UHezekhiyeli 18 - iBhayibhili Elingcwele 1978

Umuntu owonayo uzakufa ngenxa yezakhe izono

¹ Ilizwi leNkosi lafika kimi futhi lathi:

² Litsho ukuthini ngalesisaga koIsrayeli sokuthi: Oyise badlile izithelo zevini ezimunyu, amazinyo abantwana asetshelela?

³ Ngiyazifunga, kutsho iNkosi uNkulunkulu, lesisaga kasisayikutshiwo futhi koIsrayeli.

⁴ Konke ukuphila ngokwami; ukuphila kukayise kanye lokuphila komntwana kungokwami. Lowomuntu owonayo uzakufa.

⁵ Uba umuntu elungile, esenza okufaneleyo lokulungileyo,

⁶ engadleli emathempelini aphezu kwezintaba, engaphakamiseli amehlo akhe ezithombeni zakoIsrayeli, engangcolisi umfazi womakhelwana wakhe, engahlangani lowesifazana ngesikhathi esemfuleni,

⁷ engacindezeli muntu, ebuyisela kowebolekayo isibambiso sakhe, engaphangi muntu, enika olambileyo ukudla, enika abahambaze izigqoko,

⁸ engabolekisi ukuba azuze inzuzo, engathathi umvuzo, ezinqanda kokubi, ahlulele ngokuqondileyo phakathi komuntu lomuntu,

⁹ ehamba ngezimiso zami, egcina imithetho yami, onjalo ulungile; uzakuphila impela, kutsho iNkosi uNkulunkulu.

¹⁰ Uba ezala indodana engumphangi lomchithi wegazi,

¹¹ edelela lezizinto, edlela emathempelini aphezu kwezintaba, ingcolise umfazi womakhelwana wayo,

¹² icindezela abayanga labaswelayo, iphanga abantu, ingabuyiseli isibambiso, iphakamisela amehlo ayo ezithombeni, yenze amanyala,

¹³ isebolekisa ukuba izuze inzuzo, ithathe umvuzo, enjalo izakuphila na? Kayiyikuphila; yenzile wonke la amanyala; izakufa impela, legazi layo libe phezu kwayo.

¹⁴ Kodwa uba lowomuntu ezala indodana ebona izono zonke lezi ezenziwe nguyise, yesabe, ingenzi njengaye,

¹⁵ ingadleli emathempelini aphezu kwezintaba, ingaphakamiseli amehlo ayo ezithombeni zakoIsrayeli, ingangcolisi umfazi womakhelwana wayo,

¹⁶ ingoni muntu, ingathathi isibambiso, ingaphangi muntu, kodwa iphe abalambileyo ukudla, inike abahambaze izigqoko,

¹⁷ izinqande kokubi, ingathathi inzuzo lomvuzo, igcine imithetho yami, ihambe ngezimiso zami, kayiyikufela izono zikayise, kodwa izakuphila impela.

¹⁸ Uyiseke, ngoba ecindezele, waphanga umfowabo, wenza okungalunganga phakathi kwabantu bakibo, uzakufa ngenxa yezono zakhe.

¹⁹ Kanti lina lithi: Kungani indodana ingahlupheki ngenxa yezono zikayise na? Nxa indodana isikwenzile okufaneleyo lokulungileyo, isigcinile izimiso zami, izakuphila impela.

²⁰ Lowomuntu owonayo uzakufa. Indodana kayiyikuhlupheka ngenxa yezono zikayise, loyise kayikuhlupheka ngenxa yezono zendodana. Olungileyo uzavuna umvuzo wokulunga kwakhe, lomubi avune umvuzo wobubi bakhe.

Indlela kaNkulunkulu ilungile

²¹ Uba omubi ephenduka ebubini bakhe bonke abenzileyo, agcine izimiso zami, enze okufaneleyo lokulungileyo, uzakuphila impela, kayikufa.

²² Iziphambeko zakhe zonke azenzileyo kazisayikukhunjulwa; kodwa uzaphila ngenxa yokulunga kwakhe akwenzileyo.

²³ Ngiyathokoziswa yini yikufa komubi, kutsho iNkosi uNkulunkulu, kungabi yikuphenduka kwakhe endleleni yakhe aphile na?

²⁴ Kodwa nxa olungileyo ephambuka ekulungeni kwakhe, enze okubi, enze amanyala enziwa ngomubi, uzakuphila na? Izenzo zakhe zonke ezilungileyo abezenzile kazisayikukhunjulwa; ngenxa yenkohliso alecala ngayo, lesono asenzileyo, uzakufa.

²⁵ Kanti lithi: Indlela yeNkosi kayiqondanga. Zwaninike, lina Israyeli; indlela yami kayiqondanga na? Kakusizo ezenu indlela ezingaqondanga na?

²⁶ Lapho umuntu olungileyo ephambuka ekulungeni kwakhe, enze okubi, uzakufa ngenxa yakho; yebo, ngenxa yobubi abenzileyo uzakufa.

²⁷ Futhi nxa umuntu omubi ephenduka ebubini bakhe abenzileyo, enze okufaneleyo lokulungileyo, uzasilisa ukuphila kwakhe.

²⁸ Ngoba wabona, waphenduka eziphambekweni zakhe zonke abezenzile, uzakuphila impela kayikufa.

²⁹ Kodwa uIsrayeli uthi: Indlela yeNkosi kayiqondanga. Wena Israyeli, indlela zami kaziqondanga na? Kakusizo ezenu indlela ezingaqondanga na?

³⁰ Ngakhoke ngizalithonisisa, lina bakoIsrayeli, lonke ngokufanele indlela zenu, kutsho iNkosi uNkulunkulu. Phendukani, libuye eziphambekweni zenu zonke, lingachitheki ngenxa yobubi.

³¹ Susani kini zonke iziphambeko elizenzileyo kimi, lizuze inhliziyo ezintsha lomoya omutsha. Lizafelani, lina Israyeli na?

³² Ngoba kangithokoziswa yikufa komuntu, kutsho iNkosi uNkulunkulu; ngakhoke phendukani ukuba liphile.