Eseċiel 23 - An Bíobla Naoṁṫa 1817 (Bedell)

Caibidil XXIII. Tre ṗeacaḋ ḟuaṫṁur, ḋearnaḋ eagluis na Niuduiġeaḋ na striopaiġ.

¹ Ṫainic bríaṫar an TIĠEARNA ċugam a rís, ag ráḋ,

² A ṁic an duine, do ḃádar días ban, inġeana áonṁáṫar aṁáin:

³ Agus rinneadar stríopaċus annsa Négipt; do rinneadar stríopaċus iona nóige: annsin do brúiġeaḋ a gcíċe, agus annsin do ḃrúiġeadar cíoċa a maiġdíonuis.

⁴ Agus do bé a nanmanna Aholah fa sine, agus Aholibah a deirḃṡíur: bá liomsa íad, agus rugadar mic agus inġeana. Is marso do ḃí a nanmanna; sí Aholah Samária, agus sí Aholibah Ierusalem.

⁵ Agus do rinne Aholah meirdreaċus a nuáir bá liomsa í; agus do ḃí sí roġráḋaċ air a háos gráḋa, air na Sírianáċaiḃ a coṁarsana,

⁶ Noċ do ḃí ar na néaduġaḋ a ngorm, na ccaiptíniḃ agus na ríaġlóiriġiḃ, íad uile na nóganaċaiḃ toileaṁla, na marcṡlúaġ ag marcuiġeaċt air eaċaiḃ.

⁷ Marso do rinne sí a stríopaċus ríu, leis an méid do ḃí na ḃfearuiḃ toġṫa san Nassiría, agus leis a nuile ar a raiḃ a mearġráḋ: do ṫruáilliġ sí í féin le na nioḋaluiḃ uile.

⁸ Ní mó dfág sí a stríopaċus ón Négipt: óir do luiġeadar lé iona haóis óig, agus do ḃrúiġeadar cíċe a maiġdionuis, agus do ḋóirtiodar a stríopaċus uirre.

⁹ Uimesin ṫug misi a láiṁ a háos gráḋ í, a láiṁ na Nassírianaċ, air a raiḃ a cion.

¹⁰ Do léigiodar so a tárnoċtuiġe leis: do ġaḃadar a mic agus a hinġeana, agus do ṁarḃadar í leis an ccloiḋeaṁ: agus dfás sí na hainm do ṁnáiḃ; óir rugadar breiṫeaṁnus uirre.

¹¹ Agus an tan do ċonnairc a deirḃṡíur Aholibah so, do ḃí si ní sa truáilliġṫe iona gráḋ ainṁeasarḋa ná ise, agus iona stríopaċus ní sa ṁó ná a deirḃṡíur iona stríopaċus.

¹² Do antoiliġ sí ar na Hassíriánaċaiḃ a coṁarsana, caiptíne agus úaċtaráin éaduiġṫe go ro oirnéalta, marcṡlúaġ ag marcuiġeaċt ar eaċaiḃ, íad uile na nóganaċaiḃ iontóile.

¹³ Annsin do ċonnairc misi go raiḃ sí ar na truáilleaḋ, gur ġaḃadar aráon aóintsliġe,

¹⁴ Agus gur ṁéaduiġ sí a stríopaċus: óir an tan do ċonnairc sí fir ar na bpinndeáil air an mballa, ioṁáiġe na Ccaldéanaċ tairngṫe re ḃermilion.

¹⁵ Criosluiġṫe maille re creasaiḃ air a leasraċ, ag breiṫ ḃárr go hiomarcaċ a néaduiġiḃ ḋaite air a cceannaiḃ, íad uile na bprionnsaḋuiḃ re féuċuin, do réir ṁoḋa Ḃabilóineaċ na Caldeá, tír a mbeirṫe:

¹⁶ Agus coṁlúaṫ go ḃfaca sí íad le na súiliḃ, do ṁiċíalluiġ sí ḋá ttaóiḃ, agus do ċuir sí teaċta ċugṫa don Ċaldeá.

¹⁷ Agus ṫangadar Babilóiniġ na coinne go leabuiḋ an ġráḋa, agus do ṫruailliġiodar í le na stríoṗaċus, agus do truailleaḋ léo í, agus do ḃí a hinntinn ar na ḋéanaṁ ċoiṁiġṫeaċ úaṫa.

