Deuteronomi 2 - An Bíobla Naoṁṫa 1817 (Bedell)

Caibidil II. Cia fearann ar naċ buḋ cóir ionnsaiḋ do ṫaḃairt. 27 Agus cia do ḃí ceaduiġṫe a ċosnaṁ.

¹ Annsin doḟilleamar, agus doġluaiseamar don nfásaċ a sliġe na mara Ruáiḋe, mar do laḃair an TIĠEARNA riumsa: agus do ṫimċiollamar slíaḃ Ṡeir mórán do laéṫiḃ.

² Agus do laḃair an TIĠEARNA riomsa, ġá ráḋ,

³ Do ṫimċiollaḃair an slíaḃso lór a ḟad: filliġ buḋ ṫuáiġ.

⁴ Agus aiṫinsi don ṗobal, ġá ráḋ, Caiṫfiḋe gaḃail tré ímiol ṫire ḃur ndearḃráiṫreaċ clann Esau, noċ áitreaḃus a Seir; agus biáiḋ eagla aca roṁuiḃ: uime sin bioḋ aire ṁaiṫ aguiḃsi oruiḃ féin:

⁵ Ná beanuiḋ riú; oir ní ṫiuḃra misi ḋáoḃ dá ḃfearann, ní ṫiuḃrad, leiṫead éantroiġe aṁáin; do ċionn go ttug mé sliaḃ Seir do Esau mar ṡeilḃ.

⁶ Ceinneoċṫáoi bíaḋ úaṫa ar airgead, ċor go níostáoi; agus cinneoċṫáoi fós uisge úaṫa ar airgead, ċor go nioḃṫáoi.

⁷ Oír do ḃeannuiġ an TIĠEARNA do Ḋía ṫusa ann uile oibreaċ do láiṁe: atá fios ḃur naistier aige ṫríd an ḃfásaċ ṁórsa: do ḃi an TIĠEARNA do Ḋía an dá ḟiċṫid blíaḋanso maille riot; ní raiḃ easḃaiḋ ar biṫ ort.

⁸ Agus a nuáir do ċuamar ṫar ar ndearḃráiṫriḃ clann Esau, noċ do áitriḃ ann Seir, tré ṡliġe an reitiġ ó Elat, agus ó Hesion‐gaber, do ḟilleamar agus do ċúamar a slíġe ḟasaiġ Ṁoab.

⁹ ¶ Agus a duḃairt an TIĠEARNA riomsa, Ná buáiḋriġ ná Moabítiġ, agus na déanuiġ imreasúin riú a gcaṫ: óir ní ṫiubra misi ḋáoiḃ dá ḃfearann mar ṡeilḃ; do ċíonn go ttug mé Ar do ċloinn Lot mar ṡeilḃ.

¹⁰ Do áitreaḃadar na Hemimiġ ann sin a nallúd, daoine mora, líonṁara, árraċda, mar na Hanacimiġ;

¹¹ Noċ ar a raiḃ mar an ccéadna meas aiṫeaċ, do nós na Nanacimeaċ; aċd Emimiġ ġoirid na Moabitiġ ḋíoḃ.

¹² Do áitreaḃadair na Horimiġ mar an gcéadna a Seir san naimsir roiṁe; aċd is íad clann Esau ṫáinic na ndíaiġ, a núair do ḋíbreadar as a raḋarc íad, agus do áitreaḃadar na náit; mar do ní Israel re dúṫaíġ a ṡeilḃe, noċ ṫug an TIĠEARNA ḋóiḃ.

¹³ Annois éirġiḋ súas, arsa misi, agus téiġiḋ ṫar aḃuinn Ṡered. Agus do ċuámar ṫar aḃuinn Ṡered.

¹⁴ Agus na laéṫe iona ttangamar ó Ċades‐barnea, nó go ndeaċamar tar aḃuinn Ṡered, ba hoċd mbliaḋna déug air ḟiṫċid íad; nó gur leaġadar a nuile ġeinealaċ don luċd cogaiḋ a measc an tslóiġ, mar do ṁionnuíġ an TIĠEARNA ḋóiḃ.

¹⁵ Oír go deiṁin do ḃí láṁ an TIĠEARNA na naġaiḋ, dá scrios as measc an tslóiġ, nó gúr díoġḃáiḋeaḋ íad.

¹⁶ ¶ Marsin ṫáinic a ccríċ, a nuáir do díoġḃáiḋeaḋ an luċd cogaiḋ uile agus do éugadar ó ḃeiṫ a measc an ṗobail,

¹⁷ Gur laḃair an TIĠEARNA riumsa, ḋá ráḋ,

¹⁸ Raċuiḋ tú anonn tré Ar, annsa ló a niuġ, a tteóruinn Ṁóab:

¹⁹ Agus a nuáir ṫiocfas tú a ḃfogus ṫall as coinne ċloinne Ammon, ná buaiḋriġ íad, agus ná beanuiḋ riú: óir ní ṫiuḃra misi sealḃ ar biṫ ḋáoiḃ do ḋúṫuiġ ċloinne Ammon; óir ṫug mé do ċloinn Lot í mar ṡeilḃ.

