Daniel 5 - An Bíobla Naoṁṫa 1817 (Bedell)

Caibidil V. Smaċt Ḃelsassar déis a ċráos agus a ṗótaireaċt.

¹ Do rinne an ríġ Belsassar féusta mór do ṁíle ḋá ṫiġearnaḋuiḃ, agus diḃ sé fíon as coinne an ṁíle sin.

² Dáiṫin Belsassar, an fad do ḃí sé ag blasaḋ a nfíona, na soiġṫiġe óir agus airgid do ṫaḃairt ċuíge noċ ṫug a aṫair Nebuċadnessar as an tteampall ó Ierusalem; ċor go nioḃaḋ an ríġ, agus a ṗriónnsaḋa, a ṁná, agus a leannáin, deoċ asda.

³ Annsin ṫugadar leó na soiġṫiġe óir rugaḋ as an tteampall ó ṫiġ Dé noċ do ḃí ann Ierusalem; agus diḃ an ríġ agus a ṗrionnsaḋa, a ṁná, agus a leannáin, deoċ asta.

⁴ Diḃiodar fíon, agus do ṁoladar na dée óir, agus airgid, agus práis, agus íaruinn, agus crainn, agus cloiċe.

⁵ ¶ Fa namsin féin ṫáinic amaċ méur láiṁe duine, agus do scríoḃ ṫall as coinne an ċoinnléora ar ṗlástráil ḃalla ṗáláis an ríġ: agus do ċonnairc an ríġ an ċuid don láiṁ do scríoḃ.

⁶ Annsin dáṫruiġ gnúis an ríġ, agus do ḃuáiḋreadar a smúaintiġṫe é, iondus go raḃadar ailt a leasruiġ scaóilte agus gur ḃuáiliodar a ġlúine a naġaiḋ a ċéile.

⁷ Dfúagair an ríġ go hárd na hastroluiġṫe, na Caldéanuiġ, agus an luċt áisdine do ṫaḃairt a steaċ. Agus do laḃair an ríġ, agus a duḃairt ré daóiniḃ eagnuiġe na Babilóine, Giḋ bé ar bioṫ léiġfios an scríḃinnsi, agus ṫaisbeanfus a cíall daṁsa, éideoċar é lé scáirléad, agus do ġeaḃuiḋ sé slaḃraḋ óir timċioll a ḃráġad, agus biáiḋ sé na ṫreas úaċtarán san rioġaċt.

⁸ Annsin ṫángadar uile ḋaóine críonna an ríġ a steaċ: agus níor ḟéadadar an scríḃinn do léaġaḋ, nó a cíall dinnisin don ríġ.

⁹ Annsin do ḃí an ríġ Belsassar ar na ḃuaiḋreaḋ go mór, agus daṫruiġ a ċruṫ uime, agus do ḃádar a ṫiġearnaḋa míoṡuáiṁneaċ.

¹⁰ ¶ Anois ṫáinic an ḃainríoġan do ḃriġ ḃríaṫar an ríġ agus a ṫiġearnaḋ go tiġ na fleiḋe: agus do laḃair an ḃainríoġan agus a duḃairt, A ríġ, mair go bráṫ: ná buáiḋreaḋ do smuáintiġṫe ṫú, agus ná háṫruiġeaḋ do ġnúis:

¹¹ Atá duine ann do rioġaċd, iona ḃfuil spiorad na ndée náoṁṫa; agus a láeṫiḃ haṫar, fríṫ solus agus tuicse agus eagna ann, cosṁuil ré heagna na ndée; noċ dá ndéarna an ríġ Nebuċadnessar haṫair, an ríġ, a deirim, haṫair, maiġistir ar na draóiṫiḃ, air na hastroluiġṫiḃ, air na Caldeánaċaiḃ, agus air na faistineaċaiḃ;

¹² Do ḃríġ gur fríṫ spiorad oirḋeirc, agus éolus, agus tuigsi, cialluġaḋ aislingṫeaḋ, agus taisbeanaḋ cceastanna ccruáiḋ, agus fúasclaḋ cuntaḃart annsa Dániel sin, dá ngoireaḋ an ríġ Beltesassar: a nois goirṫear Dániel, agus foillseoċuiḋ sé an ċíall.

¹³ Annsin rugaḋ Dániel a steaċ a laṫair an ríġ. Agus do laḃair an ríġ agus a duḃairt ré Dániel, An tusa an Dániel úd, noċ atá do ċlainn daóirsine Iúdah, noċ ṫug an ríġ mo aṫair as tír Iúduiġe?

¹⁴ Do ċúalaiḋ misi iomráḋ dot ṫaóiḃ, go ḃfuil spiorad na ndée ionnad, agus gur fríṫ solus agus tuicsi agus eagna oirḋeirc ionnad.

