Eoin 13 - An Bíobla Naoṁṫa 1817 (Bedell)

Caibidil XIII Iósa Críosd ná ṡompla iongantaċ an úṁla, 44 agus ar ġraḋ ġlan.

¹ Agus roiṁ ṡollamáin na cásg, ar na aiṫe Díosa go dtáinig a uáir ann a raċaḋ sé as an tsáoġalsa ċum a Naṫar, ar ngráḋuġaḋ a ṁuinntire féin do ḃí ar a tsáoġal, do ġraḋuiġ sé go deireaḋ íad.

² Agus a ndíaġ suipéir, (an tan do ċuir an díaḃal a gcoiḋe Iúdáis Iscaríot, ṁic Símóin, eisean do ḃraṫ;)

³ Ar na aiṫne Diosa go dtug an Tahair na huile néiṫe fá ná láṁuiḃ, agus gur ab ó Ḋía ṫáinig sé, agus gur ċum Dé do ḃí sé ag dul;

⁴ Déiriġ sé ó ṡuipéir, agus do ċuir sé a ḃrat de; agus ar agaḃáil linéadaiġ ċuige, do ċeanguil sé roiṁe féin é.

⁵ Na ḋiáiġ sin do ċuir sé uisge a mbáisín, agus do ṫionnsgain sé cosa a ḋeisciobal dionnlaḋ, agus do ṫiormaġaḋ leis an línéadaċ do ḃí fá na úċd.

⁶ Ann sin ṫáinig sé ċum Siomóin Peadair: agus a duḃairt Peadar ris, a Ṫiġearna, an ḃfuil tusa ag ionnlaḋ mo ċosa sa?

⁷ Do ḟreaguir Iósa agus a duḃairt sé ris, Ní ḃfuil a ḟios agadsa nois créd do nímsi; aċd biáiḋ a ḟíos agad na ḋiáiġ so.

⁸ A deir Peadar rís, Ní niġfe tú mo ċosasa ga bráṫ. Do freaguir Iósa é, Muna niġfe mé ṫú, ní ḃía cumann agad ríum.

⁹ A duḃairt Siomón Peadar ris, A Ṫiġearna, ní híad mo ċosa aṁain, aċd mo láṁa agus mo ċeann mar an gcéadna.

¹⁰ A duḃairt Iósa ris, Giḋ bé atá niġte ní ḃfuil duireasḃuiḋ air aċd a ċosa niġe, aċd atá sé glan uile: agus atá siḃsa glan, giḋeaḋ ní ḃfuilti uile glan.

¹¹ Oír do ḃí a ḟios aige cía ḃraiṫfeaḋ é; uime sin a duḃairt sé, Ní ḃfuiltí uile glan.

¹² Ar a naḋḃarsin tar éis a gcos dionnlaḋ ḋó, agus a ḃruit do ġaḃáil uime, ar suiḋe síos ḋó a ris, a duḃairt sé ríu, An dtuigṫí créd do rinne mé riḃ?

¹³ Goirṫísi Maiġisdir agus Tiġearna ḋíomsa: agus as maiṫ a deirṫi sin; óir as mar sin atáim.

¹⁴ Ar a naḋḃarsin, má díonnail misi atá am Ṫiġearna agus am Ṁaiġisdir ḃur gcosasa; as coir ḋáoiḃsi mar an gceadna cosa ċéile díonnlaḋ.

¹⁵ Oír tug mé éisiomplair ḋáoiḃ, do ċum go ndéanaḋ siḃsi, mar do rinne misi ḋáoiḃsi.

¹⁶ Go deiṁin, deiṁin, a deirim riḃ, Ní mó an tóglaċ na a ṁaiġisdir; agus ní mó an teaċdaire na an té do ċuir úaḋ é.

¹⁷ Má ṫuigṫí na neiṫesi, bía siḃ beannaiġe má níṫí íad.

¹⁸ Ní laḃruim oruiḃ uile: atá a ḟios agum cía an dream do ṫoġ mé: aċd do ċum go gcoiṁlíonfuiḋe an sgríobtúir, An té ata ag iṫe aráin am ḟoċair, do ṫóg sé a sbál am aġaiḋ.

¹⁹ A nois deirim so riḃ suil ṫiocfus sé ċum críċe, ionnas, an tan do ḋéuntar é, go gceidfe siḃ gur mé atá ann.

