UHosiya 6 - iBhayibhili Elingcwele 1978

Ukuphenduka kukaIsrayeli kakuqotho

¹ Wozani sibuyele eNkosini, ngoba yona isilimazile, kanti izaselapha; isitshayile, kanti izakubopha amanxeba ethu.

² Ngemva kwensuku ezimbili izakusivuselela, isivuse ngosuku lwesithathu, ukuba siphile phambi kwayo.

³ Asiyazi, asiphikelele ukuyazi iNkosi, ukufika kwayo kuqinisekile njengokusa; izafika kithi njengemikhizo, njengezulu elinetha umhlaba.

⁴ INkosi ithi: Ngizakwenza njani ngawe, wena Efrayimi? Ngizakwenza njani ngawe, wena Juda? Uthando lwenu lunjengeyezi lasekuseni, njengamazolo athintitheka masinyane.

⁵ Ngakhoke ngilitshayile ngabaprofethi, ngalibulala ngamazwi omlomo wami, lokwahlulela kwami kusobala njengokukhanya.

⁶ Ngoba ngifuna uthando olungapheliyo kulomhlatshelo, lokwazi uNkulunkulu kuleminikelo yokutshiswa.

⁷ Kodwa eAdima basaphula isivumelwano, bangikhohlisa khona.

⁸ IGileyadi lingumuzi wabenza okubi, ligcwele igazi.

⁹ Njengabaphangi becathamele umuntu, abapristi bayabuthana ukubulala abantu endleleni eya endaweni engcwele eShekema. yebo, benza okubi.

¹⁰ KoIsrayeli ngibone into eyesabekayo endlini engcwele; uEfrayimi uwulile lapho, yebo, uIsrayeli uzingcolisile.

¹¹ Lawe Juda, ulungiselwe ukwahlulelwa, lapho ngifisa ukubuyisa abantu bami.