Deuteronomi 21 - An Bíobla Naoṁṫa 1817 (Bedell)

Caibidil XXI. Reaċd ar ṁarḃaḋ ḟoluiġeaċ, 10 Banḃráġaid 15 An ċed‐ġin. 38 An ṁac ċeannlaidir, 22 agus ar an ḟear do ċroċṫar.

¹ Ma ġeiḃṫior duine marḃ san tír noċ do ḃeir do ṪIĠEARNA Día ḋuit dá ṡealḃuġaḋ, na luiḋe san ṁaċaire, agus gan fios cía ṁarḃ é:

² Ann sin tiocfaiḋ do ṡeanóiriġe agus do ḃreiṫeaṁuin, agus toiṁeosuid ċum na ccaiṫreaċ atá tímċioll an tí muirfiġear:

³ Agus is aṁluiḋ ḃías, an ċaṫair ḃus foigse don duine ṁarḃ, glacfaid seanóiriġe na caiṫreaċ sin colpaċ, le nar hoibriġeaḋ, agus nar ṫarruing annsa ċuing;

⁴ Agus béuruid seanóiriġe na caiṫreaċ sin an ċolpaċ síos go gleann garḃ, naċ ar treaḃaḋ agus naċ ar cuireaḋ, agus gearrfuid ansin a muineal don ċolpuiḋ ansa ngleann:

⁵ Agus tiucfuid na sagairt mic Léḃi a laṫair; (óir is íad do ṫoġ do ṪIĠEARNA Día do ṁiniostralaċd dó, agus do ḃeannuġaḋ a nainm an TIĠEARNA; agus is lé na mbreiṫir críoċnuiġṫear gaċ uile imreasain agus gaċ uile ḃuille:)

⁶ Agus niġfid seanóiriġe na caiṫreaċ sin uile, is foicsi don duíne ṁairḃ, a láṁa ós cionn na colpuiġ dar baineaḋ a ceann ansa ngleann:

⁷ Agus freagoruid agus a déaruid, Ní híad ar láṁainne do ḋóirt an nfuilsi, ní mó do ċonncadar ar súile é.

⁸ Bí trócaireaċ, a ṪIĠEARNA, dot ṗobal Israel, noċ do ḟúascuil tú, agus ná cuir fuil neiṁċiontaċ a leiṫ do ṗobail Israel. Agus maiṫfiġear an ḟuil dóiḃ.

⁹ Mar sin ċuirfeas tú uáit coir na fola neiṁċiontuiġ ó ḃeiṫ eadruiḃ, a nuáir do ḋéana tú an ní is ceart a raḋarc an TIĠEARNA.

¹⁰ ¶ A nuáir raċus tú amaċ do ċaṫuġaḋ a naġuiḋ do náṁad, agus má ṫug do ṪIĠEARNA Día ad láṁuiḃ íad, agus gur ġaḃ tú íad na mbraiġdiḃ,

¹¹ Agus go ḃfaicionn tú a measc na mbraiġde bean ḋeaġṁaiseaċ, agus a mbía dúil agad innte, go maḋ mían leaċd a beiṫ agad na mnaói;

¹² Ann sin do ḃéara tú don ḃaile í dot ṫiġ; agus beárrfa sí a ceann, agus beanfa sí a hingne ḋi;

¹³ Agus cuirfe sí a culaiḋ ḃráiġdionuis di, agus fanfuiḋ ann do ṫiġsi, agus biáiḋ cuṁaiḋ a haṫar agus a maṫar uirre mí iomlán: agus na ḋiáiġ sin do ḋéana tú bean di, agus buḋ tú a fear, agus buḋ isi do ḃeansa.

¹⁴ Agus is aṁla ḃías, muna raiḃ dúil agad innte, annsin do ḃéara tú cead di dul mar ar toil lé féin; aċd ní reacfa tú í ar éanċor ar airgiod, ní ḋéana tú arraḋ ḋi, do ċionn gur uṁluiġ tú í.

¹⁵ ¶ Ma ḃíonn días ban ag duine, bean iouṁuin, agus bean neiṁionṁuin, agus go mbéaruid clann dó, an ḃean ġráḋaċ agus an ḃean ḟuaṫṁar; agus go maḋ leis an mnaoi ḟuaṫṁur an ċéaidġin ṁic:

¹⁶ Iseaḋ ḃías de sin, a nuáir do ḃéara sé sealḃ dá ṁacuiḃ don ní ḃías aige, naċ ḃféadfa céidġin do ḋéanaṁ do ṁac na mná ionṁuine roiṁe ṁac na mná neiṁionṁuine, noċ as é go deiṁin an ċéidġin:

¹⁷ Aċd aidṁeoċuiḋ sé mac na mná náċ ionṁuin leis mar a ċéidġin, maille re roinn ḋúbalta do ṫaḃairt dó dá gaċ uile ní ḃías aige: óir ís eision céadṫús a neirt; is leis ceart na céidġine.

¹⁸ ¶ Má ḃíonn mac ceannláidir easurramaċ ag duine, naċ uiṁleoċuiḋ do ġlór a aṫar, no do ġlór a ṁaṫar, naċ uiṁleoċuiḋ ḋóiḃ, a nuáir smaiċdeoċuid é:

¹⁹ Ann sin glacfuiḋ a aṫair agus a ṁaṫair é, agus ḃéaruid amaċ é ċum sinsear a ċaiṫreaċ féin, agus go nuige dorus a áite;

²⁰ Agus déaruid re sinnsearuiḃ a ċaiṫreaċ, An macsa aguinne atá sé borb easurrumaċ, ní uṁluiġion sé dar nguṫ; atá sé cráosaċ, misgeaṁuil.

²¹ Agus cloċfuid lúċd a ċaiṫreaċ uile é lé cloċuiḃ, nó go raiḃ marḃ: mar sin ċuirfeas tú an tolc ar gcúl uáit; agus cluinfiḋ Israel uile sin, agus biáiḋ eagla orra.

²² ¶ Agus má ní éanduine coir ṫuillios bás, agus go mbía ḋa ċur ċum báis, agus go ccroċfa tú ar crann é:

²³ Ní ḃiáiḋ a ċorp ar feaḋ na hoiḋċe san ċrann, aċd aḋlocuiḋ tú ar gaċ éanċor an lá sin féin é; óir an té croċtar atá sé malluiġ ó Ḋía; ċor naċ ttruáilleoċṫar ṫfearann, noċ do ḃeir do ṪIĠEARNA Día ḋuit mar oiġreaċd.