Breiṫeaṁuin 8 - An Bíobla Naoṁṫa 1817 (Bedell)

Caibidil VIII. Fearg ċloinne Eṗraim ré Gideon ar na cur far ccúl. 24 An coṁarṫa buaġṁur na ċeap tuisliḋ don ṗobal.

¹ Agus a duḃradar fir Eṗraim ris, Créd é an ní so do rinne tú oruinn, naċ ar ġoir tú oruinn, a núair do ṫroid tú ris na Mídianuiḃ? Agus do ċáineadar é gó géar.

² Agus a duḃairt séision riú, Cred do rinne mé a nois a gcoiṁṁeas riḃsi? a né naċ fearr dioġluim ċáor Eṗraim nó cruinniuġaḋ iomlán ċáor Abieser?

³ Ṫug Día ann ḃur láṁuiḃsi prionnsuiḋe Ṁídian, Oreb agus Seeb: agus cred do ḟéad misi ḋéanaṁ a gcomóraḋ riḃse? Annsin do laġduiġeaḋ a ḃfearg ris, a núair a duḃairt se sin.

⁴ ¶ Agus táinic Gideon go Iordan, agus do ċuáiḋ sé ṫairis, é féin, agus na trí ċéad fear do ḃí na ḟoohair, agus íad curṫa, giḋeaḋ dá leanṁuinsion.

⁵ Agus a duḃairt sé ré muinntir Ṡuccot, Guiḋim siḃ, tugaiḋ, bairġiona aráin, don ṁuinntir leanus mé, óir atáid síad curṫa, agus atáim ag tóruiġeaċd a ndiaiġ Ṡébah agus Ṡalmunna, riġṫe Mídian.

⁶ Agus a duḃradar prionnsuiḋe Ṡuccot, An ḃfuilid láṁa Ṡébah agus Ṡalmunna anois ad láiṁsi, as a ttiuḃramáois aran dot ṡlúáġ.

⁷ Agus a duḃairt Gideon, Uimesin a nuair ḃéaras an TIĠEARNA Sébah agus Salmunna am láiṁsi, annsin réabfa mé ḃur ḃtéoilse le dealguiḃ, agus lé dreasuiḃ an nfásuiġ.

⁸ Agus do ċuáiḋ sé súas as sin go Penuel, agus do laḃair ríu mar an ccéadna: agus do ḟreagradar muinntir Ṗenuel é, mar do ḟreagradar muinntir Ṡuccot.

⁹ Agus do laḃair sé mar an gcéadna ré muinntir Ṗenuel, ġá ráḋ, A nuáir ṫiocfas mé a rís a síoṫċáin, brisfe mé an torso síos.

¹⁰ ¶ Anois do ḃí Sébah agus Salmunna ann Carcor, agus a slúaġ na ḃfoċair, timċioll ċúig mile déag fear, an ṁéid do fágḃaḋ do ṡlúaġuiḃ ċloinne a noirṫir uile: óir do ṫuit díoḃ céad ar ḟiṫċid míle féar do ṫarruing cloiḋeaṁ.

¹¹ Agus do ċuáiḋ Gideon súas ansa tsliġe láiṁ ris an luċd aitreaḃus a lóistinniḃ ar an ttáoiḃ ṡoir do Nóbah agus do Iogbehah, agus do ḃúail sé an slúaġ: óir do ḃí an slúaġ neaṁċoiṁeadaċ.

¹² Agus a nuáir do ṫeiṫ Seba agus Salmunna, do lean sé íad, agus do ġaḃ sé ḋá ríġ Mídian, Sébah agus Salmunna, agus do ċlaóiḋ sé an slúaġ uile.

¹³ ¶ Agus díompóiġ Gideon ṁac Ioas ón ċaṫ suil do éiríġ grían.

¹⁴ Agus rug sé ar ogánaċ do ṁuinntir Ṡuccot, agus dfíafruiġ scéula ḋe: agus do scríoḃ sé ḋó prionnsuiḋe Ṡuccot, agus a sinnsir, eaḋon seaċd ḃfir ḋéug ar ṫrí fiṫċid.

¹⁵ Agus ṫainic sé go muinntir Ṡuccot, agus a duḃairt, Féaċuiḋ Sébah agus Salmunna, le ndearnaḃair maóiḋeaṁ orumsa, ḋa ráḋ, An ḃfuilid láṁa Ṡébah agus Ṡalmuana a nois ann do láiṁsi, as a ttiuḃramaóisne arán dot ṁuinntir atá curṫa?

¹⁶ Agus do ġlac sé sinnsir na caiṫreaċ, agus droiġion an nfásaiġ agus driséoga, agus do ṁúin sé muinntir Ṡuccot léo sin.

¹⁷ Agus do ḃris sé síos tor Ṗenuel, agus do ṁarḃ sé muinntir na caiṫreaċ.

