UHosiya 3 - iBhayibhili Elingcwele 1978

UHoseya lesifebe

¹ INkosi yathi kimi: Hamba futhi, uthande owesifazana othandwa yisithandwa sakhe loyisifebe, njengoba iNkosi ithanda abakoIsrayeli, lanxa bephendukela kwabanye onkulunkulu, bethanda izinkwa zezithelo ezomisiweyo zevini ezinikelwa ezithombeni.

² Ngasengimthenga ngamashekeli esiliva alitshumi lanhlanu, langehomeri elilengxenye yebhali.

³ Ngathi kuye: Uzahlala lami ube ngowami insuku ezinengi; ungawuli, ungabi ngowenye indoda, lami ngizakuba ngowakho.

⁴ Ngoba abakoIsrayeli bazahlala insuku ezinengi bengelankosi lombusi, lomhlatshelo, lensika yokukhonzela, bengelangubo yamahlombe, lezithombe ezithiwa ngamaterafi.

⁵ Emva kwalokho abakoIsrayeli bazabuya bayidinge iNkosi uNkulunkulu wabo, loDavida inkosi yabo. Bazabuya eNkosini besesaba, beze lasekulungeni kwayo ensukwini ezizayo.