1 Peadar 5 - An Bíobla Naoṁṫa 1817 (Bedell)

Caibidil V An minisdir do ríġlaḋ an ṗobail le neart ḃreiṫre Dé, agus ni re foirrneirt láiṁe mar ṫíġearnoḋaiḃ sáoġalta.

¹ Iarruim daṫċuinge ar na seanóiriḃ ḃur measg, ar mbeiṫ ḋaṁ féin fós um ṡeanóir, agus um ḟíaḋnuise ar na neiṫiḃ do ḟulaing Críosd, agus um ṗártuiġe a dtáoḃ na glóire atá ré haġuiḋ a ḟoillsiġe.

² Beaṫuiġiḋ tréud Dé do fágḃaḋ táoḃ riḃ, ar mbeiṫ ḋá ċúram oruiḃ, ní tré éigean, aċd go toilteanaċ; ní ar son éudála neaṁġloine, aċd maille ré hinntinn ullaiṁ;

³ Ní mar do ḃíaḋ siḃ ḃur Dtíġearnaiḋiḃ ós cionn eagluise Dé aċd mar ḋruing atá na neisiompláire don tréud.

⁴ Agus an tan ḟoillséoċar an Tárdáoḋaire, do ġeuḃa siḃ coróin ṁarṫannaċ ġlóire.

⁵ Mar an gcéudna, a ḋaóine óga, tuguiḋ úṁlaḋ do na sinnsearuiḃ. Agus bíġiḋ uile úṁal dá ċéile, déunuiḋ siḃ féin deaġṁaiseaċ don táoḃ a stiġ ó úṁlaċd inntinne: óir cuiriḋ Día a naġuiḋ na nuáiḃreaċ agus do ḃeir grása do núṁal.

⁶ Uime sin úṁluiġe siḃ féin faói laiṁ ċúṁaċduiġ Dé, ċum ḃur nárduiġe ḋó a nam iomċuḃaiḋ:

⁷ Téilgiḋ ḃur nuile ċúram airsion; óir is cúramaċ é ḃur dtimċioll.

⁸ Bíġiḋ measarrġa, déunuiḋ faire; óir atá ḃur naṁuid an díaḃal, mar leoṁan ḃéicfeaċ, ag gaḃáil fá gcuáirt dá ḟéuċain cía ṡluiġfeaḋ sé:

⁹ Cuiriḋse na aguiḋ ar mbeiṫ ḋíḃ láidir a gcreideaṁ, ar mbeiṫ a ḟeasa aguiḃ go gcoiṁlíontar na buáiḋearṫa céudna sa gcuid eile dá ḃur ndearḃraiṫriḃ atá sa tsáoġal.

¹⁰ Agus Día na nuile ġrás, noċ do ġoir sinn ċum a ġlóire síorruiḋe a Níosa Críosd, tár éis beagáin buáiḋearṫa dfulang ḋíḃ, go ndéuna sé féin siḃ íomlán, go neartuiġe, go láidriġe, agus go ndaingniġe sé siḃ.

¹¹ Glóir agus cúṁaċd ḋósan go sáoġal na sáoġal. Amén.

¹² Ré Silḃánus, dearḃráṫair díleas, do réir ḃaraṁla, do sgríoḃ mé go haiṫġearr ċuguiḃ, ag teagusg, agus ag déunaṁ fíaḋnuise gur ab é so fíorġrás Dé ann a ḃfuil sib hag seasaṁ.

¹³ Cuiriḋ a neagluis atá sa Mbaibilóin do toġaḋ má ráon riḃ, agus mo ṁac Marcus; beaṫa agus sláinte ċuguiḃ.

¹⁴ Teannuiḋ siḃ féin ré ċéile maille ré póig ċarṫannaċda. Síóṫċáin maille riḃ uile an ṁéid aguiḃ atá a Níosa Críosd. Amén.