¹⁸ ¶ Ann sin a duḃairt seision re Sébah agus re Salmunna, Cred an tsaṁuil ḋaoine an luċd do ṁarḃaḃair a Ttábor? Agus do ḟreagradarsan, Mar atá tusa, is marsin do ḃádarsion; gaċ aon díoḃ a ccosaṁlaċd ċloinne ríġ.

¹⁹ Agus a duḃairt seision, Dob iadsin mo ḋearḃráiṫresi, mic mo ṁaṫar: martá an TIĠEARNA beó, da saḃálaḋ siḃ béo íad sin, ní ṁairfinnsi siḃsi.

²⁰ Agus a duḃairt seision le Ieter a ċéaidġin, Eiriġ súas, marḃ íad. Aċ nior ṫarruing an tóganaċ a ċloiḋioṁ: óir do ḃí eagla air, do ḃríġ go raiḃ fós na ógánaċ.

²¹ Annsin a duḃairt Sébah agus Salmunna, Eiriġ fein, agus leig oirinn: óir mar ḃios an duine, is mar sin ḃíos a neart. Agus déiriġ Gideon, agus do ṁarḃ Sébah agus Salmunna, agus rug leis na neiṫe deaġṁaiseaċa do ḃí ar ḃraiġdiḃ a ccáṁall.

²² ¶ Ann sin a duḃradar muinntir Israel ré Gidéon, Riaġluiḋsi ós ar ccionne, araon ṫú féin, agus do ṁac, agus mac do ṁic mar an gcéadna: óir do ṡáor tú sinn ó láiṁ Ṁídian.

²³ Agus a duḃairt Gideon ríu, Ní ríaġloċuiḋ misi ós ḃur gcionn, ní mó riaġloċus mo ṁac ós ḃur gcionn: sé an TIĠEARNA ríaġloċus ós ḃur ccionn.

²⁴ Agus a duḃairt Gideon ríu, Díarrfuinn impiḋe oruiḃ, go ttugaḋ gaċ áon aguiḃ ḋaṁ clúasḟáinniḋe a éadála. Oir do ḃádar cluasḟainniḋe órḋa aca, do ċionn gur buḋ Ismaelítiġ íad.

²⁵ Agus do ḟreagradarsan é ġá ráḋ, Do ḃéarum uainn íad go toilteanaċ. Agus do ṡíneadar éadaċ, agus do ṫeilgeadar ann gaċ aon fa leiṫ cluasḟáinniḋe a éadala.

²⁶ Agus dob é coṁṫrom na cclúasḟáinneaḋ óir díar sé orra míle agus seaċd gcéad secel óir; táoḃ amuiġ do ḋeaġṁaisiġiḃ, agus do ċoiléuruiḃ, agus déadaċ purpúir noċ do ḃí ar ríġṫiḃ Mídian, agus taoḃ amuiġ do na slaḃraġuiḃ do ḃí fa ḃraiġdiḃ a gcáṁall.

²⁷ Agus do rinne Gídeon eṗod de sin, agus do ċuir é ann a ċaṫair féin, an Oṗrah: agus do ċuáiḋ Israel uile annsin do striopaċas na ḋiáiġ: ṫáinic an ní sin na ḋul do Ġideon, agus dá ṫiġ.

²⁸ ¶ Is mar so do cláioḋeaḋ Mídian roiṁe ċloinn Israel, ionnus nár ṫógḃadar a gcionn ní sa ṁó. Agus do ḃí an tír go socair ceaṫraċad bliáḋan a láeṫiḃ Ġideon.

²⁹ ¶ Agus do ċuáiḋ Ierubbaal ṁac Ioas agus do áitreiḃ ann a ṫiġ féin.

³⁰ Agus do ḃí deiṫneaṁar agus trí fiṫċid mac ag Gideon geineaḋ dá ċorp féin: óir do ḃádar mórán ban aige.

³¹ Agus rug a leannán fós do ḃí a Seċem mac ḋó, ar a ttug sé Abimeleċ dainm.

³² ¶ Agus déug Gideon ṁac Ioas a naóis ṁaiṫ ḟoirfe, agus do haḋlaiceaḋ é a ttuama Ióas a aṫar, ann Oṗrah na Nabi‐esríteaċ.

³³ Agus tárla, coṁluaṫ agus déug Gideon, gur iompóiġeadar clann Israel a ris, agus go ndeaċadar do stríapaċus ag leanṁuin Ḃaalim, agus do rinneadar día ḋóiḃ féin do Ḃaal‐berit.

³⁴ Agus níor ċuiṁniġeadar clann Israel air a TTIĠEARNA Día, noċ do ṡáor íad as láṁuiḃ a uáṁad uile ann gaċ uile ṫáoḃ:

³⁵ Agus ní mó do ṫaísbeanadar cinéul do ṫiġ Ierubbaal, dar ḃainm, Gideon, do réir gaċ maiṫeasa dar ṫaisbein sé Disrael.