Breiṫeaṁuin 1 - An Bíobla Naoṁṫa 1817 (Bedell)

Caibidil I. Inṁe agus úaċdranaċd ṫreiḃ Iudah agus Ṡimeon.

¹ Anois tar éis ḃáis Iosua tárla, gur ḟiafruiġeadar clann Israel don TIĠEARNA, ḋá raḋ, Ciá raċus uainn a naġaiḋ na Gcanaaníteaċ ar tús, do ṫroid na naġaiḋ?

² Agus a duḃairt an TIĠEARNA, Raċaiḋ Iúdah súas: féaċ, ṫug mé an tir ann a laiṁsion.

³ Agus a duḃairt Iúdah re Símeon a ḋearḃraṫair, Tárr súas liomsa ann mo ċuid crannċair, ċor go ttroidfiom a naġaiḋ na Gcanaaníteaċ; agus raċa misi leaċdsa már an gcéadna ann do ċuid crannċairse. Mar sin do ċúaiḋ Símeon leis.

⁴ Agus do ċúaiḋ Iudah súas; agus ṫug an TIĠEARNA na Canaanítiġ agus na Perísitiġ ann a láṁuiḃ: agus do ṁarḃadár ḋíoḃ a Mbésec deiċ míle fear.

⁵ Agus fuáradar Adonibesec a Mbéser; agus do ṫroideadar na aġaiḋ, agus do ṁarḃadar na Canaanítiġ agus na Perisitiġ.

⁶ Aċ do ṫéiṫ Adonibésec; agus do leanadar é, agus rugadar air, agus do ġearradar ordóga a láṁ agus a ċos de.

⁷ Agus a duḃairt Adonibésec, Trí fiċṫid agus deiċ ríġ dar beanaḋ ordóga a láṁ agus a gcos dioḃ, do ċruinniġeadar a mbíaḋ fáoi mo ḃórdsa: mar do rinne misi, is mar sin ṫug Día dioġaltas orm. Agus ṫugadar leó é go Hierusalem, agus fúair sé bás ann sin.

⁸ ¶ Annois do ṫroideadar mic Iúdah a naġaiḋ Ierusalem, agus do ġaḃadar í, agus do ḃúaileadar í le fáoḃar an ċloiḋiṁ, agus do ċiureadar an ċaṫair tré ṫeiniḋ.

⁹ Agus na ḋiáiġ sin do ċuádar clann Iúdah síos do ṫroid a naġaiḋ na Gcanaaníteaċ, noċ do áitreiḃ annsa tslíaḃ, agus an táoḃ ó ḋeas, agus annsa ġleann.

¹⁰ ¶ Agus do ċuáiḋ Iúdah a naġaiḋ na Gcanaaníteaċ do áitreiḃ ann Hébron (annois do bé Círiat‐arba ainm Hebron roiṁe so:) agus do ṁarḃadar Sesai, agus Ahíman, agus Talmai.

¹¹ ¶ Agus as sin do ċuáiḋ sé a naġaiḋ áitreaḃaċ Debir: (agus Ciriatseṗer dob ainm roiṁesin do Ḋebir:)

¹² Agus a duḃairt Cáleb, An té ċláoiḋfios Ciriat‐seṗer, agus ġéaḃus í, is dósin do ḃéara mé Aċsa minġion na mnáoi.

¹³ Agus do ġaḃ Otníel ṁac Ceras, an dearḃraṫair dob oíge ag Caleb an ċaṫair: agus ṫug sé ḋó Aċsah a inġean na mnáoi.

¹⁴ Agus tárlá, a nuáir ṫáinic sí ċuige, go ttug sí air fearann díarruiḋ air a haṫair: agus do ṫuirling sí dá hassal; agus a duḃáirt Cáleb ría, Créd as áill leaċd?

¹⁵ Agus a duḃairt sisi ris, Taḃair beannaċd ḋaṁ: óir ṫug tú fearann tirim ḋaṁ; taḃair ḋaṁ mar an gcéadna sruṫáin uisge. Agus ṫug Caleb ḋi na toibreaċa úaċdaraċ agus na toibreaċa íoċdaraċ.

¹⁶ ¶ Agus do ċuádar clann Ċenitiġ, aṫair ṁna Ṁáoise, as caṫruiġ na ccrann pailme súas maráon ré cloinn Iúdah go fásaċ Iúdah, nóċ atá don táoḃ ó ḋeas do Arad; agus do ċúadar agus do ċoṁnuiġeadar a measc na ndaoine.

¹⁷ ¶ Agus do ċuáiḋ Iúdah le Símeon a ḋearḃraṫair, agus do ṁarḃadar na Canaanítiġ noċ do áitreiḃ a Séṗat, agus do scrios í go hiomlán. (Agus sé dob ainm don ċaṫruiġ Hormah.)

