UJoshuwa 19 - iBhayibhili Elingcwele 1978

Ilizwe elanikwa isizwe sakoSimeyoni

¹ Inkatho yesibili yenzelwa isizwe sakoSimeyoni ngosendo lwaso. Ilizwe laso laliphakathi kwelizwe lesizwe sakoJuda.

² Lalithatha iBerisheba leShema leMolada

³ leHazari‐Shuwali leBala leEzema

⁴ leElitoladi leBethuli leHorma

⁵ leZiklagi leBeti‐Marikabothi leHazari‐Susa

⁶ leBeti‐Lebawothi leSharuheni; imizi elitshumi lantathu lemizana yayo.

⁷ Kukhona leEni‐Rimoni leEtheri leAshani; imizi emine lemizana yayo,

⁸ kanye layo yonke imizana ezingelezele imizi le kuze kufike eBalathi‐Beri, iRama laseNegebi. Leli yilizwe lesizwe sakoSimeyoni ngosendo lwaso.

⁹ Ilizwe lesizwe sakoSimeyoni lavela elizweni lakoJuda; ngoba isabelo sesizwe sakoJuda sasisikhulu kakhulu, isizwe sakoSimeyoni sazuza ilizwe laso phakathi kwelakoJuda.

Ilizwe elanikwa isizwe sakoZebuluni

¹⁰ Inkatho yesithathu yadla isizwe sakoZebuluni ngosendo lwaso. Ilizwe laso lafika eSaridi.

¹¹ Umngcele walo waqonda entshonalanga wadlulela eMareyali, wagudla iDabeshethi lesifula esingasempumalanga kweJokineyamu;

¹² waphenduka eSaridi waqonda empumalanga emngceleni weKisilothi‐Tabori, wasuka lapho waya eDaberathi, wadlulela eJafiya;

¹³ wasuka lapho waqonda empumalanga waya eGathi‐Heferi leEthi‐Kazini, wadlulela eRimoni, wasuphendukela eNeya;

¹⁴ ngasenyakatho waphendukela eHanathoni, waphelela esihotsheni saseIfitaheli;

¹⁵ elizweni kwakukhona leKatathi leNahalali leShimironi leIdala leBetlehema, imizi elitshumi lambili lemizana yayo.

¹⁶ Imizi le lemizana yayo yayiyilizwe lesizwe sakoZebuluni ngosendo lwaso.

Ilizwe elanikwa isizwe sakoIsakari

¹⁷ Inkatho yesine yenzelwa isizwe sakoIsakari ngosendo lwaso.

¹⁸ Ilizwe laso lathatha iJezereli leKesulothi leShunemi

¹⁹ leHafarayimi leShiyoni leAnaharathi

²⁰ leRabithi leKishiyoni leEbezi

²¹ leRemethi leEni‐Ganimi leEni‐Hada leBeti‐Pazezi.

²² Umngcele walo wagudla iTabori leShahazuma leBeti‐Shemeshi, wayaphelela eJordani; kwakulemizi elitshumi lesithupha lemizana yayo.

²³ Leli yilizwe lesizwe sakoIsakari ngosendo lwaso, imizi lemizana yayo.

Ilizwe elanikwa isizwe sakoAsheri

²⁴ Inkatho yesihlanu yadla isizwe sakoAsheri ngosendo lwaso.

²⁵ Ilizwe laso lathatha iHelkathi leHali leBeteni leAkishafi

²⁶ leAlameleki leAmadi leMishali; ngasentshonalanga lagudla iKarmeli leShihori‐Libinathi,

²⁷ laseliphenduka liqonda empumalanga lisiya eBeti‐Dagoni, lagudla iZebuluni lesihotsha saseIfitaheli, ladlulela enyakatho laya eBeti‐Emeki leNeyeli, laqhubeka enyakatho laya eKabuli,

²⁸ leEbroni leRehobi leHamoni leKana laze lafika eSidoni elikhulu.

²⁹ Umngcele wasuphenduka uqonda eRama, waya emzini obiyelweyo waseTire; wasuphenduka uqonda eHosa, wayaphelela olwandle, eMahalabi leAkizibi

³⁰ leUma leAfeki leRehobi, imizi engamatshumi amabili lambili lemizana yayo.

³¹ Leli yilizwe lesizwe sakoAsheri ngosendo lwaso, imizi le lemizana yayo.

Ilizwe elanikwa isizwe sakoNafitali

³² Inkatho yesithupha yadla isizwe sakoNafitali ngosendo lwaso.

³³ Umngcele waso wasuka eHelefi, esihlahleni esikhulu saseZananimi leAdami‐Nekebi leJabineli, waze wayafika eLakumi, waphelela eJordani;

³⁴ wasuphenduka uqonda entshonalanga usiya eAzinothi‐Tabori, wadlula lapho waya eHukoki, wagudla iZebuluni ngaseningizimu, leAsheri ngasentshonalanga, leJordani ngasempumalanga.

³⁵ Imizi ebiyelweyo yayiyile; iZidimi leZeri leHamathi leRakathi leKinerethi

³⁶ leAdama leRama leHazori

³⁷ leKedeshi leEdreyi leEni‐Hazori

³⁸ leYironi leMigidaleli leHorema leBeti‐Anathi leBeti‐Shemeshi; imizi elitshumi leficamunwemunye lemizana yayo.

³⁹ Leli yilizwe lesizwe sakoNafitali ngosendo lwaso, imizi lemizana yayo.

Ilizwe elanikwa isizwe sakoDani

⁴⁰ Inkatho yesikhombisa yadla isizwe sakoDani ngosendo lwaso.

⁴¹ Ilizwe laso lathatha iZora leEshitawoli leIri‐Shemeshi

⁴² leShalabini leAjaloni leIthila

⁴³ leEloni leTimina leEkroni

⁴⁴ leEliteke leGibethoni leBalathi

⁴⁵ leJehudi leBene‐Beraki leGathi‐Rimoni

⁴⁶ leMejarkoni leRakoni lelizwe eliqondene leJopha.

⁴⁷ Kwathi abakoDani sebelahlekelwe yilizwe labo, basuka bayahlasela iLeshema; sebelithumbile balichitha ngomkhonto, bahlala kilo, babiza iLeshema ngokuthi yiDani, ibizo likakhokho wabo uDani.

⁴⁸ Leli yilizwe lesizwe sakoDani ngosendo lwaso, imizi le lemizana yayo.

Ilizwe elanikwa uJoshuwa

⁴⁹ Kwathi sebeqedile ukwaba indawo ezinengi zelizwe zibe ngezabo, abakoIsrayeli bamnika uJoshuwa indodana kaNuni isabelo phakathi kwabo.

⁵⁰ Ngokulaya kweNkosi bamnika umuzi awucelayo, iTiminathi‐Sera ezintabeni zakoEfrayimi, wawakha kutsha, wahlala kiwo.

⁵¹ La ngamazwe uEleyazare umpristi loJoshuwa indodana kaNuni lezinhloko zezindlu zezizwe zakoIsrayeli abawaba ngenkatho eShilo phambi kweNkosi, ngasemnyango wethente lokuhlangana. Baqedake ukulaba ilizwe.