UGenesisi 5 - iBhayibhili Elingcwele 1978

Inzalo kaAdamu

¹ Le yincwadi yezizukulwana zikaAdamu. Mhla uNkulunkulu edala umuntu, wamenza ngomfanekiso kaNkulunkulu.

² Wabadala owesilisa lowesifazana, wababusisa, wabatha ibizo mhla bedalwa wathi ngabantu.

³ UAdamu wahlala iminyaka elikhulu lamatshumi amathathu; wasezala indodana efana laye, wayitha ibizo wathi nguSeti.

⁴ Emva kokuzalwa kukaSeti uAdamu wahlala iminyaka engamakhulu aficaminwembili; wazala amadodana lamadodakazi.

⁵ UAdamu wahlala iminyaka engamakhulu aficamunwemunye lamatshumi amathathu, wasesifa.

⁶ USeti wahlala iminyaka elikhulu lanhlanu; wasezala uEnosi.

⁷ Emva kokuzalwa kukaEnosi uSeti wahlala iminyaka engamakhulu aficaminwembili lesikhombisa; wazala amadodana lamadodakazi.

⁸ USeti wahlala iminyaka engamakhulu aficamunwemunye letshumi lambili; wasesifa.

⁹ UEnosi wahlala iminyaka engamatshumi aficamunwemunye, wasezala uKenani.

¹⁰ Emva kokuzalwa kukaKenani uEnosi wahlala iminyaka engamakhulu aficaminwembili letshumi lanhlanu; wazala amadodana lamadodakazi.

¹¹ UEnosi wahlala iminyaka engamakhulu aficamunwemunye lanhlanu; wasesifa.

¹² UKenani wahlala iminyaka engamatshumi ayisikhombisa, wasezala uMahalaleli.

¹³ Emva kokuzalwa kukaMahalaleli uKenani wahlala iminyaka engamakhulu aficaminwembili lamatshumi amane; wazala amadodana lamadodakazi.

¹⁴ UKenani wahlala iminyaka engamakhulu aficamunwemunye letshumi, wasesifa.

¹⁵ UMahalaleli wahlala iminyaka engamatshumi ayisithupha lanhlanu, wasezala uJaredi.

¹⁶ Emva kokuzalwa kukaJaredi uMahalaleli wahlala iminyaka engamakhulu aficaminwembili lamatshumi amathathu; wazala amadodana lamadodakazi.

¹⁷ UMahalaleli wahlala iminyaka engamakhulu aficaminwembili lamatshumi aficamunwemunye lanhlanu; wasesifa.

¹⁸ UJaredi wahlala iminyaka elikhulu lamatshumi ayisithupha lambili, wasezala uEnoki.

¹⁹ Emva kokuzalwa kukaEnoki uJaredi wahlala iminyaka engamakhulu aficaminwembili; wazala amadodana lamadodakazi.

²⁰ UJaredi wahlala iminyaka engamakhulu aficamunwemunye lamatshumi ayisithupha lambili; wasesifa.

²¹ UEnoki wahlala iminyaka engamatshumi ayisithupha lanhlanu, wasezala uMethusela.

²² Emva kokuzalwa kukaMethusela uEnoki wahamba loNkulunkulu iminyaka engamakhulu amathathu; wazala amadodana lamadodakazi.

²³ UEnoki wahlala iminyaka engamakhulu amathathu lamatshumi ayisithupha lanhlanu.

²⁴ UEnoki wahamba loNkulunkulu. Kazabe esaba khona, ngoba uNkulunkulu wamthatha.

²⁵ UMethusela wahlala iminyaka elikhulu lamatshumi aficaminwembili lesikhombisa, wasezala uLameki.

²⁶ Emva kokuzalwa kukaLameki uMethusela wahlala iminyaka engamakhulu ayisikhombisa lamatshumi aficaminwembili lambili; wazala amadodana lamadodakazi.

²⁷ UMethusela wahlala iminyaka engamakhulu aficamunwemunye lamatshumi ayisithupha lesificamunwemunye; wasesifa.

²⁸ ULameki wahlala iminyaka elikhulu lamatshumi aficaminwembili lambili, wasezala indodana.

²⁹ Wayitha ibizo wathi nguNowa, wathi: Lo uzakusiduduza ekusebenzeni kwethu lasekutshikatshikeni ngezandla zethu ngenxa yomhlabathi ewuqalekisileyo iNkosi.

³⁰ Emva kokuzalwa kukaNowa uLameki wahlala iminyaka engamakhulu amahlanu lamatshumi aficamunwemunye lanhlanu; wazala amadodana lamadodakazi.

³¹ ULameki wahlala iminyaka engamakhulu ayisikhombisa lamatshumi ayisikhombisa lesikhombisa; wasesifa.

³² UNowa wahlala iminyaka engamakhulu amahlanu, wasezala uShemu loHamu loJafethi.