¹⁸ Mar sin do léig sí a stríopaċus leis, agus do ṫaisbéin sí a tárnoċtuiġe: annsin do ċoiṁṫíġiḋ minntinnsi uaiṫe, aṁuil dáṫruiġ minntinn ó na deirḃṡiáir.

¹⁹ Giḋeaḋ do ṁéaduiġ sisi a stríopaċus, a ngaírm láeṫe a hóige ċum cuiṁne, ann a ndéarna sí meirdreaċus a ccríċ na Hegipte.

²⁰ Oír do antoiliġ sí ar a haoisgraḋ, do ḃríġ go ḃfuil a ḃfeoil aṁuil feóil assail, agus a slioċt aṁuil síol eaċ.

²¹ Marso ṫug tú ad ċuiṁne úalluiḋe hóige, a mbrúġaḋ do ċíoċ leis na Hégiptiḃ ar son ċioċ hóige.

²² ¶ Uimesin, a Aholibah, is marso a deir an Tiġearna DIA; Féuċ, dúiseoċa misi súas báosgráḋa ad aġaiḋ ó ḃfuil hinntinn anaiṫuiḋ, agus do ḃéara mé ad aġaiḋ íad air gaċ áontaoiḃ;

²³ Na Babilóniġ, agus na Caldeanuiġ uile, Pecod, agus Soa, agus Coa, na Hassíriánuiġ uile maille ríu: íad uile na ndaóiniḃ óga iondúile, na ccáiptíniḃ agus na núaċtaránuiḃ, tiġearnaḋa móra agus clúiteaċ, íad uile ag marcuiġeaċt ar eaċaiḃ.

²⁴ Agus tiucfuid síad uile ad aġaiḋ lé carbaduiḃ, le cóistiġiḃ, agus le roṫaiḃ, agus le cruinniuġaḋ daoine, noċ ċuirtios buicléir agus scíaṫ agus clogad ad aḋaiġ timċioll fa ccuairt: agus cuirfiḋ misi breiṫeaṁnus rompa, agus do ḃéaraid síad breiṫeaṁnus ortsa do réir a mbreiṫeaṁnuis féin.

²⁵ Agus suiḋeoċa mé mo éud ad aġaiḋ, agus do ḋéanuid síad go hanḃorb riot: béaruid síad léo do ṡrón agus do ċluasa; agus tuitfiḋ ṫfuiġioll leis an ccloiḋeaṁ: géaḃuid siad do ṁic agus hinġiona; agus dóiṫfiġear a tteine a ḃfuigfiġear ḋíot.

²⁶ Noċtfuid síad ṫú fós as héadaċ, agus ḃéaruid do ṡeóid breáḋa léo.

²⁷ Marso do ḃeára mé air húallaċus cosg uait, agus air do stríopaċus ó ċríċ na Hégipte: iondus naċ ttóigfe tú do ṡúile súas ċuca, agus naċ ccuiṁneoċa tú an Négipt ní sa ṁó.

²⁸ Oir is marso a deir an Tiġearna DIA; Féuċ, do ḃéara misi ṫú a láiṁ na druinge noċ ḟúaṫuiġios ṫú, á láiṁ an luċta ar árṫuiġ do ṁeamna úaṫa:

²⁹ Agus do ḋéanuid síad go fúaṫṁar riot, agus béaruid do ṡáoṫar uile léo, agus fúigfid tárrnoċt agus lom ṫú: agus foillseoċṫar tárrnoċduiġe do striopaċuis, húalluċus aráon agus do stríopaċuis.

³⁰ Do ḋéana mé na neiṫesi riot, do ḃríġ gur imṫiġ tú lé stríopaċus a ndiáiġ na ngeinteaḋ, agus do ḃríġ gur truáilleaḋ ṫú le na nioḋaluiḃ.

³¹ Dimṫiġ tú a sliġe do ḋeirḃṡeaṫar; uimesin do ḃéara mé a cupán ann do láiṁ.

³² Is marso a deir an Tiġearna DIA; Ioḃa tú as cupán do ḋeirḃṡeaṫar go doṁain agus leaṫan: do ḋéantar gáire tarcuisneaċ iomad agus biáiḋ tú ad ṁagaḋ; is mór ṫuillios ann.

