Breiṫeaṁuin 7 - An Bíobla Naoṁṫa 1817 (Bedell)

Caibidil VII. Slóġ Iosua 32000. 16 Ar ccaiṫeaṁ inntleaċd ar na Midianaċaiḃ, do ḃuaġaiġ sé orra.

¹ Ann sin do éiriġ súas Ierubbaal, sé sin Gideon, agus an pobal do ḃí na ḟoċair, go moċ, agus do ṡuiġeadar láiṁ re tobar Hárod: ionnus go raiḃ slúaiġ na Mídianaċ don táoḃ ṫuáiġ ḋíoḃ, láiṁ re cnoc Móreh annsa ġleann.

² Agus a duḃairt an TIĠEARNA ré Gideon, Atáid na daóinesi ad ḟoċairsi ro iomadaṁuil ḋaṁsa re ṫabairt na Midianaċ ann a láṁuiḃ, deagla go mbeiṫ úaḃar ar Israel am aġaiḋsi, ġa ráḋ, Sí mo láṁ féin do ṫárrṫuiġ mé.

³ Anois ar a náḋḃarsin tiomáin ort, fúagair a gcluasuiḃ na ndaóineaḋ, ġa ráḋ, Giḋ bé air a ḃfuil uaṁan nó eagla, filleaḋ sé agus imṫiġeaḋ go moċ ó ṡliaḃ Gílead. Agus do ḟill annsin do ṗobal, ḋá ṁile agus fiṫċe; agus dfanadar deiċ míle.

⁴ Agus a duḃairt an TIĠEARNA ré Gideon, Atáid an slúaġ ro líonṁar fós; taḃair leaċd síos iad ċum a nuisge, agus teisteoċadsa annsin duit íad: agus is aṁluiġ ḃías, giḋ bé ar a ndéara misi, Imṫiġeaḋ an fearsa leaċd, raċuíḋ an fearsin leaċd; agus giḋ bé ar a ndeara mé, Ná himṫiġeaḋ an fearsa leaohd, ní raċuiḋ an fearsin leaċd.

⁵ Marsin ṫug sé a núas na daóine ċum a nuisge: agus a duḃairt an TIĠEARNA ré Gideon, Gaċ áon dá liġfiḋ súas an tuisge le na ṫeangaiḋ, mar do ḋéanaḋ madraḋ, cuirfe tú an té sin ar leiṫ; mar an gcéadna gaċ aon dá ccromann síos ar a ġlúiniḃ dól diġe.

⁶ Agus uiḃir na ndáoine do liġ, ag cur a láiṁe ċum a mbeóil, bá trí ċead fear: aċd an ċuid eile uile don ṗobal do ċromadar síos ar a nglúiniḃ dól uisge.

⁷ Agus a duḃairt an TIĠEARNA ré Gideon, Is leis na trí ċéud fear do liġ súas an tuisge ṫárrṫoċus mé siḃ, agus ṫoirḃeorus mé na Midianuiġ ann do láiṁ: agus imṫiġeaḋ cáċ uile gaċ áon díoḃ dá ait féin.

⁸ Mar sin do rug an pobal lónn léo iona láṁuiḃ, agus a stuic: agus do ċuir sé an ċuid eile Disrael gaċ áon díoḃ dá lóistín, agus do ċongḃuiġ na trí ċéad fearsin: agus do ḃí slúaġ Ṁídian táoḃ ṡíos dioḃ annsa ġleann.

⁹ ¶ Agus tárla a noiḋċe sin féin, go ndúḃairt an TIĠEARNA ris, Eiriġ, síos, a gcionn an tslóiġ; óir ṫug misi ad láiṁ é.

¹⁰ Aċ má ḃíonn eagla ort dul síos, éiriġ le Ṗúrah do ṡeirḃiseaċ síos ċum an tslóiġ:

¹¹ Agus cluinfiḋ tú cred a déaruid síad; agus na ḋiáiġ sin neartoċar do láṁa do ḋul síos ċum an tslóiġ. Annsin do ċuáiḋ sé síos lé Ṗurah a ṡearḃfoġantuiġ gus an gcuid amuiġ do na daoiniḃ armṫa do ḃí san tslúaġ.

¹² Agus do ḃadar na Mídianuiġ agus na Hamalecitiġ agus clann a noirṫir uile ar feaḋ an ġleanna aṁuil ḋorsain ar líonṁaireaċd; agus do ḃádar a gcáṁuill dóáirṁiġ mar an ngaineaṁ ar ṫráiġ na fairge ar iomadaṁlaċd.