²⁰ Go deiṁin, deiṁin, a deirim riḃ, Giḋ bé ġaḃus ċuige an té ċuirimse uáim gaḃuiḋ sé misi ċuige; agus giḋ bé ġabus misi ċuige gaḃuiḋ sé an té ċuir úaḋ mé ċuige.

²¹ Ar na ráḋ so Díosa, do ḃí sé buaiḋearṫa na sbioraid, agus do rinne sé fínne, agus a duḃairt sé, Go deiṁin, deiṁin, a deirim riḃ, go mbraiṫfi áon dáoiḃ misi.

²² Uime sin dféuċadar na deisciobail ar a ċéile, ag déunaṁ aṁaruis cía air ar laḃuir sé.

²³ Agus do ḃí áon dá ḋeisciobluiḃ na luiḋe a nuċd Iósa, noċ dob ionṁuin leis.

²⁴ Ar a naḋḃarsin do sméid Síomón Peadár ar an ḃfearsin, do ċum go ḃfiafróċaḋ se cía ar laḃair sé.

²⁵ Ann sin ar gcláonaḋ ḋósan a nuċd Iósa, a duḃairt sé ris, A Ṫiġearna, cía hé?

²⁶ Do ḟreaguir, As é an té, ḋá dtioḃra misi greim aráin, déis a ṫumṫa. Agus ar na ṫuma ṫug sé an greim do Iúdás Iscaríot ṁac Síomóin.

²⁷ Agus tar éis an ġreama annsin do ċúaiḋ an Táiḋḃerseóir a steaċ ann san. Ar a naḋḃarsin a duḃairt Iósa ris, Giḋ bé ní atá tú ḋéanaṁ, déuna go tapaiḋ é.

²⁸ Aċd níor ṫuig éainneaċ dá raiḃ a dtimċeall an ḃuird créd fá nduḃairt sé so ris.

²⁹ Oír do ṡáoileadar cuid ḋíoḃ, do ḃriġ gur ab ag Iúdas do ḃí an sparán, gur ab é ní a duḃairt Iósa ris, Ceannuiġ ḋúinn giḋ bé ḃías a riaċdanus oruinn ċum na sollamna; nó, ní éigin do ṫaḃairt do na boċdaiḃ.

³⁰ Agus an tan do ġlac seision an greim dimṫiġ sé amaċ ar ball: agus do ḃí an oiḋċe ann.

³¹ Uime sin, ar ndul amaċ ḋó, a duḃairt Iósa, a nois atá Mac an duine ar na ġlóruġaḋ, agus atá Día ar na ġlóruġaḋ ann.

³² Má atá Día ar na ġlóruġaḋ annsan, do ḃéara Día glóir ḋósan ann féin mar an gcéudna, agus do ḃéura sé glóir ḋó ar an mball.

³³ A ċlann ḃeag, atáim fós seal beag ḃur ḃfarraḋ. Iarrfuiḋe mé: giḋeaḋ már a duḃairt mé ris na Iúduiḋiḃ, Giḋ bé áit a dtéiġimsi, ní ḟéudfáoisi ṫeaċd ann; is mar sin a deirim riḃsi a nois.

³⁴ Do ḃeirim áiṫne núa ḋíḃ, Gráḋuiġe a ċéile; mar do ġráḋuiġ misi siḃsi, gráḋuiġiḋ féin a ċéile aṁluiḋ sin.

³⁵ Air so aiṫéonaid na huile ḋáoine gur deisciobail ḋaṁsa siḃ, má ḃíonn gráḋ aguiḃ féin dá ċéile.

³⁶ A duḃairt Siomón Peadar ris, A Ṫiġearna, gá háit a dtéid tú? Do ḟreaguir Iósa é, Mar a dtéiġimsi, ni ḟeudann tusa a nois mo leanṁuin; giḋeaḋ leanfuiḋ tú mé na ḋiáiġ so.

³⁷ A duḃairt Peadar ris, A Ṫiġearna, créud fá naċ ḃféaduim do leanṁuin a nois? Cuirfiḋ mé manam ar do ṡon.

³⁸ Do ḟreagair Iósa é, An gcuirfe tú ṫanam ar mo ṡonsa? Go deiṁin, deiṁin, a deirim riot, Ní ġoirfe an coileaċ suil ṡéanfas tú mé trí huáire.