naḋḃarsin is marso a deir an Tiġearna DIA: Sínfiḋ misi fós mo láṁ amaċ ar Edom, agus géarrfa mé aiste amaċ idir ḋuine agus ḃeaṫaċ; agus do ḋéana mé áonránaċ í ó Ṫéman; agus tuitfid leis an ccloiḋeaṁ go Dédan.

¹⁴ Agus cuirfiḋ mé mo ḋioġaltas ar Edom lé láiṁ mo ṗobáil Israel: agus do ḋéanuid síad ann Edom do réir mfeirgesi agus do réir mo ċorruiġ; agus biáiḋ fios mo ḋioġaltais aca, a deir an Tiġearna DIA.

¹⁵ ¶ Is marso a deir an Tiġearna DIA; Do ḃríġ go ndéarnadar na Ṗilistiníġ dioġaltas, agus gur ḋioġladar maille ré croiḋe aingiḋe, dá scrios maille ré fúaṫ síoṫḃúain;

¹⁶ Uimesin is marso a deir an Tiġearna DIA; Féuċ, sínfiḋ mé mo láṁ amaċ air na Ṗilistiniḃ, agus géarrfa mé as na Ċeretimiġ, agus scriosfa mé fuiġioll ċuáin na fairge.

¹⁷ Agus do ḋéana mé dioġaltas mór orra maille ré iomaiṫḃearuiḃ garg; agus aiṫeonuid gur misi an TIĠEARNA an tan leagfas mé mo ḋioġail orra.