1 Eoin 2 - An Bíobla Naoṁṫa 1817 (Bedell)

Caibidil II An uile ṗeacaḋ tre laige, atáid liaiġiste re tuillteanas Ċríosd.

¹ A ċlann ḃeag, sgríoḃuim na neiṫese ċuguiḃ, ionnus naċ déunaḋ siḃ peacaḋ. Agus má rinne éinneaċ peacaḋ, atá aḃcóidiġ aguinn a ḃfoċair a Naṫar, Iósa Críosd an firéún.

² Agus is eision an réiḋteaċ air son ar bpeacuiġne: ní ar son ar bpeacuiġne aṁáín, aċd air son an doṁuin uile mar an gcéudna.

³ Agus is as so is deiṁin linn aiṫne do ḃeiṫ aguinn air, dá gcoiṁéudam a aiṫeanta.

⁴ An tí a deir, Atá aiṫne agum air, agus naċ ccoiṁéudann a aiṫeanta, as bréugaċ é, agus ní ḃfuil fírinne ann.

⁵ Aċd an tí ċoiṁéudas a ḃríaṫar, as ann atá gráḋ Dé ar na ċoiṁlíonaḋ go fírinneaċ: as so aiṫniġmíd sinn féin do ḃeiṫ annsan.

⁶ An tí a deir go ḃfuil sé na ċoṁnuiġe annsan atá dfíaċuiḃ air síuḃal, réir mar do ṡiuḃaíl seision.

⁷ A ḋearḃráiṫre, ní háiṫne núaḋ sgríoḃum ċuguiḃ, aċd an tseanáiṫne do ḃí aguiḃ ó ṫosuiġ.

⁸ A rís, sgríoḃuim áiṫne núaḋ ċuguiḃ, noċ atá fírinneaċ annsan agus ionnuiḃse: óir atá an dorċadas ag imṫeaċd ṫoruinn, agus atá an solas fírinneaċ a nois ag soillsiuġaḋ.

⁹ An tí a deir é féin do ḃeiṫ sa tsolas, agus ḟúaiṫiġeas a ḋearḃráṫair, atá sé sa dorċadus gus a nois.

¹⁰ An tí ġráḋuiġeas a ḋearḃráṫair atá sé na ċoṁnuiġe sa tsolas, agus ní ḃfuil oilḃéim ann.

¹¹ Aċd an tí ḟuáiṫiġeas a ḋearḃráṫair atá sé a ndorċadas, agus siuḃluiḋ sé a ndorċadas, agus ní eadair sé cá háit a ngaḃann, do ḃríġ gur ḋall an corċadas a ṡúile.

¹² Sgríoḃuim ċuguiḃ, a ċlann ḃeag, do ḃríġ go ḃfuilid ḃur bpeacuiḋ ar na maiṫeaṁ ḋíḃ ar son a anmasan.

¹³ Sgríoḃuim ċuguiḃ, a aiṫreaċa, do ḃríġ gur ab aiṫne ḋíḃ an tí atá ann ó ṫosuiġ. Sgríoḃuim ċuguiḃ, a ogánaċa, do ḃríġ go rugaḃair buáiḋ ar an droċ spioruid. Sgríoḃuim ċuguiḃ, a leanba beaga, do ḃríġ gur an aiṫne ḋíḃ an Taṫair.

¹⁴ Do sgríoḃ mé ċuguiḃ, a aiṫreaċa, do ḃriġ gur ab aiṫne ḋíḃ an tí ata ann ó ṫosuiġ. Do sgríoḃ mé ċuguiḃ, a ógánaċa, do ḃríġ go ḃfuil siḃ láidir, agus go ḃfuil bríaṫar Dé na coṁnuiġe ionnuiḃ, agus go rugaḃair buáiḋ ar an droċ spioruid.