²⁰ Do measaḋ mar an gcéadna gur dúṫaiġ aiṫeaċ sin: aiṫiġ do áitreaḃ annsin san tseanaimsir; agus do ġoirdís na Hammonítiġ Samsumimiġ ḋíoḃ;

²¹ Daoíne móra, líonṁara, árraċda, mar na Hanacimiġ; aċd do scrios an TIĠEARNA íad rompa; agus tangadarsan na ndiáiġ, agus do áitreaḃadar na nionad:

²² Mar do rinne sé ré cloinn Esau, noċ do áitreiḃ ann Seir, a nuáir do scríos sé na Horimiġ rompa; agus tangadarsan na ndiáiġ, agus do áitreaḃadar na náit gus a niuġ:

²³ Agus na Haḃimiġ noċ do ċoṁnuiġ ann Haserim, go nuige Assah, do ḋibreadar na Caṗtorimiġ íadsin, noċ ṫáinic amaċ as Caṗtor, agus do áitreaḃadar na nionad.

²⁴ ¶ Eíriġsi súas, ġluáisiġ ann ḃur tturus, agus imṫiġiḋ a nonn ṫar a naḃuinn Arnon: féuċ, ṫug mé ad láiṁ Sihon an Tamoríteaċ, ríġ Hesbon, agus a ḋúṫaiġ: tionnscain a sealḃuġaḋ, agus troid ris a ccaṫ.

²⁵ A niuġ ṫoiseoċus misi ar uaṁan agus eagla roṁadsa do ċur ar a ḃfuil fáoi neaṁ uile, noċ ċluinfeas túaruscḃáil ortsa, agus crioṫnoċuid, agus béid a ndoilġios ar heaglasa.

²⁶ Agus do ċuir mé teaċda amaċ as fasaċ Cedemot go Síhon ríġ Hesbon lé bríaṫruiḃ síoṫċána, ḋá ráḋ,

²⁷ Léig ḋaṁsa gaḃáil ṫríd do ḋúṫaiġ: iméoċa mé roṁam annsa tsliġe ṁóir, agus ní iontóċa mé ar an láiṁ ḋeis nó ar an láiṁ ċlé.

²⁸ Reacfaiḋ tú bíaḋ riom ar airgiod, go niṫe mé; agus do ḃéura tú ḋaṁ uisge ar airgiod, go nólfa mé: aṁáin siuḃoluiġ mé roṁum dom ċosuiḃ;

²⁹ Mar do rinneadar rium clann Esau noċ áitreaḃus a Seir, agus na Moabítiġ noċ áitreaḃus ann Ar; nó go ndeaċuiḋ mé anonn ṫar Iordan don dúṫaiġ do ḃéir an TIĠEARNA ar Ndía ḋúinn.

³⁰ Aċd nior áill lé Sihon ríġ Hesbon léigean dúinn gaḃáil ṫairis: óir do crúaḋuiġ an TIĠEARNA ḃur Ndíasa a spiorad, agus do rinne sé a ċroiḋe easuṁal, ċor go seaċódaḋ sé ad láiṁse é, mar as follus a niuġ

³¹ Agus a duḃairt an TIĠEARNA riumsa, Féuċ, do ṫosuiġ mé ar Ṡihon agus ar a ḋúṫaiġ do ċur roṁad: tosuiġsi a ṡealḃuġaḋ, go maḋ leaċd a ḋúṫaíġ a noiġreaċd.

³² Annsin ṫainic Sihon amaċ ar naġuiḋ, é féin agus a ḋáoine uile, do ṫroid ag Iahas.

³³ Agus do ṡeaċuid an TIĠEARNA ar Ndía roṁuinn é; agus do ḃuáileamar é féin, agus a ċlann, agus a ḋáoine uile.

³⁴ Agus do ġaḃamar a ċaiṫreaċa uile fa namsin, agus do ḃuaileamar ṫríd amaċ na dáoine, agus na mna, agus a cclann ḃeag, ann gaċ aon ċaṫair, níor ḟágḃamair áon na ḃeaṫaiġ:

³⁵ Aṁáin do ṫógḃamar a náirnéis ċuguinn féin mar ċreiċ, agus éadail na ccaiṫreaċ noċ do ġaḃamar.

³⁶ O Aroer, noċ atá ar ḃrúáċ na haḃann Arnou, agus on ċaṫruiġ atá láiṁ ris an naḃuinn, go nuige Gilead, ni raiḃ aon ċaṫair aṁáin róláidir ḋúinn: do ṡeaċuid an TIĠEARNA ar Ndía ḋúinn uile íad:

³⁷ Aṁáin go dúṫaiġ ċloinne Ammon ní ṫangaḃair, nó go héanáit don naḃuinn Iabboc, nó do na caiṫreaċaiḃ ann sna sléiḃtiḃ, nó go héanáit dar ṫóirmísg an TIĠEARNA ár Ndía oruinn.