UJoshuwa 21 - iBhayibhili Elingcwele 1978

Imizi yamaLevi

¹ Inhloko zezindlu zamaLevi zeza kuEleyazare umpristi lakuJoshuwa indodana kaNuni lakuzo inhloko zezindlu zaboyise bezizwe zakoIsrayeli,

² eShilo elizweni laseKanani, zathi kibo: INkosi yalaya uMose ukuba siphiwe imizi ukuba sihlale kiyo, siphiwe lamadlelo ezifuyo zethu.

³ Ngakhoke ngomlayo weNkosi abakoIsrayeli banika amaLevi esabelweni sabo limizi kanye lamadlelo ayo.

⁴ Inkatho yadla usendo lwamaKohathi. LawomaLevi ayengabantwana bakaAroni umpristi anikwa ngenkatho esizweni sakoJuda lesakoSimeyoni lesakoBenjamini imizi elitshumi lantathu.

⁵ Abaseleyo kumaKohathi banikwa ngenkatho osendweni lwesizwe sakoEfrayimi lesakoDani lengxenye yesizwe sakoManase imizi elitshumi.

⁶ AmaGerishoni anikwa ngenkatho osendweni lwesizwe sakoIsakari lesakoAsheri lesakoNafitali lengxenge yesizwe sakoManase eBashani imizi elitshumi lantathu.

⁷ AmaMerari ngosendo lwawo anikwa esizweni sakoRubeni lesakoGadi lesakoZebuluni imizi elitshumi lambili.

⁸ Leyomizi lamadlelo ayo abakoIsrayeli bayinika amaLevi ngenkatho, njengokulaya kweNkosi ngoMose.

⁹ Esizweni sakoJuda lesakoSimeyoni amaLevi anikwa limizi eqanjwa lapho ngamabizo,

¹⁰ eyathathwa ngabantwana bakoAroni, olunye usendo lwamaKohathi ayengamaLevi, lokhu badliwa yinkatho kuqala.

¹¹ Babanika iKiriyathi‐Arba — uArba wayenguyise kaAnaki — okutsho iHebroni, ngasezintabeni zakoJuda lawo wonke amadlelo inxa zonke.

¹² Kodwa amasimu omuzi lemizana yawo kwasekunikwe uKalebi indodana kaJefune ukuba kube ngokwakhe.

¹³ Abantwana bakaAroni umpristi banikwa iHebroni, umuzi wokuphephela umbulali, kanye lamadlelo alo, leLibina lamadlelo alo,

¹⁴ leJatiri lamadlelo alo, leEshitemowa lamadlelo alo,

¹⁵ leHoloni lamadlelo alo, leDebiri lamadlelo alo,

¹⁶ leAshani lamadlelo alo, leJuta lamadlelo alo, leBeti‐Shemeshi lamadlelo alo; imizi eficamunwemunye eyathathwa kulezizizwe ezimbili.

¹⁷ Esizweni sakoBenjamini kwathathwa iGibeyoni lamadlelo alo, leGeba lamadlelo alo,

¹⁸ leAnathothi lamadlelo alo, leAlimoni lamadlelo alo, imizi emine.

¹⁹ Yonke imizi yabantwana bakaAroni abangabapristi yayilitshumi lantathu lamadlelo ayo.

²⁰ Imizi eyanikwa amanye amaKohathi angamaLevi ngenkatho yayivela esizweni sakoEfrayimi.

²¹ Anikwa iShekema, umuzi wokuphephela umbulali, kanye lamadlelo alo ezintabeni zakoEfrayimi, leGezeri lamadlelo alo,

²² leKibizayimi lamadlelo alo, leBeti‐Horoni lamadlelo alo, imizi emine.

²³ Esizweni sakoDani anikwa iEliteke lamadlelo alo, leGibethoni lamadlelo alo,

²⁴ leAjaloni lamadlelo alo, leGathi‐Rimoni lamadlelo alo, imizi emine.

²⁵ Engxenyeni yesizwe sakoManase anikwa iTanaki lamadlelo alo, leJibileyamu lamadlelo alo, imizi emibili.

²⁶ Imizi yosendo lwamanye amaKohathi yayilitshumi isiyonke kanye lamadlelo ayo.

²⁷ AmaGerishoni, olunye usendo lwamaLevi, anikwa engxenyeni yesizwe sakoManase iGolani eBashani, umuzi wokuphephela umbulali, lamadlelo alo, leAshitarothi lamadlelo alo, imizi emibili.

²⁸ Esizweni sakoIsakari anikwa iKishiyoni lamadlelo alo, leDaberathi lamadlelo alo,

²⁹ leJarimuthi lamadlelo alo, leEni‐Ganimi lamadlelo alo, imizi emine.

³⁰ Esizweni sakoAsheri anikwa iMishali lamadlelo alo, leAbidoni lamadlelo alo,

³¹ leHelkathi lamadlelo alo, leRehobi lamadlelo alo, imizi emine.

³² Esizweni sakoNafitali anikwa iKedeshi eGalili, umuzi wokuphephela umbulali, lamadlelo alo, leHamothi‐Dori lamadlelo alo, leKaritani lamadlelo alo, imizi emithathu.

³³ Imizi yosendo lwamaGerishoni isiyonke yayilitshumi lantathu kanye lamadlelo ayo.

³⁴ AmaLevi aseleyo, awosendo lwamaMerari, anikwa esizweni sakoZebuluni iJokineyamu lamadlelo alo, leKarita lamadlelo alo,

³⁵ leRimoni lamadlelo alo, leNahalali lamadlelo alo, imizi emine.

³⁶ Esizweni sakoRubeni anikwa iBezeri lamadlelo alo, leJahazi lamadlelo alo,

³⁷ leKedemothi lamadlelo alo, leMefahathi lamadlelo alo, imizi emine.

³⁸ Esizweni sakoGadi anikwa iRamothi eGileyadi, umuzi wokuphephela umbulali, lamadlelo alo, leMahanayimi lamadlelo alo,

³⁹ leHeshiboni lamadlelo alo, leJazeri lamadlelo alo, imizi emine isiyonke.

⁴⁰ Yaba yimizi elitshumi lambili isiyonke eyanikwa ngenkatho abaseleyo osendweni lwamaMerari angamaLevi.

⁴¹ Imizi eyanikwa amaLevi ivela elizweni labakoIsrayeli yayingamatshumi amane leficaminwembili isiyonke lamadlelo ayo.

⁴² Lowo lalowomuzi wawulamadlelo inxa zonke, kwakunjalo kuleyo yonke imizi.

AbakoIsrayeli bathatha ilizwe

⁴³ INkosi yabanikake abakoIsrayeli lonke ilizwe eyafunga ukubanika lona okhokho babo; sebelithethe bahlala kulo.

⁴⁴ INkosi yabanika ukuphumula inxa zonke njengokufunga kwayo kubokhokho babo. Kakubanga khona lasinye isitha sabo esamelana labo, ngoba iNkosi yazinikela izitha zonke zabo ezandleni zabo.

⁴⁵ Kakuphuthanga lesisodwa kuzo zonke izithembiso ezinhle iNkosi eyazenza kuIsrayeli.