UHosiya 14 - iBhayibhili Elingcwele 1978

UIsrayeli uyacelwa ukubuyela eNkosini

¹ Buyela eNkosini, uNkulunkulu wakho, Israyeli. Ngoba ukhutshwe yibubi bakho.

² Lungisani amazwi enu, libuye eNkosini; lithi kiyo: Susa konke okubi kithi ukuba wamukele okuhle, sikudumise ngemilomo yethu.

³ IAsiriya kaliyikusisiza, kasisayikugada amabhiza; kasisayikutsho kuzo izithombe zethu ukuthi: UnguNkulunkulu wethu. Kuwe intandane iyafumanisa umusa.

⁴ INkosi ithi: Ngizakwelapha ukungathembeki kwabo, ngibathande ngenhliziyo yami yonke, ngoba ukubathukuthelela kwami sekuphelile kibo.

⁵ Ngizakuba njengamazolo kuIsrayeli; uzakhahlela njengomduze, agxumekeke njengomkhaya omhlophe.

⁶ Amahlumela akhe azakunaba, lobuhle bakhe bube njengesihlahla seoliva, lephunga lakhe libe njengeLebanoni.

⁷ Bazabuya bahlale emthunzini wami, batshaye inala yamabele, bakhahlele njengevini, babe lodumo njengewayini laseLebanoni.

⁸ UEfrayimi uselendaba lezithombe na? Mina ngiyamphendula ngimcinge. Mina nginjengephane elihlala liluhlaza, izithelo zakhe zivela kimi.

⁹ Lowo ohlakaniphileyo aziqedisise lezizinto; lowo oqondayo azazi; ngoba indlela zeNkosi zilungile, labaqotho bayahamba ngazo, kodwa izoni ziyakhubeka kuzo.