1 Peadar 1 - An Bíobla Naoṁṫa 1817 (Bedell)

Caibidil I Naċ núaṫeagasc, aċd sean tairrġire, slainte tré Ċriosd. 13 Uime sin, naċ fulair ar naṫċuma do reir ḃeaṫa Iosa, neaċ do ġoir sinn.

¹ Peadar, absdal Iósa Críosd, ċum na gcoigcríoċ atá sgarṫa ó ċéile ar feaḋ Ṗontus, Ġalátia, Ċappadócia, na Hásia, agus na Bitínia,

² Ar na dtóġa do réir réiṁḟios Dé Aṫar, ċum náoṁṫaċda na Sbioruide, tré úṁlaċd agus croṫaḋ fola Iósa Críosd: Grása, agus síoṫċáin, go ró líonṁar maille riḃ.

³ Glóir agus molaḋ do Ḋía, eaḋon Daṫair ar Dtíġearna Iósa Críosd, noċ do aiṫġin sinn do réir a ṁórṫrócaire ċum béoṁuiniġne tré eiséirġe Iósa Críosd ó ṁarḃuiḃ.

⁴ Ċum oiġreaċda neaṁṫruailliġ, gan ċáiḋe, naċ dtéid a seirge, ċoiṁéudtar ar neaṁ fá ḃur gcoṁairse.

⁵ Ċúṁduiġṫear ré neart Dé tré ċreideaṁ ċum slánuiġe atá ullaṁ ré a ḟoillsiuġaḋ sa naimsir ḋeiġeanuiḋ.

⁶ An ní ann a ḃfuil siḃse ag déunaṁ gáirdeaċais, bíoḋ go ḃfuil siḃ a nois ré sealad, má atá na riaċdanus, fá ṫuirse a gcaṫuiġṫiḃ éugsaṁla:

⁷ Ionnus go ḃfuiġṫiġ dearḃaḋ ḃur gcreidiṁ, is rouáisle na ór ṫéid air neiṁní, bíoḋ go ndearḃṫar é lé teine, na ṁolaḋ agus na onóir agus na ġlóir an tan ḟoillseóċas Iósa Críosd é féin:

⁸ An tí ḋá dtuġaḃair gráḋ, bíoḋ naċ ḃfacaḃair é; ann a ḃfuil siḃ a nois ag creideaṁ, gé naċ léir ḋiḃ é, agus as a ndéuntaói gairdeaċas ré lúaṫġáire ḋóḟaisnéis ġlórṁar:

⁹ Ag glacaḋ ċríċe ḃur gcreidiṁ, sláinte na nanmann.

¹⁰ An slánuġaḋ ar a ndearnadar na fáiḋe lórgaireaċd agus cúartuġaḋ, noċ do rinne fáiḋeadóireaċd ar an ngrás do ṫiucfaḋ ċuguiḃse:

¹¹ Ag cúartuġaḋ, créd í a nuáir nó a náimsir do ḟoillséoċaḋ Spiorad Ċríosd noċ do ḃí ionntaḋ, ag déunaṁ réiṁfíaḋnuise air na neiṫiḃ do ḃí a ndán do Ċriósd ḟulang, agus an ġlóir róṁor do leanfaḋ ḋíoḃ.

¹² Dár foillsiġeaḋ, naċ dóiḃ féin aċd dúinne do ḋéunaidís miniosdrálaċd na neiṫeann, atá a nois ar na ḃfoillsiuġaḋ ḋíḃse leis an druing lér seanmóruiġeaḋ an soisgéul díḃ trés an Spiorad náoṁ do cuireaḋ ó neaṁ a núas; na neiṫe is mían ris na haingliḃ ḟaicsin.

¹³ Uime sin ar gcreasruġaḋ leasruiġ ḃur ninntinne ḋiḃ, maille ré measarrġaċd, bíoḋ dóċas diongṁálta aguiḃ as an ngrás atá ar na ṫaḃairt ċuguiḃ a dtaisbéunaḋ Iósa Críosd;

¹⁴ Mar ċloinn na húṁlaċda, gan ḃeiṫ ḋíḃ dá ḃur naṫċuma féin ris na hainmíanuiḃ do ġnáṫuiġ siḃ roiṁe ann ḃur nainḃfios:

¹⁵ Aċd do réir mar atá an tí do ġoir siḃ náoṁṫa, bíġiḋse mar an gcéudna náoṁṫa sa nuile ċoinḃearsáid;

¹⁶ Do ḃriġ go ḃfuil sgríoḃṫa, Biġiḋse náoṁṫa; óir atáimse náoṁṫa.

¹⁷ Agus dá ngoiriḋ siḃ Aṫair don tí do ní breiṫeaṁnus do réir gníoṁa gaċ aóin gan féuċain do ṗearsuinn seaċ a ċéile, caiṫiḋ aimsir ḃur noilirṫe maille ré faitċeas:

¹⁸ Ar mbeiṫ a ḟeasa aguiḃ naċ lé neiṫiḃ truáilliġe, ré hairgead ná hór do fúasglaḋ síḃ ó ḃur gcoinḃearsaid ḋíoṁaóin dár leanaḃair do réir luirg na sinnsear;

¹⁹ Aċd ré fuil ṁórluáiḋ Ċríosd, aṁuil uáin gan ċáiḋe gan loċd:

²⁰ Noċ do hórduiġeaḋ roiṁ ċrúṫuġaḋ an doṁain, aċd do foillsiġeaḋ sna haimsearuiḃ deiġeanaċa ar ḃur sonsa,

²¹ Noċ ṫrídsean ċreideas a Ndía, do ṫóg súas é ó ṁarḃuiḃ, agus tug gloir ḋó; ionnus go mbeiṫ ḃur gcreideaṁ agus ḃur muiniġin a Ndía.

²² O rinneaḃair ḃur nanmanna glan a núṁlaċd na fírinne trés an Spiorad ċum gráḋa bráiṫreaṁuil gan ḟallás, bíoḋ gráḋ díoġraiseaċ aguiḃ ḋá ċéile ó ċróiḋe ġlan:

²³ Ar mbeiṫ ḋiḃ ar ḃur naiṫġinéaṁuin, ó ṡíol naċ truáilliġe, aċd neaṁṫruáilliġe, tré ḃreiṫir Dé, ṁaireas agus ċóṁnuiġeas go síorruiḋe.

²⁴ Oír atá a nuile ḟeóil mar an ḃféur, agus a nuile ġlóir ḋáonna mar ḃláṫ a nféir. Searguiḋ a féur, agus tuitiġ a ḃláṫ ṡe:

²⁵ Aċd fanuiġ bríaṫar an Tíġearna go síorruiḋe. Agus á sí so an ḃríaṫar do soisgéuluġaḋ ḋíḃse.