UJoshuwa 12 - iBhayibhili Elingcwele 1978

Amakhosi anqotshwa nguMose

¹ La ngamakhosi elizwe anqotshwa ngabakoIsrayeli, bathatha ilizwe lawo ngaphetsheya kweJordani ngasempumalanga, kusukela esihotsheni saseArinoni kusiya entabeni yaseHermoni, lalo lonke iAraba kusiya ngasempumalanga;

² uSihoni inkosi yamaAmori owayehlala eHeshiboni, ebusa kusukela eAroweri elisemphethweni wesihotsha saseArinoni laphakathi kwesihotsha, lengxenye yeGileyadi kuze kufike emfuleni iJaboki ongumngcele wamaAmoni,

³ leAraba kuze kufike olwandle lwaseKinerethi, kusiya empumalanga lasekuyeni eBeti‐Jeshimothi kuze kube solwandle lwaseAraba, uLwandle lweTshwayi, kusiya eningizimu emawatheni ePisiga;

⁴ loOgi inkosi yaseBashani omunye wabasalayo kumaRefa owayehlala eAshitarothi laseEdreyi,

⁵ wabusa intaba yaseHermoni leSaleka lalo lonke iBashani kuze kube semngceleni wamaGeshuri lamaMahakathi, lengxenye yeGileyadi kuze kufike emngceleni kaSihoni inkosi yaseHeshiboni.

⁶ UMose inceku yeNkosi labakoIsrayeli babanqoba. UMose walinika ilizwe labo abakoRubeni labakoGadi lengxenye yesizwe sakoManase.

Amakhosi anqotshwa nguJoshuwa

⁷ La ngamakhosi elizwe anqotshwa nguJoshuwa labakoIsrayeli ngasentshonalanga kweJordani, kusukela eBali‐Gadi esihotsheni saseLebanoni kusiya entabeni elugwadule kusiya eSeyiri. UJoshuwa walabela abakoIsrayeli ilizwe lawo,

⁸ ezintabeni, eShefela, eAraba, emaqaqeni, enkangala, eNegebi, ilizwe lamaHethi lamaAmori lamaKanani lamaPerizi lamaHivi lamaJebusi.

⁹ Inkosi yaseJeriko, leyaseAyi eliphansi kweBetheli,

¹⁰ leyaseJerusalema, leyaseHebroni,

¹¹ leyaseJarimuthi leyaseLakishi

¹² leyaseEgiloni leyaseGezeri

¹³ leyaseDebiri leyaseGederi

¹⁴ leyaseHorma leyaseAradi

¹⁵ leyaseLibina leyaseAdulamu

¹⁶ leyaseMakeda leyaseBetheli

¹⁷ leyaseTapuwa leyaseHeferi

¹⁸ leyaseAfeki leyaseLasharoni

¹⁹ leyaseMadoni leyaseHazori

²⁰ leyaseShimironi‐Meroni leyaseAkishafi

²¹ leyaseTanaki leyaseMegido

²² leyaseKedeshi leyaseJokineyamu eKarmeli,

²³ leyaseDori elizweni laseDori, leyaseGoyimi eGalili,

²⁴ leyaseTiriza; ewonke ayengamakhosi angamatshumi amathathu lanye.