1 Chum Timóteuis 6 - An Bíobla Naoṁṫa 1817 (Bedell)

Caibidil VI Luċd na teaguisg eattrom, 4 do ṡeaċna, 6 aċd éadail na diaġaċd do gnoṫuġaḋ.

¹ Tugaḋ gaċ a ḃfuil do ṡearḃḟoġantuiġuiḃ faói ċuing meas gur fiu a maiġisdreaġa a nuile onóir dfaġáil, ionnus naċ ḃfuiġeaḋ aimn Dé agus a ṫeagusg sgannail.

² Agus an dream agá ḃfuilid maiġisdreaḋa deaġċreidṁeaċa, ná bíoḋ tarcuisne aca orrṫa do ḃríġ gur dearḃráiṫre íad; aċd go maḋ móide ḋéanuid seirḃis, do ḃríġ go ḃfuilid síad deaġċreidṁeaċ gráḋaċ, agus pártaċ sa dtioḋlacaḋ. Múin agus teaguisg na neiṫese.

³ Dá dtaḃruiḋ áoinneaċ aṫarraċ teaguisg úaḋa, agus naċ dtaḃair áonta do ḃriaṫruiḃ falláin, bríaṫra ar Dtíġearna Iósa Críosd, agus don teagusg atá réir ḋiaġaċda;

⁴ Atá sé uáiḃreaċ gun fios áoinneiṫe aige, aċd é ar sáoḃ céille a dtimċeall ċeasdann agus imreasan focal, tré na dtig miosguis, connsbóid, anċaint, droċ ḃaraṁla,

⁵ Diosbóireaċd ċíapálaċ ḋaóineaḋ truáilliġ na ninntinn, agus atá dealuiġṫe ris a nfírinne, agus ṡaóileas gur díaġaċd a néudáil: dealuiḋ ré na saṁuil sin do ḋaóiniḃ.

⁶ Giḋeaḋ is éudáil mór an díaġaċd maille ré neaċ ḃeiṫ sásdaḋ ré na staid féin.

⁷ Oír ní ṫugamar ní ar biṫ linn air a tsáoġal, is follas fós naċ féidir linn éinní ḃreiṫ as.

⁸ Uime sin an feaḋ atá bíaḋ agus éudaċ aguinn ar fáġail go maḋ lór linn é.

⁹ Aċd an dream lér mían ḃeiṫ saiḋḃir tuitid síad a gcáṫuġaḋ agus a ndul, agus a niomad ainṁían éigcéilliḋe díoġḃalaċa, naċ ṁúċas daóine a sgríos agus a milleaḋ.

¹⁰ Oír a sé gráḋ a nairgid fréuṁ na nuile olc: noċ ar mbeiṫ do ḋruing áiriġe ḋá ṡauntuġaḋ, do ċúadar ar seaċrán ón gcreideaṁ, agus do ṫolladar íad féin ṫríoṫaḋ ré hiomad dóilġis.

¹¹ Aċd tusa, óglaóiċ Dé, seaċuin na neiṫese; agus lean dfíréuntaċd, do ḋíaġaċd, do ċreideaṁ, do ġráḋ, dfoiġid, agus do ċeannsaċd.

¹² Déun coṁrac maiṫ sa gcreideaṁ, beir greim ar an mbeaṫa ṁarrṫannuiġ, ċum ar goireaḋ ṫú, agus ar a ndearnuíḋ tú adṁáil mnhaiṫ a láṫair ṁoráin dfíaġnuiḃ.

¹³ Aiṫním ḋíot ḃfíaḋnuisi Dé ḃéoḋuiġeas na huile neiṫe, agus Iósa Críosd, noċ do rinne fíaḋnuisi agus adṁáil ṁaiṫ a láṫair Ṗuinc Ṗíolaid:

¹⁴ Na haiṫeantasa do ċoiṁéud gan ċáiḋ, gan loċd, go teaċd ar Dtíġearna Iósa Críosd:

¹⁵ Noċ ḟoillseoċas na ám féin, an tí atá beannuiġe eaḋon an Coíṁḋe cúṁaċdaċ na áonar, Rí na ríġṫeaḋ, agus Tíġearna na dtíġearnaḋ;

¹⁶ Agá ḃfuil an neaṁmarḃṫaċd na áonar féidir dáonneaċ a roċduin; náċ ḃfácuiḋ duine ríaṁ, agus naċ ḃféudann ḟaicsin: onóir agus cúṁaċd síorruiḋe ḋó. Amen.

¹⁷ Fogair don druing atá sáiḃḃir sa tsáoġalsa, gan ḃeiṫ áirdinntinneaċ, ná a muiniġin do ċur a sáiḋḃreas neaṁbuáin, aċd sa Día ḃeó do ḃeir ḋúinne go sáiḋḃir na huile neiṫer ċum a ccaiṫṁe;

¹⁸ Máiṫ do ḋéunaṁ, ḃeiṫ sáiḋḃir a ndéaġoibriġṫiḃ, éusguiḋ fá na gcuid do ṫaḃair úaṫa, agus do róinn maille ré cumann;

¹⁹ Císde ċur a dtaisge ar ḟondaimeint ṁaiṫ ḋóiḃ féin ré haġuiḋ na haimsire atá ċum teaċda, ċum na béaṫa marrṫannuiġ do ġnóḋuġaḋ ḋóiḃ.

²⁰ O a Ṫimotéuis, coiṁéid an ní fágḃaḋ táoḃ riot, agus seaċain cíapáil ḃríaṫar neaṁḋíaġa gan éifeaċd, agus conntrarrḋaċd ealaḋan náċ ḃfuil aċd na haínm ealaḋna:

²¹ Noċ ar mbeiṫ do ḋruing áiriġe ḋá hadṁáil do ċúadar ar seaċrán a dtimċioll an ċreidiṁ. Grása maille riot. Amén.