Daniel 8 - An Bíobla Naoṁṫa 1817 (Bedell)

Caibidil VIII. Iomlaite agus cláoċloḋ iomaraċ na riġeuċta.

¹ Annsa treas blíaḋain do rioġaċd Ḃelsassar do ċonncas aisling ḋaṁsa, ḋaṁsa Dániel, tar éis an níġ do ċonnairc mé a ċéaduáir.

² Agus do ċonnairc mé a naisling; (agus ṫáinic a ccríċ, a nuáir do ċonnairc mé, go raiḃ mé ann Súsan annsa ṗálás, noċ atá a bproḃinnsi Elam;) agus do ċonnairc mé a naisling, agus do ḃí mé ag aḃuinn Ulai.

³ Annsin do ṫóig mé súas mo ṡúile, agus do ċonnairc mé, agus, féuċ, do ṡeas as coinne na haḃann reiṫe air a raḃadar ḋá aḋairc: agus dob árd an dá aḋairc; aċd buḋ áirde áon ná an dara, agus ṫáinic a naḋarc buḋ áirde súas fa ḋeireaḋ.

⁴ Do ċonnairc mé an reiṫe ag gaḃáil, síar, agus buḋ ṫúaiġ, agus buḋ ḋeas; ionnus naċ seasfaidís beaṫuiġ ar biṫ ris, nó áon do ḟéadfaḋ ní do ṡáoraḋ as a láiṁ; aċt do rinne do réir a ṫola féin, agus dfás sé mór.

⁵ Agus mar do ḃí mé ag meas, féuċ, ṫáinic gaḃar firionn ó náird ṡíar ar aḋáiġ na talṁan uile, agus níor ḃean ris an ttalaṁ: agus do ḃí aḋairc oirḋeirc eidir ṡúiliḃ an ġaḃair.

⁶ Agus ṫáinic ċum an reiṫe agá raiḃ an dá aḋairc, noċ do ċonnairc mé na ṡeasaṁ ag a naḃuin, agus do rioṫ sé ċuige a ccúṫaċ a neirt.

⁷ Agus do ċonnairc mé é ag teaċd a ḃfogus don reiṫe, agus do ḃí sé lán dfíoċ na aġaiḋ, agus do ḃúail sé an reiṫe, agus do ḃris a ḋá aḋairc: agus ní raiḃ cuṁaċda aig an reiṫe seasaṁ ris, aċd do ṫeilg sé síos ċum na talṁan é, agus do ṡaltair air: agus ní, raiḃ aon do ḟéad an reiṫe do ṡáoraḋ as a láiṁ.

⁸ Uimesin dfás an poc roṁór: agus an tan do ḃí sé láidir, do briseaḋ a naḋarc ṁór; agus ṫáinic iona háit ceiṫre haḋarca móirṁeasta leaṫ ré ceiṫre gáoṫaiḃ neiṁe.

⁹ Agus ṫáinic aḋarc ḃeag amaċ as aón aca, naċ dfás go hanṁór, don leaṫ ṫeas, agus don leaṫ ṡoir, agus leaṫ ris an ndúṫaiġ aóiḃinn.

¹⁰ Agus dfás sé mór, eaḋon go sluáġ neiṁe; agus do ṫeilg síos cuid don tsluáġ agus do na réultuiḃ gus an ttalaṁ, agus do ṡaltair sé orra.

¹¹ Aseaḋ, do ṁóruiġ sé é féin eaḋon go prionnsa an tsluáiġ, agus is leis rugaḋ as a nioḋbairt láeṫeaṁuil, agus do teilgioḋ síos áit a ṡanctora.

¹² Agus tugaḋ slúaġ ḋó a naġaiḋ na híoḋbarṫa láeṫeaṁla do ḃríġ sáruiġṫe, agus do ṫeilg síos a nfírinne gus an ttalaṁ; agus do ġnáṫuiġ sé, agus ṫáinic air a aġaiḋ.