¹³ Agus a nuáir ṫáinic Gideon, féuċ, do ḃí duine dinnis aisling ḋa ċumpánaċ, agus a duḃairt, Féaċ, do ċonnairc me aisling, agus, féaċ, ṫáinic bairġin dáran eórna a measc ṡluáiġ Ṁídian, agus ṫainic go páillíun áiriġ, agus do ḃuáil é nó gur ṫuit sé, agus do ṫeilg bun ós cionn é, gur ṡín an paillion ar a ḟaide.

¹⁴ Agus do ḟreagair a ċompánaċ é, agus a duḃairt, Ni ní ar biṫ oile so aċ cloiḋioṁ Ġideon ṁic Ióas, duine do Israel: óir ṫug Día Mídian iona láiṁ, agus an slúaġ uile.

¹⁵ Agus is aṁluiġ do ḃí a nuáir do ċúala Gideon innísin na haislinge, agus a heidirṁíniuġaḋ, go ndearna aḋraḋ, agus gur iompóiġ go slúaġ Israel, agus go nduḃairt, Eirġiḋe; óir ṫug an TIĠEARNA slúaġ Ṁídian an ḃur láiṁ.

¹⁶ ¶ Agus do roinn sé na trí ċéad fear a ttrí ccuideaċduiḃ, agus do ċuir stoc a láiṁ gaċ áonduine, maille re soiṫiġiḃ folṁa, agus loċranaḋ annsna soiṫiġiḃ.

¹⁷ Agus a duḃairt sé ríu, Féaċuiḋ ormsa, agus déanuiḋ mar an gcéadna: agus, féaċ, a nuáir ṫiocfas mé táoḃ amuiġ don ċampa, is aṁluiġ ḃías, mar do ḋéana misi, is mar sin do ḋéantaoise.

¹⁸ A nuáir ṡéidfios misi stoc, mé féin agus a ḃfuil am ḟoċair, ann sin séidiġsi na stuic mar an gcéadna ar gaċ uile ṫáoḃ don ċampa, agus abraiḋ, Cloiḋioṁ an TIĠEARNA agus Ġideon.

¹⁹ ¶ Marsin ṫainic Gideon, agus an céad fir do ḃí na ḟoċair, don táoḃ amuiġ don ċampa a ttosaċ na faire meaḋonuiġ; agus ní mó ná gairid roiṁe do ċuireadar a nfaire amaċ: agus do ṡéidiodar na stoic, agus do brisiodar na soiṫiġe do ḃí na láṁuiḃ.

²⁰ Agus do ṡéideadar na trí ċuideaċda na stuic, agus do ḃrisiodar na soiṫiġe, agus do ċongṁadar na loċranaḋa iona láṁuiḃ clé, agus na stuic íona láṁuiḃ deasa ċum séidṫe: agus do ġáireadar, Cloiḋeaṁ an TIĠEARNA, agus Ġídeon.

²¹ Agus do ṡeas gaċ éanduine na áit féin timċioll an ċampa; agus do riṫiodar an slúaġ uile, agus do éiġṁiodar, agus do ṫeiṫiodar.

²² Agus do ṡéidiodar na trí ċéad na stuic, agus diompóiġ an TIĠEARNA cloiḋioṁ gaċ éan duine ḋíoḃ a naġaiḋ a ċumpánuiġ, ar fad an tslúaġ uile: agus do ṫeiṫ an slúaġ go Betsitah ann Sererat, agus go teóruinn Abel‐meholah, go nuige Tabbat.

²³ Agus do ċruinniġeadar muinntir Israel íad féín a ccionn a ċeile as Naṗtali, agus as Aser, agus as Ṁanasseh uile, agus do leanadar a ndíaiġ na Midianaċ.

²⁴ ¶ Agus dó ċuir Gideon teaċda ar feaḋ ṡléiḃe Eṗraim, ġa ráḋ, Tigiḋ a núas a naġaiḋ na Mídianaċ, agus gaḃuiḃ rompa na huisgiḋe go Bet‐barah agus go Iordan. Ann sin do ċruinniġeadar muinntir Eṗraim íad féin a cceann a ċéile, agus do ġaḃadar na huisgiḋe go Bet‐barah, agus go Iordan.

²⁵ Agus do ġaḃadar días do ṗrionnsaḋaiḃ na Mídianaċ, Oreb agus Seeb; agus do ṁarḃadar Oreb ar ċarruic Oreb, agus do ṁarḃadar Seeb a ccantáoir ḟíona Ṡeeb, agus do leanadar Midian, agus tugadar cinn Oreb agus Ṡeeb leó go Gideon don taoiḃ oile do Iordan.