2 Chum Timóteuis 1 - An Bíobla Naoṁṫa 1817 (Bedell)

Caibidil I Grasa Dé do ḃíoḋgaḋ súas tré ċleaċdaḋ, agus urnniġe; 13 agus sómpla na mbriaṫar ḟallain attáoḃ creideaṁ agus gráḋ, do ċonṁáil.

¹ Pol, absdal Iósa Críosd tré ṫoil Dé, do réir ġeallaṁna na beaṫa atá a Níosa Críosd,

² Go Timotéus, an mac ionṁuin: Grasa, trócaire, agus síoṫċáin, ó Ḋía Aṫar agus ó Iósa Críosd ar Dtíġearna.

³ Ḃeirim buiḋeaċas ré Día, da ndéanuim seirḃís ag leanṁuin luirg na sinnsear maille ré coinnsías glan, fá ċuiṁne ḃeiṫ agam ortsa do ġnaṫ am úrnuiġiḃ do ló agus doiḋċe;

⁴ Ar mbeiṫ ḋaṁ fonnṁar ṫusa dfaicsin, an tan ċuíṁniġim ar do ḋéuruiḃ, ionnus go mbéinn líonta do ġáirḋeaċas;

⁵ Ar mbeiṫ cuiṁneaċ ḋaṁ ar an gcreideaṁ neaṁḟallsa atá ionnad, noċ do ḃí na ċóṁnuiḋe ar tús ann do ṡeanṁáṫair Lois, agus ann do ṁáṫair Eunice; agus ís deiṁin leam a ḃeiṫ ionnadsa mar an gcéudna.

⁶ Ar a naḋḃarsa cuírim a gcoiṁne ḋuit tioḋlacaḋ Dé atá ionnad tré ċur mo láṁsa ort, do ḃíoḋgaḋ súas.

⁷ Oír ní sbiorad eagla tug Día ḋúinne; aċd sbiorad cúṁaċd, agus gráḋ, agus sláinte inntinne.

⁸ Uime sin ná bíoḋ aḋnáire ort fá ḟíaḋnuise ar Dtíġearna, ná am ṫimċiollsa priosúnaċ ar a ṡon: aċd bíoḋ do ċuid agad do ḃuáiḋirt an tsoisgéil do réir ċúṁaċd Dé;

⁹ Noċ do ṡáor sinn, agus do ġoir sinn maille ré gairm náoṁṫa, ní réir ar noibriġṫeaḋ, ahd réir a ċinniḋ féin agus a ġrás, noċ do tugaḋ ḋúinn a Niósa Críosd roiṁ ċrúṫuġaḋ an doṁuin;

¹⁰ Aċd atá a nois ar ḟoillsiuġaḋ tré ṫeaċd deallruiġeeaċ ar Dtíġearna Iósa Críosd, noċ do ḋíḃir an bás, agus tug beaṫa agus neaṁṫruáilleaḋ ċum soillse trés an tsoisgéul:

¹¹ Ċum ar hórduiġeaḋ misi um ṡeanmóntuiġ, agus um absdal, agus um ḋoctúr na Gcineaḋaċ.

¹² An taḋḃar fá a ḃfuilim ag fulang na neiṫeannsa: giḋeaḋ ní ḃfuil aḋnáire oram: oír atá a ḟios agum cía ḋár ċreid mé, agus as deiṁin leam gur féidir leis an ní dfág mé táoḃ ris do ċoiṁéud fa ċóṁair an láoi úd.

¹³ Bíoḋ agad sompla fírinneaċ na mbríaṫar ḃfalláin, do ċúaluiḋ tú uáimse, a gcreideaṁ agus a ngráḋ a Níosa Críosd.

¹⁴ Coiṁéid an taisge ṁaiṫ do fágḃaḋ agad trés an Sbiorad Náoṁ ċóṁnuiġeas ionnuin.

¹⁵ Atá a ḟios so agad, gur ṫréigeadar luċd na Hásia uile misi, agar ab ḋíoḃ Ṗigellus agus Hermogínes.

¹⁶ Go dtuguiḋ Tiġearna na trócaire do ṫiġ Onesiṗoruis; óir tug sé fúaraḋ go minic ḋaṁsa, agus níor ġaḃ aḋnaire é f ṡláḃraḋ:

¹⁷ Aċd, ar mbeiṫ ḋó sa Róiṁ do lorgair sé mé go ro ḋíṫċiollaċ, agus fuáir sé mé.

¹⁸ Go dtuguiḋ an Tíġearna ḋósan trócaire dfáġail ón Dtíġearna sa ló úd: agus atá a ṡáirḟios agadsa, créd é a ṁéud do ḟoir sé oram a Neṗesus.