Caintic Ṡolaiṁ 1 - An Bíobla Naoṁṫa 1817 (Bedell)

Caibidil I. Ar eaċd ḟioġarḋa, at a malairt ġráḋa Ċriosd don eagluise, (no do nanam ġlan;) agus a ngráḋ sin dósan fa seaċ, ar ná ṫaisbeineaḋ.

¹ Caintic na ccainticeaḋ, noċ is lé Solaṁ.

² Pógaḋ sé misi lé póguiḃ a ḃéil: óir is féarr do ġráḋ ná fíon.

³ Do ḃríġ deaġḃoluiḋ huinnimeinte maiṫe is cosṁuil hainm ré ola dóirte amaċ, uimesin gráḋuiġid na maiġdiona ṫú.

⁴ Tarruing misi, rioṫfam ad ḋiáiġ: ṫug an ríġ ḋá ṡeomraḋuiḃ mé: biáiḋ lúaṫġáire oruinn agus do ḋéanam gáirdeaċus ionnadsa, agus cuiṁneoċum do ġráḋ nísa ṁó na fíon: is ionṁuin leis an ḃfírean ṫú.

⁵ ¶ Atáimse duḃ, aċt sgíaṁaċ, ó a inġeana Ierusálem, aṁuil páillíun Cédair, aṁuil cúirtíne Ṡoluiṁ.

⁶ Ná féuċuiḋ orumsa, do ḃríġ go ḃfuilim duḃ, do ċionn gur ḟéuċ an ġrían orum: do ḃádar clann mo ṁaṫar feargaċ riom; do rinneadar coiṁéaduiġ a luḃġoirt ḟíneaṁna ḋíomsa; aċt níor ċoiṁéad mé mfineaṁuin féin.

⁷ ¶ Innis daṁ, ṫusa air a ḃfuil gráḋ ag manam, cáit a ninġiltinn tú, cá háit a suáiṁniġionn tú do ṫreád san meaḋón laói: óir cred as a mbéinnsi mar áon diompoċaḋ do leaṫtaóiḃ láiṁ ré tréaduiḃ do ċompánaċ?

⁸ ¶ Muna ḃfeidirse, ó ṫusa is scíaṁċa a measg na mban, imṫiġ roṁad amaċ le coiscéimiḃ an tréada, agus beaṫaiḋ do ṁeannáin a ḃfoċair ṗáillíun na náoḋaireaḋ.

⁹ ¶ Do ċoiṁmeas mé ṫú, O a ġráḋ, ré cuideaċtuin ṁarcaċ a ccarbaduiḃ Ṗárao.

¹⁰ Is breáġḋa do ġruáiḋe lé peirsiḃ séud, do ṁuinéal lé slaḃraḋuiḃ óir.

¹¹ ¶ Do ḋéanamne imle ór ḋuit maille lé fulangaiḃ airgid.

¹² ¶ An feaḋ ḃias an ríġ na ṡuiġe air a ḃórd, cuiriḋ mo spiocnard a ḃolaḋ uaḋa.

¹³ Is ceanglaċán mirr ḋaṁsa mo ġráḋ; luiġtiḋ sé air feaḋ na hoiḋċe idir mo ċioċuiḃ.

¹⁴ Atá mo ġráḋ ḋaṁsa aṁail triopall camṗir a ḃfineaṁuin Engedi.

¹⁵ Féuċ, atá tú sgíaṁaċ, a ġráḋ; féuċ, atá tú scíaṁaċ; atáid súile coluim agad.

¹⁶ Féuċ, atá tú breáġa, a ġráḋ, agus, taitneaṁaċ: atá fós ar leabuiḋ glas.

¹⁷ Is cedair gaḃla ar ttiġe, agus is do ġiuṁas ar ttáoḃáin.