UMalaki 4 - iBhayibhili Elingcwele 1978

Usuku lweNkosi luyeza

¹ Ngoba luyeza usuku oluvutha njengeziko lapho bonke abaziphakamisayo labenza okubi bazakuba njengezibi ezitshayo; lolosuku oluzayo luzabatshisa, kutsho iNkosi yamabandla, lungabatshiyeli impande logatsha.

² Kodwa kini elesaba ibizo lami kuzakuphuma ilanga lokulunga lilokusilisa empikweni zalo. Lina lizaphuma, liqolotsha njengamathole ephuma esibayeni.

³ Lizabanyathela ababi, ngoba bazakuba njengomlotha ngaphansi kwenyawo zenu mhla wosuku lokwenza kwami, kutsho iNkosi yamabandla.

⁴ Khumbulani umlayo wenceku yami uMose, izimiso lezahlulelo engamlaya ukuzinika uIsrayeli wonke eHorebe.

⁵ Khangelani, ngizalithumela umprofethi uElija lungakafiki usuku lweNkosi olukhulu lolwesabekayo.

⁶ Uzaphendulela inhliziyo zaboyise ebantwaneni babo, lezabantwana kuboyise, funa ngize ngitshaye ilizwe ngesiqalekiso.