Eseċiel 1 - An Bíobla Naoṁṫa 1817 (Bedell)

Caibidil I. Taiseaḋ, 5 na cċerubiniġ, 15 na roiṫleáin, 26 agus ḋeallraḋ Dé; ag foillsuiġaḋ a ḟreasdal do ḃeiṫ ánn, agus ós gaċ einní.

¹ Anois ṫáinig a ccríċ annsa tríoċadṁaḋ blíaḋain, annsa ċeaṫraṁaḋ mí, an cúigeaḋ lá don ṁí, mar do ḃí misi a measg na mbráġad láiṁ ré haḃuinn Ċebar, gur hosglaḋ na neaṁa, agus go ḃfaca me fis Dé.

² Annsa ċúigeaḋ lá don ṁí, (noċ do ḃí annsa ċúigeaḋ blíaḋain do ḋaoirsine an ríġ Iehoiacim,)

³ Ṫáinic bríaṫar an TIĠEARNA go follus go Heseċiel an sagart, mac Busi, a ccríċ na Ccaldéanaċ láiṁ ré haḃuinn Ċebar: agus do ḃí láṁ an TIĠEARNA air annsin.

⁴ ¶ Agus daṁairc mé, agus, féuċ, ṫáinic gáoṫ ġuairdeáin as an ttuáiscceart, néull mór, agus téine agá ċasaḋ féin, agus do ḃí lonnraḋ na ṫimċioll, agus as a lár amaċ mar ḋaṫ omra, amaċ as lár na teineaḋ.

⁵ Mar an ccéadna ṫáinic as a lár amaċ cosaṁlaċt ċeiṫre mbeaṫaċ. Agus do bé so a ttaisbeanaḋ; do ḃí cosaṁlaċd duine orra.

⁶ Agus do ḃádar ceiṫre haiġṫe ag gaċ aon dióḃ, agus do ḃí ceiṫre sciaṫáin ag gaċ aon díoḃ.

⁷ Agus do buḋ cosa díreaċa a ccosa; agus do buḋ cosṁuil bonn a ccos ré bonnuiḃ ċos gaṁna: agus do ḋriṫleadar cosṁuil ré daṫ práis líoṁṫa.

⁸ Agus do ḃádar láṁa duine aca fáoi na sciaṫánuiḃ ar a cceiṫre taoḃuiḃ; agus do ḃí ag an cceaṫrar a naiġṫe agus a sciaṫáin.

⁹ Do ḃádar a sciaṫáin ceangailte gaċ áon dar oile; níor iompoiġeadar an tan do ġluáisiodar; do ċuáiḋ gaċ aon aca go díreaċ ar a naġaiḋ.

¹⁰ Ar son ċosaṁlaċd a naiġṫe, do ḃí aca na cceaṫrar aġaiḋ ḋuine, agus aġaiḋ leoṁuin, ar an ttáoḃ ndeas: agus do ḃí gnúis daiṁ aca na cceaṫrar air an ttaóiḃ cclé; do ḃí fós aca na cceaṫrar gnúis iolair.

¹¹ Is marso do ḃádar a naiġṫe; agus do ḃádar a sciaṫáin sínnte súas; ḋá sciaṫán gaċ aóin ceangailte ḋá ċéile, agus ḋá sciaṫán ag folaċ a ccorp.

¹² Agus do ċuáiḋ gaċ áon díoḃ go díreaċ ar a naġaiḋ: mar a raiḃ an spiorad ar tí ḋul, do ċúadar; agus níor ḟilleadar a nuáir do imṫiġeadar.

¹³ Ar son ċosamblaċda na mbeaṫaċ, do ḃí a ttaisbéanaḋ cosṁuil ré sméaróidiġiḃ dearga teineaḋ, agus cosṁuil re taisbeanaḋ lóċrann: do ċuáiḋ sé síos agus súas a measg na mbeaṫaċ; agus do ḃí an teine lasaṁuil, agus do ċuáiḋ tinnteaċ amaċ as an tteine

¹⁴ Agus do riṫiodar na beaṫuiġe, agus dfilleadar aṁuil taisbéanta lasraċ tinntiġe.

