Eoin 15 - An Bíobla Naoṁṫa 1817 (Bedell)

Caibidil XV Gu ḃfuil leas uile na gcreidṁeaċ ó ġrásaiḃ Ċriosd, mar ṫoraḋ na ngéug ó ṡúġ na fineaṁna.

¹ As misi an ḟíneaṁuin ḟírinneaċ, agus as críaḋuire Maṫair.

² Gaċ uile ġéug ionnamsa naċ dtaḃair toraḋ, gearruiḋ sé í: agus gaċ uile ġéug do ḃeir toraḋ, glanuiḋ sé í, do ċum go maḋ móide do ḃeuraḋ sí toraḋ uáiṫe.

³ A nois atá siḃ glan treas an mbréiṫir do laḃair mé riḃ.

⁴ Fanuiḋ ionnamsa, agus misi ionnuiḃsi. Aṁail as naċ ḃféudann an ġéug toraḋ do ṫaḃuirt uáiṫe féín, muna ḃfana sí sa ḃfíneaṁuin; is mar sin ní ḟeudfa siḃse fós, muna ḃfantaói ionnamsa.

⁵ As misi án ḟíneaṁuin, siḃsi na géuga: Giḋ bé ḟanus ionnamsa, agus misi annsan, do ḃeir sé toraḋ mór: óir gan misi ní héidir liḃ éainni do ḋéanaṁ.

⁶ Giḋ be naċ ḃfanfa ionnamsa, teilgfiṫear amaċ é mar géig, agus críonfuiḋ sé; annsin ċruinniġid daoine, agus cuirid sa teiniġ íad, agus loisgṫear íad.

⁷ Má ḟanann siḃ ionnamsa, agus má ḟanuid mo ḃríaṫrasa ionnuiḃse, íarruiḋ gaċ ní ḃus áill liḃ, agus do ḋéuntar ḋaóiḃ é.

⁸ As so do ġeiḃ Maṫairsi glóir siḃsi do ṫaḃairt móráin toraiḋ; agus ḃeiṫí ḃur ndeisciobluiḃ agamsa.

⁹ Mar do ġráḋuiġ misi siḃsi: fanuiḋ am ġráḋsa.

¹⁰ Má ċoiṁéudtaói maiṫeanta, fanfuiḋe am gráḋ; mar do ċoiṁéud misi aiṫeanta Maṫar, agus fanuim ann a ġráḋ.

¹¹ A duḃairt mé na neiṫe so riḃ, ionnus go ḃfanfeaḋ mo ġáirdeaċus ionnuiḃ, agus go mbiaḋ ḃur ngairdeaċus lán.

¹² As í so máiṫnesi, siḃsi do ġráḋuġaḋ a ċeile, mar do ġráḋaiġ misi siḃsi.

¹³ Ní ḃfuil gráḋ as mó ná so ag éinneaċ, ná a anam féin do ṫaḃairt ar son a ċarad.

¹⁴ Is siḃsi mo ċáirdesi ma níṫí gaċ ní dá náiṫniġim ḋiḃ.

¹⁵ Uaḋ so súas ní ġoirfe mé searḃḟoġantuiḋe ḋíḃ, óir ní ḃfuil a ḟios ag an tsearḃḟoġantuiḋ créud do ní a ṫiġearna: aċd do ġoir mé cáirde ḋiḃ; óir na huile neiṫe do ċúaluiḋ mé ó Maṫair, do léig mé a ḃfios ċugaiḃsi.

¹⁶ Ní siḃsi do ṫog misi, aċd misi do ṫoġ siḃsi, agus do ċuir mé siḃ, ionnus go nimṫeoċaḋ siḃ agus go dtiuḃraḋ siḃ toraḋ, agus go ḃfanfaḋ ḃur dtoraḋ: ar ċor giḋ bé ní íarrfuiḋe a mainmsi ar a Naṫair, go dtioḃraḋ se ḋiḃ é.

¹⁷ Aiṫniġim na neiṫesi ḋíḃ, do ċum gráḋa do ḃeiṫ aguiḃ féin dá ċéile.

¹⁸ Má ḟúaṫuiġeann an sáoġal siḃ, bíoḋ a ḟios aguiḃ gur ḟúaṫaiġ sé misi roṁuiḃ.

¹⁹ Da máḋ don tsáoġal siḃ, do ġraiḋéoċaḋ an sáoġal a ċuid féin: giḋeaḋ ar son naċ don tsáoġal siḃ, aċd gur ṫoġ misi siḃ as a tsáoġal, ar a naḋḃarsin atá fúaṫ ag an tsáoġal daóiḃ.

²⁰ Cuiṁniġiḋ ar an mbreiṫir a duḃairt mé riḃ, Ní mó an searḃḟoġantaiḋ ná a ṁaiġisdir. Má ġérleanadar misi, gérleanfuid siḃsi mar an gcéudna; má ċoiṁéudadar mo ḃríaṫarsa, coiṁéudfuid ḃur mbriaṫarsa mar an gcéadna.

²¹ Aċd do ḋéunuid síad na neiṫesi uile riḃ ar son manmasa, do ḃriġ naċ ḃfuil fios an tí ó a dtáinig mé aca.

²² Muna ḃeiṫ go dtáinig mé agus gur laḃuir mé ríu, ní ḃíaḋ peacaḋ orra: aċd a nois ní ḃfuil leisgéul a bpeacuiḋ aca.

²³ Giḋ bé agá ḃfuil fúaṫ ḋáṁsa, fúaṫuiġiḋ sé Maṫair mar an gcéadna.

²⁴ Muna ḋéarnuinn oibreaċa na measg naċ dearna neaċ ar biṫe eile, ní ḃíaḋ peacaḋ orra: aċd a nois do ċunncadar agus fós do ḟúaṫuiġeadar misi, agus Maṫair.

²⁵ Aċd do rinneaḋ so ionnus go gcoiṁlíonfuiḋe an ráḋ atá sgrioḃṫa ann a ndliġeaḋ féin. Do ḟúaṫaiġeadar mé gan aḋḃar.

²⁶ Aċd an tan ṫiocfas an Coṁḟurtuiġṫeóir noċ ċuirfeas misi ċugaiḃ ón Aṫair, Spiorad na firinne, ṫig ón Aṫair, do ḋéuna sé fiaḋnuisi am ṫimċeallsa:

²⁷ Agus do ḋéuntaoísi fíaḋnuisi leis, óir atáṫaói ma ḟoċuir ó ṫus.