UJona 2 - iBhayibhili Elingcwele 1978

Umkhuleko kaJona wokubonga

¹ UJona wasekhuleka eNkosini uNkulunkulu wakhe esesiswini senhlanzi,

² esithi: Ekuhluphekeni kwami ngakhala eNkosini, yangiphendula; ngisendaweni yabafileyo ngamemeza, wena walizwa ilizwi lami.

³ Wangiphosela emanzini amanengi, enzikini yolwandle, impophoma yangihanqa inxa zonke; wonke amavinqo lamaza akho edlula phezu kwami.

⁴ Ngasengisithi: Ngixotshiwe ebusweni bakho; ngizabuya ngilibone kanjani ithempeli lakho elingcwele na?

⁵ Amanzi angihanqileyo asefike entanyeni yami, amanzi amanengi angisibekela; ukhula lwathandela ikhanda lami

⁶ ezisekelweni zentaba. Ngatshona elizweni, imigoqo yalo yangivalela kwaze kwaba nini lanini; kanti wangikhupha emgodini, Nkosi Nkulunkulu wami.

⁷ Lapho umphefumulo wami uphela amandla, ngayikhumbula iNkosi; umkhuleko wami wafinyelela kuwe ethempelini lakho elingcwele.

⁸ Labo abakhonza izithombe eziyize balahla ukuthembeka kwabo kuwe.

⁹ Kodwa mina ngizanikela umnikelo ngikudumise ngelizwi lokubonga, ngigcwalise izithembiso zami; ukukhulula kungokweNkosi.

¹⁰ INkosi yakhuluma enhlanzini; inhlanzi yamhlanzela uJona emhlabathini owomileyo.