¹⁵ Agus anois tugaḋ na daóine glioca, agus na hastroluiġṫe a steaċ dom laṫairse, iondus go leiġdis an scríḃinnsi, agus a cíall dfoillsiuġaḋ ḋaṁ: aċt níorḟéadadar cíall an neiṫe dfoillsiuġaḋ:

¹⁶ Agus do ċúala mé dot ṫaoiḃsi, go ḃféudann tú cíalluġaḋ, agus fúasclaḋ ceastann: a nois má ḟéadann tú an scríḃinnsi do léaġaḋ, agus a cíall dinnisin daṁsa, éideoċar lé scáirléad ṫú, agus biáiḋ slaḃraḋ óir fád ḃráġaid, agus biáiḋ tú ad ṫreas úaċdarán annsa rioġaċt.

¹⁷ ¶ Annsin do ḟreagair Dániel agus a duḃairt a laṫair an ríġ, Bídís do ḃronta agad féin, agus taḃair do luáiġeaċd do neaċ oile; giḋeaḋ léiġfiodsa an scríḃinn don ríġ, agus foillseoċa mé a cíall dó.

¹⁸ Ṫusa a ríġ, ṫug an Día is ro áirde dot aṫair Nebuċadnessar rioġaċd, agus morḋaċd, agus glóir, agus onóir:

¹⁹ Agus do ḃríġ na mórḋaċda ṫug sé ḋó, do ċrioṫnuiġiodar a nuile ṗobal, cineaḋaċa, agus teangṫa, agus do ḃí eagla orra roiṁe: do ṁarḃaḋ sé an té do ṫograḋséféin; do ċongṁaḋ sé beo an tí do ṫograḋ sé; agus do ċuireaḋ sé súas an tí ṫograḋ; agus do ċuireaḋ sios an tí do báill leis.

²⁰ Aċt an tan tógḃaḋ a ċroiḋe súas, agus do ċruáiḋ a inntin a núaḃar, do cuireaḋ as a ċaṫaóir ríoġa é, agus do ḃeanadar a ġlóir ḋe:

²¹ Agus do díoṫċuireaḋ é ó ṁacaiḃ na ndaóine; agus do rinneaḋ a ċroiḋe cosṁuil ris na beaṫaċaiḃ, agus do ḃí a ċoṁnuiḋe a ḃfoċair na nassal ḃfíaḋta: do ḃíaṫadar é lé féur aṁuil daiṁ, agus do ḃí a ċorp fliuċ lé drúċt neiṁe; nó gur ṫuig sé gur bé an Día is ro áirde ríaġlas a rioġaċd na ndaóine, agus go nórduiġionn sé ós a ccionn an té is áill leis.

²² Agus ṫusa a ṁacsan, a Ḃelsassar, níor úṁluiġ tú do ċroiḋe, giḋ gur ḃfeas duit so uile;

²³ Aċt dárduiġis ṫú féin a naġaiḋ Ṫiġearna neiṁe; agus ṫugadar soiġṫiġe a ṫiġe ann ṫfíaġnuisi, agus diḃ tusa, agus do ṫiġearnaḋa, do ṁná, agus do leannáin, fíon asda; agus do ṁol tú na dée airgid, agus óir, práis, íaruinn, crainn, agus cloiċe, naċ ḃfaicionn, naċ ccluin, agus naċ feasaċ: agus ní ṫug tú glóir do Ḋía, a láiṁ a ḃfuil hanál, agus gur leis huile ṡliġṫe:

²⁴ Annsin do cuireaḋ an ċuid don láiṁ uáḋa, agus do scríoḃaḋ an scriḃinnsi.

²⁵ ¶ Agus sí so an scríḃinn do scríoḃaḋ, MENE, MENE, TECEL, UṖARSIN.

²⁶ Isí so cíall na ḃfocal: MENE; Dáiriṁ Día do rioġaċt, agus do ċríoċnuiġ sé í.

²⁷ TECEL; Do toiṁseaḋ ṫú annsa meaḋ, agus do fríṫ easḃuiḋeaċ ṫú.

²⁸ PERES; Do roinneaḋ do rioġaċd agus tugaḋ do na Medianaċaiḃ agus do na Persianaċaiḃ í.

²⁹ Annsin dfúagair Belsassar, agus déaduiġeadar Dániel le scáirléad, agus lé slaḃraḋ óir fá na ḃráġaid, agus ṫugadar fógra ḋa ṫaóiḃ, go mbíaḋ sé na ṫreas úaċdarán san rioġaċd.

³⁰ ¶ A noiḋċesin do marḃaḋ Belsassar ríġ na Ccaldeánaċ.

³¹ Agus do ġlac Dárius an Médianaċ an rioġaċd, ar mbeiṫ ḋó timċioll ṫrí ḃfiṫċid agus dá ḃlíaḋan daóis.