¹⁵ Anois an tan do ḟeiṫ mé air na beaṫuiġiḃ, féuċ áon roiṫléan air an ttalaṁ láiṁ ris na beaṫuiġiḃ, gun a ċeiṫre haiġṫiḃ.

¹⁶ Do buḋ cosṁuil taisbeanaḋ roṫaḋ agus a nobair ré daṫ berill: agus do buḋ áonċosaṁlaċt do ḃí aca na cceaṫrar: agus do ḃí a ttaisbéanaḋ agus a nobair Mar roṫa a lár roṫa.

¹⁷ An tan do ġluáisdís, do ġluáisdís air a cceiṫre táoḃuiḃ: agus ní ḟilldís a nuáir do imṫiġdís.

¹⁸ Ar son a ḃfáinneaḋ, do ḃádar coṁardsin go raḃadar úaṫḃásaċ; agus do ḃádar a ḃfáinneaḋa lán do ṡúiliḃ fá ccuáirt timċioll an ċeaṫrair sin.

¹⁹ Agus an tan do ġluáisdís na beaṫuiġe, do ġluáisdís na roiṫleáin leó: agus a nuáir do tógṫáoi súas na beaṫuiġe ón ttalaṁ, do tógṫáoi na roiṫleáin súas.

²⁰ Giḋ bé áit a mbíoḋ an spiorad ar tí ḋul, do ṫéiġdís ann, annsin do ḃí a spioradsan ċum dul; agus do tógṫaoi na roṫaḋa súas go díreaċ ós a ccionn: óir do ḃí spíorad beaṫuiġ annsna roṫuiḃ.

²¹ A nuáir do ġluáisdís sin, do ġluáisdís so; agus a nuáir do ṡeasaidís sin, do ṡeasaidis so: a núair do tógṫaói sin súas ón ttalaṁ, do tógṫaói na roiṫleáin súas ós a ccoinne: óir do ḃí spiorad beaṫuiġ annsna roiṫléanuiḃ.

²² Agus do ḃí cosaṁlaċt na spéire air ċeannaiḃ an ḃeaṫuiġ aṁuil daṫ an ċriostail úaṫḃásaiġ, sínte amaċ ós a cceann ṡúas.

²³ Agus fáoi an spéir do ḃádar a sciaṫáin go díreaċ, gaċ áon leaṫ re ċéile: do ḃí a dó ag gaċ áon, noċ dfoluiġ don taóiḃsi, agus do ḃí a dó ag gaċ áon, noċ do folċaḋ don taoiḃsin, a ccuirp.

²⁴ Agus an tan dimṫiġeadar, do ċúala mé tormán a sciaṫán, aṁuil tormán uísgeaḋ móra, aṁuil gúṫ a Nuileċuṁaċtaiġ, gúṫ cainte, aṁuil tormán sluáiġ: an tan do ṡeasadar, do léigeadar a sciaṫáin síos.

²⁵ Agus do ḃí gúṫ ón spéire do ḃí ós cionn a cceanna, an tan do ṡeasadar, agus do léigeadar síos a sciaṫáin.

²⁶ ¶ Agus do ḃí ós cionn na spéire do ḃí ós cionn a cceanna cosaṁlaċt caṫaóire ríoġa, aṁuil taisbéanaḋ ċloiċe saṗir: agus do ḃí ar ċosaṁlaċt na caṫaoire saṁlaċus aṁuil taisbeanaḋ duine air ṡuás.

²⁷ Agus do ċonnairc mé mar ḋaṫ omra, mar ṫaisbeanaḋ teineaḋ na ṫimċioll fá ccuáirt a stiġ ann, ó ṫaisbéanaḋ a leasruiġ agus ós a ċionn, agus ó ṫaisbeanaḋ a leasruiġ agus fáoi, do ċonnairc mé mar do ḃeiṫ taisbeanaḋ teineaḋ, agus do ḃí loinnir ann timċioll fa ccuáirt.

²⁸ Mar taisbéanaḋ an ḃoġa atá san néull a ló na fearṫanna, marsin do ḃí taisbeanaḋ an déallruiġ timċioll fa ccuáirt. Do bé so taisbéanaḋ ċosaṁlaċta ġlóire an TIĠEARNA. Agus a nuáir do ċonnairc mé, do ṫuit mé ar maġaiḋ, agus do ċúala mé gúṫ aóin do laḃair.