Ccolossianaċ 4 - An Bíobla Naoṁṫa 1817 (Bedell)

Caibidil IV Día do ġuiḋe arson na minisdreaḋ; agus siúḃal go haiṫreaċ fa ċóṁair na míċreidṁeaċa.

¹ A Ṁaiġisdriġe, déunuiḋ coir agus coṁṫrom ré ḃur searḃḟoġantuiġiḃ; ar mbeiṫ a ḟeasa aguiḃ go ḃfuil Maiġisdir aguiḃ féin mar an gcéudna ar neaṁ.

² Bíġiḋ búan a núrnuiġe, ag faire innte maille ré breiṫ ḃuiḋeaċais;

³ Ag úrnuiġṫe mar an gcéudna air ar soinne, ċum Dé dfosglaḋ ḋoruis na húrlaḃra ḋúinn, as go laiḃeóramis rúindíaṁair Ċríosd, tré a ḃfuilim fós a gcuiḃriġṫiḃ:

⁴ As go ḃfoillséoċuinn í, aṁuil as coir ḋaṁ láḃairt.

⁵ Siúḃluiḋ go héagnuiḋe a dtáoḃ na druinge atá a muíṫ, ar mbeiṫ ḋíḃ ag fúasglaḋ na haimsire.

⁶ Bíoḋ ḃur gcoṁráḋ do ġnáṫ grásaṁuil, ar na ṫumaḋ a salann, ionnas go mbíaḋ a ḟios aguiḃ cionnas as coir ḋíḃ gaċ áon do ḟreagra.

⁷ Foillséoċuiḋ Tiċicus, dearḃráṫair gráḋaċ agus minisdir díleas, agus cóṁṡearḃḟoġantúiḋe sa Dtíġearna, mo ċórsa uile ḋíḃ:

⁸ Noċ do ċuir mé ċuguiḃ fá a náḋḃar ċéudna, ionnus go mbíaḋ a ḟios aige créd as cor ḋaóiḃ, agus go dtiuḃraḋ furtaċd da ḃur gcróiḋṫiḃse;

⁹ Má ráon ré Honesimus déarḃráṫair díleas gráḋaċ, noċ as díḃ féin. Foillséoċuid ḋíḃ na huile neiṫe atá ann so.

¹⁰ Cuiriḋ Aristarċus mo ċóiṁṗríosúnaċ beaṫa agus sláinte ċuguiḃ, agus Marcus, bráṫair Ḃárnabais, agá ḃfúaraḃair áiṫeanta ḋá ṫáoḃ: má ṫig sé ċuguiḃ, gaḃuiḋ leis;

¹¹ Agus Iósa, da ngoirṫear Iustus, noċ as don timċillġearraḋ, A síad aṁáin mo luċd cúngantasa do ċum ríoġaċda Dé, agus a síad bá ḟurtaċd daṁ.

¹² Cuiriḋ Epaṗras, searḃḟoġantuiḋe Ċríosd, noċ is díḃ féin, beannaċd ċuguiḃ, ag déunaṁ sbárna do ṡíor a núrnuiġiḃ ar ḃur son, ċum seasda ḋíḃ go diongṁálta agus líonta a nuile ṫoil Dé.

¹³ Oír do ním dfíaḋnuise ris, go ḃfuil teasgráḋ aige ḋíḃse, agus do luċd Laodicéa, agus do luċd Híerapólis.

¹⁴ Cuiriḋ Lucás, an liáiġ gráḋaċ, agus Démas, beannaċd ċuguiḃ.

¹⁵ Beiriḋ beannaċd ċum na ndearḃráṫar atá a Laodicéa, agus ċum Nimṗáis, agus ċum na heagluise atá ann a ṫiġ.

¹⁶ Agus an tan léiġfiġṫear a neipisdilse eadruiḃ, tuguiḋ fé deara a léaġaḋ mar an gcéudna a neagluis na Laodicéanaċ; agus léiġiḋse fós a neipisdil ó Laodicéa.

¹⁷ Agus abruiḋ ré Harċippus, Taḃair haire leaċd fán miniosdrálaċd fuáir tú sa Dtíġearna, do ċoiṁlíonaḋ.

¹⁸ Beaṫa agus slainte ċugaiḃ ré mo láiṁse Pól. Bíoḋ cuíṁne aguiḃ arm o ġéiṁleaċuiḃ. Grása maille riḃ. Amén.