¹⁸ Mar an ccéadna do ġaḃ Iudah Gása maille re na cósduiḃ, agus Ascelon maille re na cóstuiḃ, agus Ecron maille re na cóstuiḃ.

¹⁹ Agus do ḃí an TIĠEARNA re Iúdah; agus do ḋíbir sé amaċ áitreaḃuiġ an tsléiḃe; aċd níor ḟéad sé áitreaḃuiġ an ġleanna do ḋíbirt, do ċionn go raiḃ carbuid íaruinn aca.

²⁰ Agus tugadar Hebron do Ċaleb, mar a duḃairt Máoise: agus do ḋíbir sé as sin trí mic Anac.

²¹ ¶ Agus nír ḋibriodar clann Ḃeniamin na Iebusítiġ do áitreiḃ ann Ierusalem; aċd dfanadar na Iebusitiġ a ḃfoċair ċloinne Beniamin gus a niuġ ánn Ierusalem.

²² ¶ Agus tiġ Ioseṗ, do ċúadarsan súas mar an gcéadna a naġaiḋ Ḃetel: agus do ḃí an TIĠEARNA maille riú.

²³ Agus do ċuir tiġ Ioseṗ luċd braṫa ar Ḃetel. (Annois ba Lus ainm na eaíṫreaċ roiṁe sin.)

²⁴ Agus do ċonncadar an luċd braṫa duine ag teaċd amaċ as an gcaṫruiġ, agus a duḃradar ris, Guiḋmid ṫú, taisbéin dúinn, sliġe ḋul a steaċ na caiṫreaċsa, agus do ḋéanam trócaire ort.

²⁵ Agus a núair do ṫaisbéin sé ḋóiḃ sliġe ḋul a steaċ na caiṫreaċ, do ḃuaileadar an ċaṫair le fáoḃar an ċloiḋiṁ; aċd do leígiodar an fearsin as agus muinntir a ṫiġe uile.

²⁶ Agus do ċúaiḋ an tóglaċ go dúiṫċe na Hititeaċ, agus do ṫóg caṫair, agus do ġoir Lus dainm ḋi: sé sin is ainm ḋi gus a niuġ.

²⁷ ¶ Ní mó do ḋíbir Manasseh áitreaḃuiġ Ḃetsean agus a bailteaḋ, ná Táanaċ agus a bailteaḋ, ná áitreaḃuiġ Dor agus a bailteaḋ, ná áitreaḃuiġ Ibleam agus a bailteaḋ, ná áitreaḃuiġ Ṁegiddo agus a bailteaḋ: aċd ba mían leis na Canaanítiḃ coṁnuiġe san tír sin.

²⁸ Aċ tárla, a núair do ḃí Israel láidir, gur ċuireadar na Canaanítiġ fa ċíos, agus nar ḋíbriodar ṫríd amaċ íad.

²⁹ ¶ Mar an ccéadna nior ċuir Eṗraim amaċ na Canaanítiġ noċ do áitreiḃ ann Géser; aċd do áiṫreaḃadair na Canaanítiġ an Gesér na meascsan.

³⁰ ¶ Agus níorḋíbir Sebulun áitreaḃuiġ Ċítron, nó áitreaḃuiġ Nahalol; aċd do ċoṁnuiġeadar na Canaanítiġ na measc san, agus tangadar fa ċíos dóiḃ.

³¹ ¶ Ní mó do ḋibir Aser áitreaḃuiġ Acċo, nó áitreaḃuiġ Sídon, nó Ahlah, nó Aċsib, nó Helbah, no Aṗic, nó Réhob:

³² Aċ do ċoṁnuiġeadar na Haseritiġ a measc na Gcanaaníteaċ, áitreaḃuiġ an nfearuinn: óir níor ḋíbriodar amaċ iad.

³³ ¶ Ni mó do ḋíbir Naṗtali áitreaḃuiġ Ḃet‐semes, no áitreaḃaiġ Ḃetanat; aċd do áitriḃ sé a measc na Ccanaaníteaċ, áitreaḃúiġ an nfearuinn: giḋeaḋ do ḃádair aítreaḃaiġ Ḃet‐semes agus Ḃet‐anat fá ċíos dóiḃ.

³⁴ ¶ Agus do ċoiṁéigníġeadar na Hámorítiġ clánn Dan do ċoṁnuiġe san tsliaḃ: óir níor ḟuilingiodar ḋóiḃ teaċd a núas annsa ġleann:

³⁵ Aċ ba mían leis na Hamorítiḃ áitreaḃ do ḋéanaṁ a slíaḃ Héres ann Aialon, agus a Sealbim: giḋeaḋ rugadar láṁa ṫiġe Ioseṗ búaiḋ, ionnus go dtangadar fa ċíos dóiḃ.

³⁶ Agus do bé teóra na Namoriteaċ ó árd Acrabbim, ón ccaruig, agus ó sin súas.