Amos 2 - An Bíobla Naoṁṫa 1817 (Bedell)

Caibidil II Tiucfaiḋ búille ó Ḋía ar Ṁóab, 4 ar Iudah, agus ar Israel.

¹ Marso a deir an TIĠEARNA; Ar son ṫrí sáruiġṫe Ṁóab, agus ar son a ceaṫair, ní ċoigeola mé é; do ḃríġ gur loisc sé cnáṁa ríġ Edom a náol:

² Aċt cuirfiḋ mé teine air Ṁóab, agus dóiġfiḋ sí páláis Ċiriot: agus éugfuiḋ Moáb le heasargain, lé gáir, agus le fuáim an stuic:

³ Agus geárrfa mé amaċ an breiṫeaṁ as a lár, agus muirfiod a uile ṗrionnsaḋa maille ris, a deir an TIĠEARNA.

⁴ ¶ Marso a deir an TIĠEARNA; Ar son ṫrí sáruiġṫe Iúdah, agus ar son a ceaṫair, ní ċoigeola mé é; do ḃríġ gur ḋísbeagadar dliġeaḋ an TIĠEARNA, agus nár ċoiṁéadadar a aiṫeanta, agus ṫug a mbréuga orra seaċrán do ḋéanaṁ, a ndiaiġ ar ṡiuḃluiġeadar a naiṫre:

⁵ Aċt cuirfe mé teine ar Iúdah, agus loiscfe sí páláis Ierusalem.

⁶ ¶ Marso a deir an TIĠEARNA; Ar son ṫrí sáruiġṫe Israel, agus ar son a ceaṫair, ní ċoigeola mé é; do ḃríġ gur reacadar an fíréun air airgiod, agus an ḃoċt ar ṗéire bróg;

⁷ Noċ ṡéideanas déis luáiṫriġ na talṁan air ċeann an ḃoiċt, agus iompoiġios sliġe an ċeannsuiġ do leaṫṫáoiḃ: agus raċuiḋ duine agus a aṫair ċum na maiġdine, do masluġaḋ manma náoṁṫasa:

⁸ Agus leagfuid íad féin síos air éaduiġiḃ ċuirṫior a ngeall ag a nuile altóir, agus iḃid fíon an damnaiġṫe a ttiġe a Ndé.

⁹ ¶ Giḋeaḋ do scrios misi an Tamoríteaċ rompa, a raiḃ a áirde cosṁuil le háirde cedair, agus do ḃí laidir aṁuil na dairġiḃ; giḋeaḋ do scrios mé a ṫoraḋ a núas, agus a ḟréaṁa fáoi.

¹⁰ Ṫug mé siḃsi fós súas as críċ na Hégipte, agus do ṫréoruiġ mé siḃ ceaṫraċad blíaḋan ṫríd an ḃfásaċ, do ṡealḃuġaḋ dúiṫċe an Amorítiġ.

¹¹ Agus do ṫóg mé súas cuid dá ḃur macaiḃ na ḃfáiġiḃ, agus dá ḃur ndaóiniḃ óga mar Nasarítiḃ. Naċ marso eaḋon atáid, a ċlann Israel? a deir an TIĠEARNA.

¹² Aċt ṫugaḃair fíon do na Nasarítiḃ re a ól; agus do áiṫniġeaḃair do na ráiġiḃ, ag ráḋ, Ná déanuiḋ fáiġeadóireaċd.

¹³ Féuċuiḋ, atáimse ar mo ḃrúġaḋ fúiḃ, aṁuil brúiġtear cairt ḃíos lán do ṗunnánuiḃ.

¹⁴ Uimesin meiṫfiḋ an teiṫeaḋ ón lúaṫ, agus ní neartoċuiḋ an neartmbar a láidreaċd, ní mó ṡáorfas an cuṁaċdaċ é féin:

¹⁵ Ní mó ṡeasfas an té ġlacus an boġa; agus an té ḃíos lúaṫ a ccoisiġeaċd ní ṫáirṫeoċuiḋ é féin: ní mó ṡáorfas an té do ní an teaċ do ṁarcuiġeaċd é féin.

¹⁶ Agus an té is beóġa a measg na ccuṁaċdaċ teiṫfiḋ sé as tarnoċd san ló sin, a deir an TIĠEARNA.