Ḃfilippiánaċ 2 - An Bíobla Naoṁṫa 1817 (Bedell)

Caibidil II Impiḋe ċum ionnanus, 8 uṁlaċd; 12 agus slainte an anam do ṡaóṫruġaḋ le diṫċioll.

¹ Uime sin mar atá cóṁḟurtaċd ar biṫ a Gcríosd, má atá sólas ar biṫ gráḋa, má atá cumann ar biṫ Sbioruide, má atá truáiġe ar biṫ nó trócaire,

² Coiṁlíonuiḋ mo ġáirdeaċasa, ré ḃeiṫ díḃ déininntinn, dáonġráḋ, déuntoil, agus déinḃreiṫeaṁnas.

³ Gan éinní tré ċonnsbóid ná tré ġlóir ḋíoṁáoin; aċd a núṁlaċd inntinne measaḋ gaċ áon gur fear neaċ eile na é féin.

⁴ Nár ab íad na neiṫe ḃeanais ris féin ḃéuras gaċ áon dá aire, aċd gaċ áon na neiṫe fós ḃeanas ré dáoiniḃ eile.

⁵ Uime sin bíoḋ a ninntinn ċéudna ionnuiḃ, noċ do ḃí fós a Niósa Críosd:

⁶ Noċ, ar mbeiṫ ḋó a ḃfoirm Dé, nár ṁeas sé na ṡlad ḃeiṫ ḋó coimionnun ré Día:

⁷ Aċd do ċuir sé é féin a neamṡúim, ar ndul dó a rioċd ṡearḃfoġantuiġe, ar na ḋéunaṁ cosṁail ré dáoiniḃ:

⁸ Agus ar na ḟaġáil a ḃfioġair mar ḋuine, do ísliġ sé é féin, ar mbeiṫ ḋó ar ná ḋéunaṁ úṁal gus an mbás eáḋon bás na croiċe.

⁹ Ar a naḋḃarsin do árduiġ Día é go ro árd mar an gcéudna, agus tug sé ainm ḋó ó cionn gaċ uile anma:

¹⁰ Ionnus go ccromṫaḋ gaċ uile ġlún dainm Iósa, eaḋon glúine na neiṫeann atá ar neaṁ, agus ar talaṁ, agus fáoi an dtalaṁ;

¹¹ Agus go naidṁeóċaḋ gaċ uile ṫeanguiḋ gur ab é Iósa Críosd an Tiġearna, ċum glóire Dé Aṫar.

¹² Uime sin, a ċaired, aṁuil tug siḃ úṁlaċd uáiḃ a goiṁnuiḋe, ní hé aṁáin dom láṫairse, aċd a nois go mórṁór ar mbeiṫ ḋaṁ ḃur ḃféugṁuis, sáoṫruiġe ḃur slánuġaḋ féin maille ré faitċéas agus ré crioṫnuġaḋ.

¹³ Oír a sé Día oibriġeas ionnuiḃ an toil agus an gníoṁ do réir a ḋeaġṫola.

¹⁴ Déunuiḋ na huile neiṫe gan ṁonḃar agus gan ċallóid:

¹⁵ Ionnus go mbiáiḋ siḃ neiṁċiontaċ agus neaṁurċóideaċ, ḃur gcloinn neaṁloċduiġ ag Día, a measg ḋroiċċiniḋ ċrosda, eidir a ḃfuil siḃ ag deallruġaḋ mar lóċrannuiḃ soilse sa tsáoġal;

¹⁶ Ag síneaḋ ḃréiṫre na beaṫa uáiḃ amaċ; ionnus go dtiucfaḋ ḋíomsa mórḋáil do ḋéunaṁ a ló Ċríosd, nár rioṫ mé go díoṁáoin, agus nár ṡáoṫruiḋ mé go díoṁáóin.

¹⁷ Aċd fós, bíoḋ go ḃfuilim dom íoḋbairt ar muin íoḋbarṫa agus ṡeirḃíse ḃur gcreidiṁse, atá lúaṫġáir oram, agus gáirdeaċas má ráon liḃse uile.

¹⁸ Ar son a naḋḃair ċéudna déanuiġse fós lúaṫġáir, agus gáirdeaċas má ráon riomsa.

¹⁹ Agus atá muiniġin agum sa Dtíġearna Iósa ré Timoteus do ċur ċuguiḃ go haiṫġearr, ionnus go mbéinn deiġṁeisniġ, ar ḃfaġáil ḟeasa créud as cor ḋíḃse.

²⁰ Oír ní ḃfuil a ċaṁuil agum ar ḟeaḃus a inntinne, noċ ar a mbíaḋ cúram na neiṫeann ḃeanas riḃse go dúṫraċdaċ.

²¹ Oír síad na neiṫe ḃeanas ríu féin íarruid na huile, agus ní híad na neiṫe ḃeanas ré Híosa Críosd.

²² Aċd atá fios a ḋearḃṫaċdsan aguiḃse, eaḋon go ndearna sé miniosdrálaċd um ḟoċairse sa tsoisgéul, aṁuil do ḋéunaḋ mac a ḃfoċair a aṫar.

²³ Uime sin atá súil agum ris a ḃfearsa do ċur ċuguiḃ, cóṁlúaṫ agus ḃías a ḟios agus créud ḃus cor ḋaṁ féin.

²⁴ Agus atá muiniġin agum sa Dtíġearna go dtiucfuiḋ mé féin mar an gcéudna ċuguiḃ go haiṫġearr.

²⁵ Giḋeaḋ do ṁeas mé gur riaċdanaċ mo ḋearḃráṫair Epaṗroditus, do ċur ċuguiḃ, mo ċoṁoibriġe, agus mo ċoiṁḟior coguiḋ, agus ḃur dteaċdairese, agus an tí do ḟóir oram a nám mo riaċdanuis.

²⁶ Oír do ḃí fonn a ċróiḋe ionnuiḃse uile, agus do líonaḋ é do ṫuirse, tré na ċlos dáoiḃse go raiḃ sé lag.

²⁷ Agus go deiṁin do ḃí sé lag a ḃfogus don ḃás: giḋeaḋ do rinne Día trócaire air; agus ní hair aṁáin, aċd oramsa mar an gcéudna, ionnus naċ bíaḋ doilġeas ar muin doilġis oram.

²⁸ Uime sin bá moide mo ḋúṫraċd fá na ċur ċuguiḃ, ionnus ar na ḟaicsin a rís daóiḃ, go ngéuḃa gáirdeaċas siḃ, agus go maḋ lúġaide mo ḋoilġeassa é.

²⁹ Ar a naḋḃarsin gaḃuiḋ ċúguiḃ é sa Dtíġearna maille ris a nuile ġáirdeaċás; agus bíoḋ cion mór aguiḃ ar ṡaṁuilsion:

³⁰ Do ḃríġ go dtáinic sé go garr don ḃás ar son oibre Ċríosd, agus nár ċuir suim ann a anam, ionnus go gcoiṁlíonfaḋ sé a nuireasḃaiḋ do ḃí oramsa a dtáoḃ ḃur seirḃísse.