2 Chum Timóteuis 2 - An Bíobla Naoṁṫa 1817 (Bedell)

Caibidil II Cúram, 6 foiġide 22 geanmnuiḋeaċd, 24 agus cceannsaċd na minisdreaḋ.

¹ Uime sin, a ṁic, bíse láidir sa ngrás atá a Níosa Críosd.

² Agus na neiṫe do ċuáluiḋ tú uáimse a láṫair ṁoráin dfíaġnuiḃ, táoḃ na neiṫe céudna ré dáoiniḃ dísle, noċ ḃías foirtill ar ḋáoiniḃ eile do ṫeagusg mar an gcéunda.

³ Uime sin fulaingse anṡóġ, mar ṡaiġdíur maiṫ Iósa Críosd.

⁴ Ní ċreapluiġear éinneaċ dá leanann an cogaḋ ré gnoṫuiġṫiḃ na beaṫasa; ionnus go ndéanaḋ toil an tí do ṫoḃ é na ṡaiġdiúr.

⁵ Agus fós má ní áoinneaċ sbáirn fo ṁaiġisdreaċdaiḃ, ní curṫar coróin air, muna ndearna sé sbáirn go dlisdionaċ.

⁶ As eígean do treaḃṫaċ sáoṫar do ḋéunaṁ suil do ġeiḃ sé na tórṫa.

⁷ Smuáin ar na neiṫiḃ a deirim; agus go dtuguiḋ ar Tíġearna tuigsi ḋuit sna huile neiṫiḃ.

⁸ Cuíṁniġ gur eiséirġe Iósa Críosd ó ṁarḃuiḃ, do ṡíol Daiḃi do réir mo ṡoisgéilse:

⁹ Ar son a ḃfuilim ag fúlang uilc, go géiḃeannuiḃ, mar ḟear droċgníoṁa; giḋeaḋ ní ḃfuil bríaṫar Dé ceanguilte.

¹⁰ Uime sin iomċruim na huile neiṫer ar son na druinge atá ar na dtoġa, ċuni an tslánaiġṫe atá a Niósa Críosd do ġnóḋuġaḋ ḋóiḃsion mar an gcéudna maille ré glóir sbíorruiḋe.

¹¹ As ráḋ fírinneaċ so: Oír más bás dúinn ná ḟoċair, búḋ marṫuinn dúinn mar an gcéudna na ḟoċair:

¹² Má nimíd fúlang bíam a rioġaċd mar an gcéudna maille ris: dá séunam é, séunfa seision sinne mar an gceudna:

¹³ Má náċ ccreidmídne fanaiḋ seision díleas: ní féidir leis é féin do ṡéuna.

¹⁴ Cuir na neiṫesi a gcuiṁne ḋóiḃ agus aiṫin díoḃ a ḃfíaḋnuisi an Tíġearna gan ḃeiṫ ag cíapáil a dtimċioll focal gan tairḃe air biṫ, aċd búaiḋreaḋ don druing éisdeas.

¹⁵ Déun díṫċioll ar ṫú féin do ṫáisbéunaḋ ionṁolta do Ḋía, a tfior oibre náċ rig a leas aḋnaire do ḃeiṫ aire, ag gearraḋ ḃreiṫre na fírinne go cóṁṫrom.

¹⁶ Toirmisg ciapáil ḃríaṫar neaṁḋíaġa gan éifeaċd: óir tiucfuiḋ ar a naġuiḋ ċum tuilliḋ neiṁḋiaġaċda.

¹⁷ Agus biáiḋ a mbríaṫar ag cnáoi mar ċancar: agár díoḃ Himenéus agus Ṗilétus;

¹⁸ Noċ a dtáoḃ na fírinne do ċuáiḋ ar seaċrán ón gcóṁarṫa, ag ráḋ go ndeaċuiḋ a neiséirġe ṫoruinn ċeana; agus sgriosas creideaṁ ḋruinge áiriġe.

¹⁹ Giḋeaḋ fanuiḋ fonndameint ḋaingean Dé ar bun, aga ḃfuil an séulasa, eaḋon Go ḃfuil fios a ṁuinntire féin ag an Dtíġearna. Agus, Gaċ áon ġoireas ar ainm Ċríosd seaċnaḋ sé a néugcóir.

²⁰ Gíḋeaḋ a dtíġ mór bíd, ní hé aṁáin soiṫiġe óir agus airgid, aċd fós soiṫiġe croinn agus críaḋ; cuid díoḃ ċum onóra, agus cuid eile ċum neaṁonóra.

²¹ Uime sin dá nglana neaċ ar biṫ é féin úaṫa so, biáiḋ sé na ṡoiṫeaċ ċum onóra, ar na ḋéunaṁ náoṁṫam oireaṁnaċ don Tíġearna, ullaṁ ċum gaċ uile ḋeaġoibre.

²² Seaċuin mar an gcéudna ainmíana na hóige: agus lean dfíréuntaċd, do ċreideaṁ, do ġráḋ, do ṡíoṫċáin, maille ris an druing ġoireas air an Dtíġearna ó ċroiḋe ġlan.

²³ Agus seaċain ceasda éigcéilliḋe neaṁḟoġlomṫa, ar mbeiṫ a ḟeasa agad go mbrósduiġid síad ceannaruic.

²⁴ Oír ní coir do ṡearḃfoġantuiḋe an Tíġearna ḃeiṫ ceannarraiceaċ; aċd ḃeiṫ ceannsa ris na huile ḋáoiniḃ, réiḋ ċum teaguisg, ag iomċar ré droċḋáoniḃ,

²⁵ Ag teagusg na druinge ḃíos conntrarrḋa ḋá inntinn maille ré ceannsaċd; dféuċain an dtiuḃraḋ Día aiṫriġe ḋóiḃ uáir ar biṫ ċum na fírinne dadṁáil;

²⁶ Agus teaċd ar a nais, ó ḋul an díaḃail, agá ḃfuilid gaḃṫa mar is áill leis féin.