UJeremiya 47 - iBhayibhili Elingcwele 1978

Ilizwi ngamaFilistiya

¹ Ilizwi leNkosi elafika kuJeremiya umprofethi ngamaFilistiya, uFaro engakanqobi iGaza, lathi:

² INkosi ithi: Khangela, amanzi ayaphuma enyakatho, azakuba ngumfula okhukhulayo, akhukhule ilizwe lakho konke okukulo, lemizi kanye labahlala kiyo. Abantu bazakhala, bonke abakhileyo elizweni balile.

³ Ngomsindo wokugidiza kwamasondo amabhiza akhe, langomdumo wenqola zakhe zempi, langomdumo wamasondo azo, oyise kabanyemukuli abantwana babo ngenxa yobuthakathaka babo,

⁴ ngenxa yosuku oluzayo lokuchithwa kwawo wonke amaFilistiya, lokuqeda eTire leSidoni bonke abasizi abaseleyo. Ngoba iNkosi iyawachitha amaFilistiya, labaseleyo esihlengeni saseKafitori.

⁵ IGaza ligelile ikhanda lalo, leAshikeloni liphelile. Lina baseleyo bamaAnaki lizazisika kuze kube nininini na?

⁶ Hawu, mkhonto weNkosi! koze kube nini ungakhawuli na? Buyela emgodleni wakho, uhlale uphumule.

⁷ Kodwa ungaphumula kanjani lapho iNkosi iwulayile na? Iwumisele iAshikeloni lezinkumbi zolwandle.