1 Chum Timóteuis 4 - An Bíobla Naoṁṫa 1817 (Bedell)

Caibidil IV Tairrgir attáoḃ ḟúarċreideaṁ, agus ċraḃuḋ ċoiṁiġeaċ na naimsire deiġionnaċ.

¹ Aċd a deir an Sbiorad go follas, go dtréigfiḋ dream áiriġe an creideaṁ sna haimsearuiḃ deiġeanaċa, ag taḃairt aire do sbioraduiḃ seaċranaċa, agus do ṫeagusguiḃ deaṁan;

² Tre ċlúainecreaċd luċd laḃarṫa na breéige; mar mbeiṫ dá ccoinnsíasuiḃ ar na losgaḋ ré híarann dearg;

³ Noċ ṫoirmisgeas pósaḋ, an bíaḋ do ṡeaċna, noċ do ċrúṫuiġ Día ċum a ċaiṫṁe maille re haltuġaḋ don druing ċreideas agus agá ḃfuil fios na fírinne.

⁴ Oír as maiṫ gaċ ní do ċrúṫuiġ Día, agus ní cóir éinní deiteaċ, aċd go ngaḃṫar é máille ré breiṫ ḃuiḋeaċuis:

⁵ Oír do níṫear náoṁṫa é tré ḃréiṫir Dé agus tré urnuiġe.

⁶ Dá gcuiriḋ tú na neiṫesi a gcéill do na dearḃráiṫriḃ, biáḋ tú ad ṁinisdir ṁaiṫ Diósa Críosd, ar mbeiṫ ḋuit oilte a mbríaṫruiḃ an ċreidiṁ agus an teagusg ṁaiṫ, dár lean tú.

⁷ Giḋeaḋ seaċain sgéula fáḃuil neaṁḋíaġa caillċúla, agus cleaċd ṫú féin ċum díaġaċda.

⁸ Oír as beag an tarḃa a dtéid an cleaċdaḋ corparrḋa: aċd is tarḃaċ an díaġaċd ċum na nuile neiṫeann, agá ḃfuil geallaḋ na beaṫa atá a laṫair, agus ċum teaċda.

⁹ As ráḋ fírinneaċ so agus atá sé iongaḃála ris ar gaċ éunċor.

¹⁰ Oír as uime do nimíd sáoṫar agus imḋeargṫar sinn, do ḃríġ go ḃfuil ar muiniġin a Ndía ḃí, agár ab é as fear sáorṫa do na huile ḋáoiniḃ, go mórṁór do druing ċreideas.

¹¹ Fógair agus teaguisg na neiṫese.

¹² Ná bíoḋ tarcuisne ag áoinneaċ ar hóige; aċd bí mar eisiompláir don druing agá ḃfuil creideaṁ, a mbréiṫir, a gcoinḃearsaid, a ngráḋ, a sbioruid, a gcreideaṁ, agus a ḃfíorġloine.

¹³ Go teaċd daṁsa taḃair, haire do léiġṫóireaċd, do ṫeagusg, agus dfoirċeadal.

¹⁴ Ná léig failliḋe sa dtioḋlacaḋ atá ionnad, noċ tugaḋ ḋuit tré fáiḋeadóireaċd maille ré leagaḋ láṁ na sinnsear.

¹⁵ Smuáin ar na neiṫiḃse; cóṁnuiġ ionnta; ionnus go mbíaḋ do ṫeaċd ar haġuiḋ follas do na huile ḋáoiniḃ.

¹⁶ Taḃair aire ḋuit féin, agus do ṫeagusg; coṁnuiġ ionnta: oír dá ndéuna tú sin sáorfuiḋ tu ṫú féin, agus an drong éisdeas riot.