2 Eoin 1 - An Bíobla Naoṁṫa 1817 (Bedell)

Gráḋ a mbeaṫaiḋ, agus fíorġloine a tteagusg, iomċoṁeud.

¹ An, seanóir ċum na bainntíġearna toġṫa agus ċum a cloinne, dá ḃfuil mo ġráḋ go fírinneaċ; agus ní hé mo ġráḋsa aṁáin, aċd gráḋ na nuile mar an gcéudna noċ fuáir eólas ar an ḃfírinne;

² Ar son na fírinne ċoṁnuiġeas ionnuinn, agus ḃías maille rinn go síorruiḋe.

³ Grása trocaire, agus síoṫċáin, maille riḃ, ó Ḋía Aṫar, agus ón Dtíġearna Iósa Críosd, Mac a Naṫar, maille ré fírinne agus ré gráḋ.

⁴ Do ḃí gáirdeaċas mór oram do ḃríġ go ḃfuáir me cuid dod ċloinnse ag siúḃal do réir na fírinne, aṁuil fúaramar áiṫne ó Naṫair.

⁵ Agus a nois íarruim daṫċuinġe ort, a ḃainntíġearna, (ní mar do ḃeinn ag sgríoḃaḋ áiṫne nuáiḋe ċugad, aċd na háiṫne do ḃí aguinn ó ṫosuiġ,) eaḋon a ċéile do ġráḋuġaḋ ḋúinn.

⁶ Agus a sé so an gráḋ, eaḋon sinn do ṡiúḃal do réir a aiṫeantasan. A sé so a náiṫne, Do réir, mar do ċúalaḃair ó ṫosuiġ, ċum ḃeiṫ ḋíḃ ag siúḃal innte.

⁷ Oír is iomḋa mealltóir ṫáinic a steaċ sa dóṁan, naċ adṁuiġeann Iósa Críosd do ṫeaċd a gcoluinn. Gíḋ bé atá mar sin as mealltóir agus ainticríosd é.

⁸ Tuguiḋ aire riḃ féin, naċ léigfeam amúġa na neiṫer do ṡáoṫruiġeamar, aċd go maḋ héidir linn lánlúaċ sáoṫair do ġlacaḋ.

⁹ Giḋ bé neaċ ṡáruiġeas, agus naċ coṁnuiġeann a dteagusg Ċríosd, ní ḃfuil Día aige. An tí ċóṁnuiġeas a dteagusg Ċríosd, atá an Taṫair agus an Mac aige.

¹⁰ Dá dtiġiḋ éinneaċ ċuguiḃ, agus naċ dtaḃair ris an teagusga, ná gaḃuiḋ ċuguiḃ a steaċ é, agus na beannuiġe ḋó:

¹¹ Oír an tí ḃeannuiġeas dó atá sé pártaċ ré na ḋroċġníoṁarṫuiḃ.

¹² Bíoḋ go raiḃ mórán do neiṫiḃ agum ré a sgríoḃaḋ ċuguiḃ, níor ḃáil leam sgríoḃad ré papéur agus ré duḃ: aċd atá súil agum ré ṫeaċd ċuguiḃ, agus ré laḃairt riḃ béul ar ḃéul, ċum ar ngáirdeaċais do ḃeiṫ iomlan.

¹³ Cuirid clan do ḋeirḃṡeaṫar toġṫa beaṫa agus sláinte ċugad. Amén.