Eoin 7 - An Bíobla Naoṁṫa 1817 (Bedell)

Caibidil VII Coṁairle ḃarr-ġlóraċ luċd ciniḋ Ċriosd. 14 baraṁail an tsloiġ um a ṫeagasc.

¹ Agus tar a éisi so do ṡiuḃail Iósa ann sa Ġalilé: oír míor ḃail leis siuḃal a ttír Iúdaiġe, tré gur smuaineadar na Iúdaiḋe a ṁarḃaḋ.

² Agus dó ḃí féusda ná Niúdaiḋeaḋ eaḋon tabernacuil, a ḃfogus.

³ Ar a naḋḃarsin a duḃradar a ḃráiṫreaċasan ris, Fág so agus imṫiġ go tír Iúdaiġe, do ċum go ḃfaicfidis do ḋeisciobail fós na hoibreaċa do ní tú.

⁴ Oír ní ḋéunann neaċ ar biṫ éin ní a ḃfolaċ, agus iárrus é féin do ḃeiṫ oirḋeirc. Má ní tú iád so, foillsiġ ṫú féin don tsáoġal.

⁵ Oír níor ċreideadar a ḃráiṫreaċa féin fós ann.

⁶ Uime sin a duḃairt Iósa riú, Ní ṫaínig maimsirse fós: aċd atá ḃur naimsirse do ġnáṫ ullaṁ.

⁷ Ní héidir leis a tsáoġal siḃsi dfúaṫuġaḋ; aċd atá fúaṫ aige ḋaṁsa, do ḃríġ go ndéunuim fíaḋnuisi air, gur ab olc a oibreaċa.

⁸ Imṫiġiḋsi súas ċum na sollamnaso: ní raċa misi súas fós ċum na sollamnaso: oír niór coiṁliónaḋ maimsir fós.

⁹ An tan a duḃairt sé na neiṫeso riú, dfan sé ann sa Ġalilé.

¹⁰ Aċd tar éis a ḃráiṫreaċ imṫeaċd suás, do ċúaiḋ seisean mar an gcéadna suás ċum na sollamna, ní ós áird, aċd mar ḋe ós iseal.

¹¹ Ar a naḋḃarsin diárradar na Iúdaiḋe é sa tsollamain, agus a duḃradar, Gá hait a ḃfuil an fear úd?

¹² Agus do ḃí monaḃar mór a measg an ṗobuil na ṫimċeallsan: oír a duḃairt cuid díoḃ, As duine maiṫ é: aċd a duḃairt cuid eile, Ní heaḋ; aċd mealluiḋ sé an pobal.

¹³ Giḋeaḋ ní ṫáinig áonduine ṫairis ós aírd ar eagla na Niúdaiḋeaḋ.

¹⁴ Aċd tár éis leaṫa na sollamna do ċríoċnuġaḋ do ċúaiḋ Iósa súas don teampoll, agus do ṫeaguisg sé.

¹⁵ Agus do ḃí iongnaḋ air na Iúdaiḋiḃ, ag ráḋ, Cionnas as aiṫniḋ don ḟearsa léiġionn, agus nar ḟoġluim sé?

¹⁶ Do ḟreagair Iósa iád, agus a duḃairt sé, Ní leam féin mó ṫeagasg, aċd leis an té do ċuir úaḋ mé.

¹⁷ Giḋ bé neaċ lé nab áill ṫoilsean do ḋéunaṁ, aiṫéonaiḋ sé a dtimċeall an teaguisg, más ó Ḋía atá sé, nó an uáim féin laḃruimsi.

¹⁸ Giḋ bé laḃrus uáḋ féin, a sí a ġlóir an té ċuireas uáḋ é, atá sé fírinneaċ, agus ní ḃfuil éagcóir ann.

¹⁹ An ne náċ dtug Máoisi dliġeaḋ ḋíḃsi, agus ní ċoiṁlíonann áoinneaċ aguiḃ an dliġeaḋ? Créd fá a niárrṫáoi misi ṁarḃaḋ?

²⁰ Do ḟreaguir an pobal agus a duḃradar, Atá an díaḃal ionnad: cía atá ag iárruiḋ do ṁarḃṫa?

²¹ Do ḟreaguir Iósa agus a duḃairt sé riú, Do rinne mé éun obair a ṁaín, agus atá iongnaḋ oruiḃsi uile.

²² Ar a naḋḃarso tug Máoisi an timċeallġearraḋ ḋíḃsi; (ní ar son gur ab ó Ṁáoisi atá sé, aċd ó na haiṫriḃ;) agus do níṫí duine do ṫimċeallġearraḋ ann sa tsábboid.

²³ Má ġlacunn duine timċeallġearraḋ annsa tsábboid, do ċum naċ brisfiḋe dliġeaḋ Ṁáoisi; an ḃfuil fearg oruiḃ riumsa, ar son duine uile do ṡlánuġaḋ ann sa tsábboid?

²⁴ Ná beiríḋ breaṫ do réir na faicsiona, aċd beiriḋ an ḃreaṫ ċeart.

²⁵ Uime sin a duḃradar dream aíríġe ó Ierusalém, A né naċ é so an te, iárruid siad ċum a ṁarḃṫa?

²⁶ Agus, féuċ, láḃruiḋ sé ós aírd, agus ní abruid éin ní ris. An ḃfuil a ḋeirḃfios ag na buáċdaránuiḃ gur ab é so Críosd?

