UJeremiya 45 - iBhayibhili Elingcwele 1978

Ilizwi likaJeremiya kuBaruki

¹ Ilizwi uJeremiya umprofethi alikhuluma kuBaruki indodana kaNeriya, ekulobeni kwakhe lamazwi encwadini, uJeremiya emtshela wona, ngomnyaka wesine wokubusa kukaJehoyakimi indodana kaJosiya, inkosi yakoJuda,

² lathi: INkosi, uNkulunkulu kaIsrayeli, ithi kuwe Baruki:

³ Uthi wena: Maye mina! ngoba iNkosi yengezelela usizi ebuhlungwini bami, sengikhathele yikukhala, kangifumani ukuphumula.

⁴ Uzakuthi kuBaruki: INkosi ithi: Lokho engikwakhileyo ngiyakudiliza, lalokho engikuhlanyeleyo ngiyakusiphuna; yebo, ngizakwenza njalo elizweni lonke.

⁵ Wena uzifunela izinto ezinkulu na? Ungazidingi; ngoba ngiletha okubi phezu kwabo bonke abantu, kutsho iNkosi, kodwa wena uzasila, uphunyuke lokuphila kwakho kuzo zonke indawo lapho uya khona.