¹⁵ Ná tuguiḋ gráḋ don tsáoġal, ná do na neiṫiḃ atá sa tsáoġal. Dá dtuguiḋ neaċ ar biṫ gráḋ don tsáoġal, ní ḃfuil gráḋ a Naṫar ann.

¹⁶ Oír gaċ ní atá sa tsáoġal, mar atá ainṁían na colla, agus ainṁían na súl, agus úaḃar na beaṫa, ní ó Naṫair atáid síad, aċd is ón tsáoġal atáid.

¹⁷ Agus atá an sáoġal ag imṫeaċd ṫoruinn, agus a ainṁían: aċd an tí do ní toil Dé mairiḋ sé go siorruiḋe.

¹⁸ A leanba beaga, atá a naimsir ḋeiġeanaċ ann: agus aṁuil do ċúalaḃair go dtiucfaḋ an tainticríosd, atáid a nois ċeana morán daintícríosduiḃ ar néirġe ann; ar a naiṫniġemíd a naimsir ḋeiġeanaċ do ḃeiṫ a laṫair.

¹⁹ Do ċúadar amaċ as ar measgne, oir ní raḃadar ḋínn: óir dá mbéidís dínn, dfanfaidís go deiṁin má ráon rinn: aċd dimṫiġeadar uainn, ionnus go maḋ follas naċ dínne íad uile.

²⁰ Giḋeaḋ atá ungaḋ aguiḃse ón Neaċ Náoṁṫa, agus atá eólus aguiḃ ar na huile neiṫiḃ.

²¹ Ní huime sgríoḃ mé ċuguiḃ do ḃríġ go raiḃ siḃse ainḃfiosaċ sa ḃfirinne, aċd ar a naḋḃar go ḃfuil a eólus aguiḃ, agus naċ ḃfuil bréug ar biṫ ón ḃfírinne.

²² Cía atá na ḃréugaire aċd an tí ṡéunus gur ab é Iósa is Críosd ann? A sé so an tainticríosd, noċ ṡéunus an Taṫair agus an Mac.

²³ Giḋ bé ṡéunas an Mac, ní ḃfuil an Taṫair aige: giḋ bé adṁuiġeas an Mac atá an Taṫair aige mar an gcéudna.

²⁴ Uime sin coṁnuiġeaḋ an ní do ċúalaḃair ó ṫosuiġ ionnuiḃ. Dá gcoṁnuiġiḋ an ní do ċúalaḃair ó ṫosuiġ ionnuiḃ, biáiḋ siḃse mar an gcéudna ḃur gcóṁnuiġe sa Ṁac, agus sa Naṫair.

²⁵ Agus a sé so an geallaḋ do ġeall sé ḋúinn, eaḋon an ḃeaṫa ṁarṫannaċ.

²⁶ Do sgríoḃ me na neiṫese ċuguiḃ a dtimċioll na druinge ḃíos da ḃur meallaḋ.

²⁷ Aċd atá an tungaḋ do ġlacaḃair úaḋsan na ċoṁnuiġe ionnuiḃ, agus ní ḃfuil na riaċdanus oruiḃ neaċ ar biṫ ḃur múnaḋ: aċd mar ṁuineas an tungaḋ sin siḃ a dtáoḃ na nuile neiṫeann, agus as fírinneaċ é, agus ní ḃfuil bréug ann, agus do réir mar do ṁúin sé siḃ, do ḋéunuiḋ siḃ coṁnuiġ annsan.

²⁸ Agus a nois, a ċlann ḃeag, déunuiġ coṁnuiġe annsan; ionnas, an tan ḟoillseóċar é, go mbiáḋ dánaċd aguinn, agus naċ mbiáiḋ náire oruinn na ḟiaḋnuise an tan ṫiucfas sé.

²⁹ Más feasaċ siḃ eision do ḃeiṫ fíréunta, bíoḋ fios aguiḃ gur úaḋasan ġeintear gaċ áon leanas don ḟiréuntaċd.