UMatewu 1 - iBhayibhili Elingcwele 1978

Izizukulwana zikaJesu

¹ Ugwalo lokuzalwa kukaJesu Kristu, iNdodana kaDavida, indodana kaAbrahama.

² UAbrahama wazala uIsaka; uIsaka wazala uJakobe; uJakobe wazala uJuda labafowabo;

³ uJuda wazala uPerezi loZara kuTamari; uPerezi wazala uHezironi; uHezironi wazala uAramu;

⁴ uAramu wazala uAminadaba; uAminadaba wazala uNashoni; uNashoni wazala uSalimoni;

⁵ uSalimoni wazala uBowasi kuRahabi; uBowasi wazala uObedi kuRuthe; uObedi wazala uJese;

⁶ uJese wazala uDavida, inkosi. UDavida wazala uSolomoni kumkaUriya;

⁷ uSolomoni wazala uRehobowamu; uRehobowamu wazala uAbija; uAbija wazala uAsa;

⁸ uAsa wazala uJehoshafati; uJehoshafati wazala uJoramu; uJoramu wazala uOziya;

⁹ uOziya wazala uJothamu; uJothamu wazala uAhazi; uAhazi wazala uHezekiya;

¹⁰ uHezekiya wazala uManase; uManase wazala uAmoni; uAmoni wazala uJosiya;

¹¹ uJosiya wazala uJekoniya labafowabo ngesikhathi sokuthunjelwa kwabo eBabiloni.

¹² Emva kokuthunjelwa kwabo eBabiloni uJekoniya wazala uSalatiyeli; uSalatiyeli wazala uZerubabeli;

¹³ uZerubabeli wazala uAbiyudi; uAbiyudi wazala uEliyakimi; uEliyakimi wazala uAzori;

¹⁴ uAzori wazala uZadoki; uZadoki wazala uAkimi; uAkimi wazala uEliyudi;

¹⁵ uEliyudi wazala uEleyazare; uEleyazare wazala uMathani; uMathani wazala uJakobe;

¹⁶ uJakobe wazala uJosefa, indoda kaMariya owazala uJesu othiwa nguKristu.

¹⁷ Ngakho izizukulwana zonke ezisukela kuAbrahama ziye kuDavida ziyizizukulwana ezilitshumi lane; lezisukela kuDavida ziye ekuthunjelweni kwabo eBabiloni ziyizizukulwana ezilitshumi lane; lezisukela ekuthunjelweni kwabo eBabiloni ziye kuKristu ziyizizukulwana ezilitshumi lane.

Ukuzalwa kukaJesu

¹⁸ Ukuzalwa kukaJesu Kristu kwaba nje. Unina uMariya esekhombe uJosefa, bengakathathani wafunyanwa eselesisu ngoMoya oNgcwele.

¹⁹ Kodwa uJosefa ijaha lakhe engumuntu olungileyo, engathandi ukumthela ihlazo, wayefuna ukumlahla ngensitha.

²⁰ Kwathi esanakana lokho, isithunywa seNkosi sabonakala kuye ephupheni, sathi: Josefa, ndodana kaDavida, ungesabi ukumthatha uMariya abe ngumkakho, ngoba lokho akukhulelweyo kungoMoya oNgcwele.

²¹ Uzakuzala indodana, uyithe ibizo uthi nguJesu, ngoba yena uzakusilisa abantu bakhe ezonweni zabo.

²² Lokhu konke kwenzeka ukuba kugcwaliseke okwakhulunywa yiNkosi ngomprofethi ukuthi:

²³ Khangela, intombi izakuthatha isisu ibelethe indodana, ezakubizwa ngokuthi nguEmanuweli, okuyikuthi ngokuphendulelwa, uNkulunkulu ulathi.

²⁴ Kwathi uJosefa esephapheme ebuthongweni, wenza njengalokho isithunywa seNkosi simlayile, wamthatha waba ngumkakhe;

²⁵ kodwa kazanga aye kuye, waze wazibula ngendodana; wayitha ibizo wathi nguJesu.