Amos 5 - An Bíobla Naoṁṫa 1817 (Bedell)

Caibidil V. An cor ar a bféidir lé Hisráel scrios do ṡeaċna.

¹ Eistiġse an ḃríaṫarso noċ ṫógḃuimsi súas ḃur naġaiḋ, eaḋon cáoineaḋ, a ṫiġ Israel.

² Do ṫuit maiġdion Israel; ní éireoċa sí ní is mó: do tréigeaḋ í air a dúṫaiġ; ní ḃfuil duine ar bioṫ dá tógḃáil súas.

³ Oír is marso a deir an Tiġearna DIA; An ċaṫair do ċuáiḋ amaċ na míle, fúigfiḋ sí céud, agus an ċaṫair do ċuáiḋ amaċ na céad fúigfiḋ sí deiċneaṁar, ag tiġ Israel.

⁴ ¶ Oír is marso a deir an TIĠEARNA ré tiġ Israel, Iarruiḋsi misi, agus mairfiḋe:

⁵ Aċt ná híarruiḋ Bet‐el, agus ná héirġiḋ a steaċ go Gilgal, agus ná gluáisiġ go Beer‐seba: óir raċfuiḋ Gilgal go deiṁin a mbraiġdionas, agus raċfuiḋ Bet‐el a neiṁní.

⁶ Iarruiḋ an TIĠEARNA, agus mairfiḋe; deagla go mbrisfeaḋ sé amaċ aṁuil teine a ttiġ Ióseṗ, agus go loisgfioḋ sé é, agus naċ bíaḋ duine air bioṫ a Mbet‐el do ṁúċfaḋ é.

⁷ Siḃse iompoiġios breiṫeaṁnus a murmónta, agus léigios díḃ fíréantaċt annsa ttalaṁ,

⁸ Iarruiḋ an té do ní na seaċt réulta agus Orion, agus iompoiġios scáile an ḃáis a maidin, agus do ní an lá dorċa ris a noiḋċe: noċ ġoirios air uisgeaḋuiḃ na fairge, agus ḋóirtios amaċ íad ar ġnúis na talṁan: isé An TIĠEARNA a ainm:

⁹ Noċ neartuiġios an té ḃíos creaċta a naġaiḋ an neartṁair, iondus go ttiucfaiḋ an drong ċreaċta a naġaiḋ an daingin.

¹⁰ Fúaṫuiġid síad an té aiṫḃirios annsa ġeata, agus gráinid ris an té laḃras go díreaċ.

¹¹ Ar a naḋḃarsin do ḃríġ gorub air an mboċt ṡaltras siḃ, agus go mbearṫaói úaluiġṫe cruiṫneaċda úaḋa: do rinneaḃair tiġṫe do ċloċaiḃ snoiġte, aċt ní áitreoċṫaói ionta; do ṗlannduiġeaḃair fíneaṁna taitneaṁaċa, aċt ní ioḃṫaói fíon díoḃ.

¹² Oír is aiṫnid daṁsa ḃur niomad ciontaḋ agus ḃur bpeacuiḋe an‐ṁóra: céusuid an fíréun, glacuid cuṁaiḋ, agus fillid an boċt do leaṫṫáoiḃ annsa ġeata.

¹³ Uimesin toċdfuiḋ an duine críonna san namsin; oír is droċaimsir í.

¹⁴ Iarruiḋ maiṫ, agus narab olc, ċor go mairfiḋe: agus marsin go mbiáiḋ an TIĠEARNA, Día na slóġ, liḃ, mar do laḃraḃair.

¹⁵ Fúaṫuiġiḋ an tolc, agus gráḋuiġiḋ an ṁaiṫ, agus suiġiḋ breiṫeaṁnus annsa ġeata: dob éidir go mbíaṫ an TIĠEARNA Día na slóġ grásaṁuil ré híarasma Ióseṗ.

¹⁶ Uimesin an TIĠEARNA, Día na slóġ, is marso, a deir an Tiġearna; Biáiḋ caói annsna huile ṡráidiḃ; agus a déaruid annsna huile ṡliġṫiḃ móra, Mó ṫruáiġe! mo ṫruaiġe! agus goirfiḋ an fear oibre ċum cuṁa, agus an luċt ḃíos éolaċ a ccaóineaḋ ċum caóinte.

¹⁷ Agus biáiḋ caóineaḋ ann gaċ uile ġárraḋa fíneaṁna: óir géaḃa misi ṫríd, a deir an TIĠEARNA.

¹⁸ A ṁairg ḋíḃsi air a ḃfuil fonn laói an TIĠEARNA! cred é so ḋíḃ se? is dorċadus lá an TIĠEARNA, agus ní solus.

¹⁹ Aṁuil dá tteiṫeaḋ duine roiṁe leoṁan, agus go tteigeoṁaḋ beṫir air; no go raċaḋ a steaċ annsa tiġ, agus a láṁ do léigion air an mballa, agus aiṫir niṁe do ḃreiṫ air.

²⁰ Naċ buḋ dorċadus lá an TIĠEARNA, agus ni solus? eaḋon ro ḋorċa, agus gan soillsi ar bioṫ ann?

²¹ ¶ Fúaṫuiġim, dísbeaguim ḃur laéṫe feusta, agus ní ḃoiltneoċa mé ann ḃur ccoiṁṫionóluiḃ sollamonta.

²² Bíoḋ go nofráluiḋe ḋaṁsa ofráil loisge agus ḃur nofrála bíḋ, ní ġéaḃa misi íad: ní mó ċuirtios mé suim a nofrála síoḋċána ḃur mbeaṫaċ méiṫ.

²³ Beir ṫusa uáim fuáim do ċaintic: óir ní éistfe mé ceól haḋḃuiḋ.

²⁴ Aċt rioṫaḋ breiṫeaṁnus síos aṁuil uisgeaḋa, agus fíréantaċt aṁuil sruṫ laidir.

²⁵ Nar ofrálaḃair ḋaṁsa íoḋbarṫa agus ofrála annsa ḃfásaċ ceaṫraċad bliaḋan, a ṫiġ Israel?

²⁶ Aċt diomċraḃair tabernacuil ḃur Moloċ agus Ċiun ḃur níoṁáiġe, réult ḃur ndé, noċ do rinneaḃair ḋíḃ féin.

²⁷ Uimesin do ḃéara misi oruiḃsi dul a ndaóirsine táoḃ ṫall do Ḋamascus, a deir an TIĠEARNA, darab ainm, Día na slóġ.