Ḃfilippiánaċ 3 - An Bíobla Naoṁṫa 1817 (Bedell)

Caibidil III Bíoḋ gur ċoiṁed Pól an dliġe tar ċáċ, nior ṫáoḃ sé ris; aċd ṁeasaḋ na ḋioġḃuil é, agus gaċ éinní eile arson Ċríosd do ṫarḃuġaḋ.

¹ Tuilleaḋ eile, a ḋearḃraiṫre, déunuiḋ gáirdeaċas sa Dtíġearna. Go deiṁin ní léisg leam na neiṫer céudna do sgríoḃaḋ ċuguiḃ, agus as ní saḃálta ḋíḃse é.

² Coiṁéuduiġ siḃ féin ar ṁadruiġiḃ, coiṁéuduiġ siḃ féin ar ḋroċluċd oibre, coiṁéuduiġ siḃ féin ar an gcoiṁġearraḋ.

³ Oír as sinne an timċillġearraḋ, noċ do ní seirḃís do Ḋía a sbíoruid, agus do ní gáirdeaċas a Níosa Críosd, agus naċ ccuireann ar muiniġin sa ḃfeóil.

⁴ Bíoḋ gur féidir leamsa fós ḃeiṫ muiniġineaċ as an ḃfeóil. Má ṡaóileann éinneaċ eile go ḃféudann sé muiniġin do ċur sa ḃfeóil, as mó ná sin ḟéudaimsa:

⁵ Ar mbeiṫ ḋaṁ timċillġearrṫa an toċdṁaḋ lá, do ċineaḋ Isráel, do ṫreiḃ Ḃeniamin, am Eaḃraiḋe do na Heaḃruiġiḃ, am Ḟairísineaċ, do réir an reaċda;

⁶ Ré hiomad gráḋa, do rinne mé gérleanṁuin air a neagluid; do réir an ċeirt atá sa réaċd, do ḃí mé neiṁċiontaċ.

⁷ Aċd na neiṫe do ḃí na néudáil agam, do ṁeas mé gur ḋioġḃáil íad ar son Ċríosd.

⁸ Agus fós go deiṁin, measuim gur dioġḃáil na huile neiṫe, ar son éolais ro oirḋeirc Iósa Críosd mo Ṫiġearna: agar léig mé ḋíom na huile neiṫe ar a ṡon, agus measuim naċ ḃfuil ionnta aċd aóileaċ, ionnus go ngnoḋaċuinn Críosd,

⁹ Agus go ḃfuiġṫí annsan mé, gan ḃeiṫ dom ḟiréunntaċd féin, ṫig ón reaċd agám, aċd a nḟiréuntaċd ṫig tré ċréideaṁ Ċriosd, an ḟíréuntaċd atá ó Ḋía tré ċreideaṁ:

¹⁰ Ionnus go mbíaḋ aiṫne agum airsion, agus ar ċúṁaċd a eiséirġe, agus ar ċumann a ṗeannuiḋe, ar mbeiṫ ḋaṁ dom ċur a gcosaṁlaċd ċroṫa ré na ḃás;

¹¹ Dá ḟéuċain an dtiucfaḋ ḋíom ar éunċor roċdain go heiséirġe na marḃ.

¹² Ní hé go ráinic mé ċeana, nó go ḃfuilim fos ar dteaċd ċum críċe: aċd atáim ag rioṫ, dféuċain an dtiucfaḋ ḋíom fós breiṫ uirrṫe do ḃríġ go rugaḋ oram ċeana ré Iósa Críosd.

¹³ A ḋearḃráiṫre, ní ṁeasuim gur rug mé fós uirrṫe: aċd do ním éinní aṁáín, ar mbeiṫ ḋaṁ ag dearmad na neiṫeann atá arm o ċúl, agus ag déunaṁ mo ḋíṫċill ċum na neiṫeann atá roṁam,

¹⁴ Rioṫuim go díán ċum an ċoṁarṫa do ṁían luáíḋéaċda árdġárma Dé a Níosa Críosd.

¹⁵ Uíme sin, an ṁéid ḋínn atá diongṁalta, bioḋ a ninntinnse aguinn: aċd má tá siḃ ar aṫarraċ inntinne, foillséoċuiḋ Día a ní céudna ḋíḃ.

¹⁶ Giḋeaḋ, siuḃlam air ar naḋuiġ sa ní ċum a dtangamar, do réir áon ríaġla aṁáin, agus bímid déininntinn.

¹⁷ A ḋearḃráiṫre, bíġiḋ ré ċéile ḃur luċd leanṁana agumsa, agus taḃruiḋ aire don druing ṡiúḃlas do réir na heasumplára do ḃeirmídne ḋíḃ.

¹⁸ Oír atáid mórán ag siúḃal, fár laḃair mé riḃ go mici, agus fá a ḃfuilim ag gul a nois dá innisin díḃ, gur naiṁde íad do ċroiċ Ċríosd:

¹⁹ Agár ab damnuġaḋ a gcríoċ ḋeiġeanaċ, agus agar ab é a Ndía a mbolg, agus agá dtéid an ġlóir a náire ḋóiḃ, noċ smuáineas ar neiṫiḃ talṁuiḋe.

²⁰ Aċd as ar neaṁ atá ar gcoinḃearsáidne; an tionad as a ḃfuil súil aguinn fós ré teaċd an Tslánaiġṫéora, an Tíġearna Iósa Críosd:

²¹ Noċ ċuirfeas an gcorp truáilliġe a náṫarraċ cróṫa, ċum a ḋéunta cóṁċosṁuil ré na ċorp glórṁar féin, tres a noibriuġaḋ lér féidir leis na huile neiṫe fós do ċur faói féin.