³³ Líonfuiġear lé meisce agus lé doilġios ṫú, lé cupán úaṫḃáis agus dóláis, agus lé cupán do ḋeirḃṡeaṫraċ Samária.

³⁴ Eaḋon ioḃa tú agus súiġfiḋ tú é uile, agus brisfiḋ tú a ḃruáiġ, agus tarreonga tú do ċíċe féin asad: óir a duḃairt misi é, a deir an Tiġearna DIA.

³⁵ Uimesin is marso a deir an Tiġearna DIA; Do ḃríġ gur ḋearmuid tú misi, agus gur ṫeilg tú táoḃ siar ḋíot mé, unnesin iomċuir ṫusa huallaċus féin agus do stríopaċus.

³⁶ ¶ Ar a naḋḃarsin a duḃairt an TIĠEARNA riomsa; A ṁic an duine, an mbéara tú breaṫ air Aholah agus air Aholibah? aseaḋ, foillsiġ ḋóiḃ a ngráineaṁlaċta;

³⁷ Go ndéarnadar aḋaltrannas, agus go ḃfuil fuil iona láṁuiḃ, agus go ndéarnadar aḋaltrannas le na nioḋaluiḃ, agus go ttugadar fós air a macaiḃ, noċ rugadar ḋaṁsa, imṫeaċt ṫríd an tteine, da losgaḋ.

³⁸ Tuilleaṁ fós is marso do rinneadar liomsa: do ṫruáilliodar mo ṡanctóir annsa ló ċéadna, agus do neiṁniġeadar mo ṡabbóide.

³⁹ Oír an tan do ṁarḃadar a cclann dá nioḋaluiḃ, annsin ṫangadar san ló ċéadna dom ṡanctóirse dá truáilleaḋ; agus, féuċ, is marso do rinneadar a meaḋón mo ṫiġe.

⁴⁰ Agus tuilleaṁ fós, do ċuireadar fios air ḋaóiniḃ teaċt a ḃfad, a ccionn ar cuireaḋ teaċta; agus, féuċ, ṫangadar: ar son ar niġ tusa tú féin, ar ṗinndeáil tú do ṡúile, agus ar ċóiriġ tu ṫú féin le culaḋuiḃ,

⁴¹ Agus ar ṡuiġ tú air leabuiġ státaṁuil, agus bórd gléasta as a ċoinne, air ar ṡuiġ tú mo ṫúis agus mola.

⁴² Agus do ḃí gúṫ ṁóráin a socaṁal iona foċair: agus maille ris na daóiniḃ coitċionn tugaḋ Sabéanuiġ ón ḃfásaċ, noċ do ċuir bráisléad air a láṁuiḃ, agus córona ḃreáġa air a cceannuiḃ.

⁴³ Annsin a duḃairt misi ria, do ḃí seannda a naḋaltranasuiḃ, A ndéanuid anois aḋaltrannus ría, agus ise ríusan?

⁴⁴ Ṫairis sin do ċuádar iona gnáis, aṁuil do raċaidis ċum mná do ní meirdreaċus: is mar sin do ċúadar a ngnás Aholah agus Aholibah, na mná úallaċa.

⁴⁵ ¶ Agus béaruid na daóine fireanta, breaṫ orra do réir ṁoḋa aḋaltrannaċ, agus do réir ṁoḋa na mban ḋóirtios fuil; do ḃríġ go ḃfuilid na naḋaltrannaċaiḃ, agus go ḃfuil fuil iona láṁuiḃ.

⁴⁶ Oír is marso a deir an Tiġearna DIA; Ḃéara mé cuiḋeaċta á níos orra, agus seaċoduiġ mé dá náṫarraċ agus da milleaḋ íad.

⁴⁷ Agus cloċfuid an ċuideaċta íad lé cloċaiḃ, agus muirfid iad le na ccloiḋṁṫiḃ; muirfid síad a mic agus a ninġeana, agus loisgfid súas a ttiġṫe lé teine.

⁴⁸ Marso do ḃéara mé air úallaċus cosg as an ttír, le múinfiġear do na huile ṁnáiḃ gan déanaṁ do réir ḃur leiṁesi.

⁴⁹ Agus cúiteoċuid siad ḃur leiṁe riḃ, agus iomċorṫaói peacuiḋe ḃur nioḋal: agus aiṫeontaói gur misi an Tiġearna DIA.