Deuteronomi 3 - An Bíobla Naoṁṫa 1817 (Bedell)

Caibidil III. An cor ar ḃuaḋuiġ Israel ar Og rí Ḃásan. 12 Crannċar ṡlioċd Reuben agus Gad. 23 Ní bfuair Maoise dul a steaċ a ttír Ċanaain.

¹ Ann sin do iontoiġeamar, agus do ċuáḋ suas air an tslíġe go Basan: agus ṫáinic Og riġ Ḃásan amaċ ár naġuiḋ, é féin agus a ḋáoine uile, ċum caṫa ag Edrei.

² Agus a duḃairt an TIĠEARNA riomsa, Ná bíoḋ eagla ort roiṁe: óir do ḃéara misi é féin, agus a ḋáoine uile, agus a ḋúṫaiġ, ad láiṁ; agus do ḋéana tú ris mar do rinne tú ré Sihon riġ na Namoríteaċ, noċ do áitriḃ an Hesbon.

³ Mar sin ṫug an TIĠEARNA ar Ndía ann ar láṁuiḃ mar an gcéadna Og, ríġ Ḃásan, agus a ḋáoine úile: agus do ḃuáileamar é go nár fágḃaḋ áonduine béo aige.

⁴ Agus do ġaḃamar a ċaiṫreaċa nile an tansin, ní raiḃ caṫair aca naċ ar ḃaineamar ḋíoḃ, trí fiċṫid caṫair tír Argob uile, rioġaċd Og a Mbasan.

⁵ Do ċuṁdniġeaḋ na caiṫreaċa uile le balluiġiḃ arda, lé geatuiḋiḃ, agus lé barruiḋiḃ; taoḃ amuiġ do ṁórán mór do ḃailtiḃ gan ḃalla.

⁶ Agus do scriosamar ṫríd amaċ uile íad, mar do rinneamar re Sihon ríġ Hesbon, ag scrios go hiómlán na ḃfear, na mban, agus na leanaṁ, an gaċ aonċaṫair.

⁷ Aċd do ġlacamar mar ċreiċ ḋuinn féin, a náirnéis uile, agus éadáil na gcaiṫreaċ.

⁸ Agus do ḃaineamar a nuáir sin amaċ as láiṁ ḋá ríġ na Namoríteaċ an dúṫaiġ do ḃí don táoiḃsi do Iordan, ó aḃuinn Arnon go slíaḃ Hermon;

⁹ An Hermonsin as de ġoirid na Sidonianuiġ Sirion; agus goirid na Hamorítiġ Senir ḋe;

¹⁰ Caiṫreaċa an réitiġ uile, agus Gileád uile, agus Básan uile, go Salċah agus Edrei, caiṫreaċa do rioġaċd Og a Mbásan.

¹¹ Oír do bé Og riġ Básan aṁáin do ṁair dtuiġioll na naiṫeaċ; féuċ, do ḃí a leaba na leaba híarann; naċ ḃfuil sí a Rabbat ċloinne Ammon? náoi ccuḃaid do ḃí na fad, agus ceiṫre cuḃaid na leiṫead, do réir ċuḃad fir.

¹² ¶ Agus ṫug misi an dúṫaiġsi, noċ do ṡealḃuiġeamar a nuáir sin, ó Aroer, noċ atá láiṁ ris a naḃuinn Arnon, agus leaṫ sléiḃe Gilead, agus a ccaiṫreaċa sin, do na Reubenítiḃ agus do na Gadítiḃ.

¹³ Agus ṫug mé an ċuid oile do Ġilead, agus Básan uile, eaḋon rioġaċd Og, do leiṫ ṫreiḃe Manasseh; rioġaċd Argob, uile maille re Basan uile, noċ dá ngorṫáoi dúṫaiġ na naiṫeaċ.

¹⁴ Do ġlac Iair ṁac Manasseh tír Argob uile go himliḃ Gesúri agus Maaċati; agus do ġoir ḋíoḃ do réir a anma féin, Basan‐Haḃotiair, agus a ninġ.

¹⁵ Agus ṫug mé Gilead do Ṁaċir.