¹³ ¶ Annsin do ċúala mé áon náoṁ ag laḃairt, agus a duḃairt náoṁ oile ris a náoṁ áiriġsin do laḃair, Ga fad ḃías a naisling a ttáoḃ na híoḋbarṫa láeṫeaṁla, agus sáruiġṫe na háonránaċda, do ṫaḃairt aráon na sanctóra agus an tsluáiġ do ṡaltairt faoi ċois?

¹⁴ Agus a dúḃairt seision riomsa, Go dá ṁíle agus trí ċéud lá; annsin glanfuiġear an tsanctóir.

¹⁵ ¶ Agus tárla, an tan do ċonnairc misi, misi Dániel, a nfis, agus do lorgair mé a cíall, annsin, féuċ, do ṡeas as mo ċoinne mar ṫaisbeanaḋ duine.

¹⁶ Agus do ċúala mé gúṫ dúine eidir ḃrúaċaiḃ Ulai, noċ do ġoir, agus a duḃairt, A Ġabriel, taḃair ar an ḃfearso an nfis do ṫuigsin.

¹⁷ Annsin ṫáinic sé a ḃfogus do náit ar ṡeas mé: agus a nuáir ṫáinic sé, do ḃí mé eaglaċ, agus do ṫuit mé air maġaiḋ: aċt a dúḃairt seision riom, Tuig, a ṁic an duine: óir is a ndeireaḋ na haimsire ḃías a naisling.

¹⁸ Anois mar do ḃí sé ag laḃairt riom, do ḃí mé a ccodlaḋ ṫrom ar maġaiḋ leaṫ ris an ttalaṁ: aċt do ḃean seision riom, agus do ċuir sé súas go díreaċ mé.

¹⁹ Agus a duḃairt sé, Féuċ, do ḃéara misi ort a ḟios do ḃeiṫ agad cread ḃías annsa ċríċ ḋeiġionuiġ an dioġaltais: óir biáiḋ an deireaḋ san nam ċinte.

²⁰ An reiṫe do ċonnairc tú agá raiḃ ḋá aḋairc isíad sin ríġṫe Média agus Persia.

²¹ Agus isé an gaḃar garḃ ríġ na Gréige: agus isé an ċéid ríġ a naḋarc ṁór atá eidir a ṡúiliḃ.

²² Ar na ḃriseaḋ sin, a náit ar ṡeasadar ceaṫrar súas air a ṡon, seasfuid ceiṫre rioġaċta súas as an ccineaḋ, aċt ní iona cuṁaċdaiḃsion.

²³ Agus san naimsir ḋeiġionuiġ a rioġaċda, an tan coiṁlíonfuiġear luċt an néigceirt, seasfuiḋ súas, riġ gnúise ḃuirbe, agus ráiḋteaḋ ndorċa do ṫuicsin.

²⁴ Agus buḋ cuṁaċtaċ a neart, aċt ní le na ċuṁaċdaiḃ féin: agus scriosfuiḋ sé go hiongantaċ, agus raċaiḋ sé air a aġaiḋ, agus ġnáṫeoċuiġ, agus scriosfuiḋ sé na cuṁaċdaiġ agus na daóine náoṁṫa.

²⁵ Agus fós tré na ġliocas do ḃéara sé biseaċ air ċeilg iona láiṁ; agus mórfuiḋ é féin iona ċroiḋe, agus lé síoṫċáin scriosfaiḋ sé iomad: seasfuiḋ sé fós súas a naġaiḋ Ṗrionnsa na bprionnsaḋ; aċt brisfiġear é a néagṁuis láiṁe.

²⁶ Agus is fíor fis an tráṫnóna agus na maidne noċ do hinniseaḋ: uimesin íaḋsa súas a nfis; óir is a ccionn ṁóráin laéṫeaḋ ḃías sí.

²⁷ Agus danḃfáinniġ misi Daniel, agus do ḃáḋas tinn laeṫe áiriġ; na ḋiáiġsin déiriġ mé súas, agus do rinne mé ġnoṫuiġe an ríġ; agus do ḃí uáṫḃás orum fa a naisling, aċd níor ṫuig duine ar biṫ í.