²⁷ Aċd atá a ḟios aguinne gá has dó so: giḋeaḋ an tan ṫiocfas Críoṡ, ní ḃía a ḟios ag áonduine gá has dó.

²⁸ Uime sin do éiġ Iósa ann sa teampoll ag teagasg, agus ag ráḋ, Atá a ḟios aguiḃ cia misi, agus atá a ḟios aguiḃ gá has daṁ: agus ní úaim féin táinig mé, aċd as firinneaċ an té do ċuir uáḋ mé, ar naċ ḃfuil éolus aguiḃsi.

²⁹ Aċd atá éolus agamsa air: oir as úaḋ ataim, agus as é do ċuir úaḋ mé.

³⁰ Ar a naḋḃarsin do ṡanntuiġeadar breiṫ air: giḋeaḋ níor ċuir éunduine láṁ ann, do ḃríġ naċ dtaínig a uáir fós.

³¹ Agus do ċreideadar mórán don ṗobal ann, agus a duḃradar, An tan ṫiocfas Críosd, an ndéana sé ní sa ṁó do ṁíorḃuiliḃ ná do rinne an fear so?

³² Do ċúaladar na Ṗairisíniġ an pobal ag monḃar na neiṫeaḋso na ṫimsċeallsan; agus do ċuireadar na Ṗairisíniġ gus uáċdarain na sagart máoir ḋá ġlacaḋ.

³³ Uime sin a duḃairt Iósa riú, Bíaiḋ mé fós sealad beag ḃur ḃfoċair, agus na ḋiáiġ sin imṫéoċa mé ċum an té do ċuir uáḋ mé.

³⁴ Iárrfuiḋe mé, agus ní ḃfuiġṫí: agus a náit a mbía mé, ní ḟéadfuiḋesi teaċd ann.

³⁵ A duḃradar na Iúduiḋe eatarra féin, Gá háit a raċa an fear so, naċ ḃfuiġeamne é? an raċa sé ċum na muinntire atá sgarṫa a measgna Ngreagaċ, agus an dteagasfuiḋ sé na greaguiġ?

³⁶ Créud as cíall don ċoṁráḋso a duḃairt sé, Iárrfuiḋe mé, agus ní ḃfuiġṫi: agus an ait a mbía me, ní ḟéadfuiḋesi teaċdann?

³⁷ Agus ann sa lá ṁór ḋeiġeanaċ, don tsollamuin, do ṡeas Iósa agus do éiġ sé, ag ráḋ, Má tá tart ar áonduine, tiġeaḋ sé ċugamsa, agus iḃeaḋ sé.

³⁸ Giḋ bé ċreideas ionnamsa, mar a duḃairt an sgrioptúir, lingfid sroṫa duisge ḃéo as a ḃroinn.

³⁹ (Do laḃair sé so a dtimċeall na Spioraide, do ġlacfaidís na dáoine do ċreidfeaḋ ann san: oír ní raiḃ an Spiorad Náoṁ ar na ṫaḃairt fós; ar son naċ raiḃ Iósa fós ar na ġlóruġaḋ.)

⁴⁰ Uime sin, an tan do ċúaladar mórán don ṗobal an coṁráḋso, a duḃradar, Go fírinneaċ as é so an Fáiḋ.

⁴¹ A duḃradar cuid eile, As é so Criósd. Aċd a duḃairt dream eile, An ón Ġalilé ṫiocfas Criósd?

⁴² An né naċ duḃairt an sgriobtúir Go dtiocfaḋ Críosd do ṡíol Ḋáiḃi, agus as Betelém an baile an a raiḃ Dáiḃi?

⁴³ Déiriġ connspóid a measg an ṗobail ar a ṡonsan.

⁴⁴ Agus do ḃreaṫnuiġeadar cuid díoḃ a ġlacaḋ; aċd níor ċuir éunduine láṁa ann.

⁴⁵ Uime sin tangadar na máoir ċum na nárdsagart agus na Ḃṗairisíneaċ; agus dfiafruiġeadarsan díóḃ, Créud fá naċ tugaḃair liḃ é?

⁴⁶ Do ḟreagradar na hoifigiḋ, Níor laḃair duine riaṁ mar an duinesi.

⁴⁷ Ar a naḋḃarsin do ḟreagradar na Ṗairísíniġ iádsan, An ḃfuiltísi mar an gcéudná ar ḃur meallaḋ?

⁴⁸ Nar ċreid áoinneaċ do na húaċdaranaiḃ ann nó do na Ṗairisíneaċaiḃ?

⁴⁹ Aċd atá an pubalso ag naċ ḃfuil éolas an dliġiḋ mallaiġṫe.

⁵⁰ A duḃairt Nicodémus riú, (an té ṫáinig ċuige ann sa noiḋċe, agus do ḃí na áon dióḃsan,)

⁵¹ An ndáorann ar ndliġeaḋne duine ar biṫ, ní as táosga ná ċluinfeas sé úaḋ agus aiṫeónaiḋ sé cred do rinne sé?

⁵² Do ḟreagradar agus a duḃradar ris, An ón Ġalilé ṫusa leis? Lorgair, agus féuċ: oír níor éiriġ fáiḋ ón Ġalilé riáṁ.

⁵³ Agus do imṫiġ gaċ áon dá ṫiġ féin.