¹⁶ Agus ṫug mé ó Ġilead go sruṫ Arnon do na Reubenítiḃ agus do na Gadítiḃ, leaṫ an ġleanna, agus an timiol air fad go sruṫ Iabboc, noċ is teóra do ċloinn Ammon;

¹⁷ An réiteaċ fós, agus Iordan agus an teóra, ó Ċinnerei go nuige fairge an réitiġ, a nfairge ṡailte, fáoi Asdot‐pisgah táoḃ ṡoir.

¹⁸ ¶ Agus do aiṫin misi ḋáoiḃ a nuairsin, ḋá ráḋ, Ṫug an TIĠEARNA ḃur Ndía an fearannsa ḋáoiḃ dá ṡealḃuġaḋ: raċṫáoi ṫairis armṫa a laṫair ḃur ndearḃráiṫreaċ clann Israel, a nuile ḋuine dá ḃfuil iomċuḃaiḃ ċum an ċogaiḋ.

¹⁹ Aċ fanfuid ḃur mna, agus ḃur cclann ḃeag, agus ḃur náirnéis, ann ḃur gcaiṫreaċaiḃ, nóċ ṫug misi dáoiḃ, (óir atá a ḟios agum go ḃfuil iomad áirnéisi aguiḃ;)

²⁰ Nó go ttugaiḋ an TIĠEARNA suáiṁneas dá ḃur ndearḃraiṫriḃ, coṁmaiṫ agus dáoiḃsi, agus nó go sealḃuiġid síad mar an gcéadna an fearann ṫug an TIĠEARNA ḃur Ndía ḋóiḃ táoḃ ṫall do Iordan: agus annsin fillfiḋe gaċ éanduine aguiḃ ċum a ṡeilḃe, noċ ṫug misi ḋáoiḃ.

²¹ Agus do aiṫin misi a nuáirsin do Iosua, ġá ráḋ, Do ċonncadar do ṡúile gaċ ní da ndeárna an TIĠEARNA do Ḋía ris an dá ríġsé: mar sin ḋéunas an TIĠEARNA ré gaċ uile rioġaċd a ngéaḃa tusa.

²² Ní ḃiáiḋ eagla oruiḃ rompa: óir troidfiḋ an TIĠEARNA ḃur Ndía ar ḃur son.

²³ ¶ Agus do ġuiḋ misi an TIĠEARNA fá namsin, ġá ráḋ,

²⁴ A TIĠEARNA Día, do ṫosuiġis ar do ṁórḋaċd, agus do láiṁ ċuṁaċduiġ do ṫaisbeanaḋ dod ṡearḃḟoġantuiġ: óir cía an Día ar neaṁ nó ar talaṁ, ḟéudas a ḋéanaṁ do réir hoibreaċsa, agus do réir do neirt?

²⁵ Guiḋim ṫú, léig ḋaṁ dul anonn, dféaċuin a nfearuinn ṁaiṫ atá táoḃ ṫall do Iordan, an slíaḃ maiṫ sin, agus Lebanon.

²⁶ Aċ do ḃí an TIĠEARNA feargaċ riomsa ar ḃur sonsa, agus níor ḃáill leis méisdeaċd: agus a duḃairt an TIĠEARNA riom, Go maḋ lór ḋuit sin; ná laḃair ní is mó rium fá naḋḃarsa.

²⁷ Eiriġ súas go mullaċ an ċnoic, agus tóg súas do ṡúile leaṫ ṡíar, agus leaṫ ṫuáiġ, leaṫ ṡoir, agus leaṫ ṫeas, agus féuċ é léd ṡúiliḃ: óir ni raċa tú tar an Iordanso ánonn.

²⁸ Aċ aiṫin do Iosua, agas cuir meisneaċ ann, agus neartuiġ é: óir raċuiḋ seision anonn roiṁe na dáoiniḃsi, agus do ḃéura sé orra an dúṫaiġ do ṡealḃuġaḋ a noiġreaċd noċ do ċífe tusa.

²⁹ Mar sin do ċoṁnuiġeamar san ngleann ṫall as coimne Ḃeṫ‐peor.